Жексенбі, 25 Маусым 2017
17 Сәуір, 2017 сағат 21:16 Мәңгілік ел 3005 74 пікір

Рухани жаңғыру – Қазақстанның үшінші жаңғыруының негізі

Өткен аптаның ортасында еліміздің саяси өмірінде елеулі оқиға болды. Қазақстан Республикасының Президенті Нұрсұлтан Назарбаевтың «Болашаққа бағдар: рухани жаңғыру» атты бағдарламалық мақаласы жарыққа шықты.

Мақаланы оқып шыққаннан кейінгі алғашқы байқайтынымыз, ойды жеткізудегі ерекше мәнерлілік, дәлдік пен қарапайымдық. Сонымен бірге, бұл еңбек мейлінше терең, күрделі әрі кемелдігімен ерекшеленеді. Еліміздегі рухани жаңғырудың тұжырымдамалық бағдары министрден бастап, қатардағы қарапайым азамат түсінетін, баршаға ұғынықты, бай әрі ықшам тілмен жеткізіледі. Биылғы жылдан бастап Қазақстан жаһандық бәсекеге қабілеттілікке қол жеткізуге бағытталған еліміздің Үшінші жаңғыруын іске асыруға кіріскені баршаға белгілі. Оның басты мақсаты – Ұлт жоспарын орындау аясында әлемнің ең озық 30 елінің қатарына кіру болып табылады.

Бұған дейін еліміз жаңа тәуелсіз мемлекетті құру арқылы Бірінші жаңғыруды жүзеге асырды. Содан кейін «Қазақстан–2030» Стратегиясын қабылдады және Астананы салды. Нәтижесінде еліміз әлемнің дамыған 50 елінің қатарына кірді. Бұл Екінші жаңғырудың нәтижелері.

Мұның бәрін таратып айтып отыру себебіміз еліміздің жүйелі әрі дәйекті эволюциялық дамуына бағытталған мемлекеттік саясаттың өзара байланысы мен сабақтастығын көрсетуді мақсат тұтып отырмыз.

Бүгінгі таңда Қазақстанның Үшінші жаңғыруын іске асыру аясында саяси реформа, экономикалық өсімнің жаңа моделін құру және рухани жаңғыру сияқты үш жаңғыру үдерісі жүзеге асырылатын болады.

Аталған үдерістердің қатарында рухани саланы жаңғырту негізгі бағыт болып табылады. Мұндай аксиомалық байлам жасауға берік негіз бар деп ойлаймын. Әлбетте, саяси және экономикалық жаңғырудың жетістігі, бірінші кезекте, рухани қатынастар басымдық алатын қоғамдық сананың деңгейіне байланысты болмақ. Сондықтан, бүгінгі таңда рухани жаңғыру ең өзекті міндеттердің алдыңғы қатарына шығып отыр.

Бұл орайда, ең әуелі, жалпыұлттық құндылықтарды тереңдету негізінде түбірлі өзгерістерді қажет етіп отырған осы саланың бүгінгі жай-күйін атауға болады.

Мәселен, егер де биік мінберде зерделейтін болсақ, бізде демократияның басты белгісі саналатын сайламалы үдеріс саяси өмірде өзінің орнын тапты. Биылғы жылы конституциялық реформалардың аясында ел Президентінің бірқатар өкілеттіктері биліктің өзге тармақтарына берілді. Осыған орай, Мемлекет басшысы Парламент палаталарының бірлескен отырысында сөз сөйлеп «Біз жүріп келеміз, біртіндеп алға басудамыз, яғни бұл қоғамды демократияландырудың сатыларының бірі... Басқа мемлекеттер өздерінде бар демократияға жүздеген жылдар бойы жүрді... Демократия – бұл жолдың басы емес, бұл жолдың аяғы, ол біздің мақсатымыз», екенін атап көрсетті.

Экономикаға келетін болсақ, Қазақстан нарықтық экономиканың көрнекті үлгілерінің бірі болып табылады. Мысалы, бүгінде Мемлекет басшысының тапсырмасы бойынша Үкімет Экономикалық ынтымақтастық және даму ұйымына (ЭЫДҰ) мүше көптеген елдердің ІЖӨ-нің 15%-ы деңгейі көлеміндегі мемлекеттің экономикаға қатысуын азайту бойынша жұмыс жүргізуде. Мемлекеттің экономикаға қатысу үлесін есепке алғанда, мемлекеттің бақылауындағы және жанама бақылауындағы ұйымдардың ІЖӨ-ге шаққандағы жалпы қосымша құнының (ЖҚҚ) арақатынасы ескеріледі. 2014-2015 жылдардың қорытындылары бойынша ЖҚҚ-ның ІЖӨ-ге арақатынасы 21,1% және 19,1%-ды құрады.

мемлекеттің экономикадағы қатысуын қысқарту мыналар арқылы қамтамасыз етіледі:

–мемлекеттік меншікті жекешелендіру және квазимемлекеттік сектордағы активтерді іске асыру;

-ұлттық холдингтерді трансформациялау;

Кәсіпкерлік кодексте қарыстырылған «Yellow Pages Rule» қағидаттарын іске асыру.

2016-2020 жылдарға арналған жекешелендірудің кешенді жоспарында 780 ұйымды, оның ішінде мемлекеттік меншіктегі 64 барынша ірі компанияларды, атап айтсақ, «Самрұқ-Қазына» ұлттық әл-ауқат қоры, «Бәйтерек», «ҚазАгро» акционерлік қоғамдары, «Самрұқ-Қазына» ұлттық әл-ауқат қоры» акционерлік қоғамының құрамына кіретін 171 еншілес және тәуелді ұйымдарды, сондай-ақ, жекешелендірудің, мемлекет-жеке меншік бағынышты әріптестікгі және тарату нәтижесінде бәсекелестік ортаға берілген 545 кәсіпорынды іске асыру қарастырылған.

Қабылданған шаралар мемлекеттің экономикағы қатысуын елеулі қысқартады және елімізде жеке бастамалардың белсенділігін арттырады.

Рухани-мәдени салаға қатысты әзірге мұндай өзгерісті айта алмаймыз. Әрине, аталған саланы тұтастай нарыққа беру жөнінде әңгіме қозғалып отырған жоқ. Басты мақсат мемлекеттің және азаматтық қоғамның өзара іс- қимылының негізінде барша руханиятты жаңғырту болып табылады. Бұл орайда, елімізде 2014 жылдан бері қазақстандықтардың жоғары руханилығы мен мәдени ментальдығының бәсекеге қабілеттілігін қалыптастыруға бағытталған Қазақстан Республикасының мәдени саясатының тұжырымдамасы іске асырылуда. Мәдениет руханияттың іргесі ажырағысыз құрылымы екені аян. Ал, кейінгі жылдары мәдениеттің ең негізгі өзегі рухани салада түбірлі жаңғырулар жүргізілген жоқ.

Елбасының бағдарламалық мақаласы – бұл, ең әуелі ХХІ ғасырда шынайы өмірде ұлттық сананы айқындайтын және қоғамдық сананы өзгерту жолдарының жалпы бағыттарын белгілейтін дүниетанымдық-идеологиялық мақала. Оның мақсаты күшті әрі жауапты адамдардың Біртұтас ұлтын құру болып табылады. Мақала кіріспеден, «ХХ ғасырдағы ұлттық сана туралы», «Таяу жылдардағы міндеттер» атты екі негізгі тараудан және қорытындыдан тұрады.

Ең әуелі, ел Президенті тарапынан бүгінгі таңда адамзат қоғамы жинақтаған аса зор өркениет тәжірибесіне зерделі талдау жасау бойынша қыруар жұмыс жүргізілгенін көруге болады.

Біздің дәуірімізге дейінгі V-VI ғасырларда өмір сүрген Қытайдың ежелгі ойшылы Конфуций адамның өмірі ең әуелі моральмен реттелуі тиіс екенін тұжырымдап берді. Бұған білім мен тәрбиенің арқасында қалыптасатын дұрыс адамгершілік әдептердің ережесі ли ұғымын насихаттау негіз болды. Қытай өзінің жүздеген жылдардан бергі өмір салтында Конфуцийдің осы өсиеттеріне барынша адалдығын көрсетіп келеді.

Мемлекет басшысының жоғары рухани дамуға қатысты сөзі дүниетанымдық саладағы жаңғыру бойынша қолданылған жаңаша ұғым. «Сананы жаңғыртудың» мазмұнын негіздей отырып, Президент жаңғырудың 6 бағытын белгілейді:

1. Бәсекеге қабілеттілік;

2. Прагматизм;

3. Ұлттық бірегейлікті сақтау;

4. Білімнің салтанат құруы;

5. Қазақстанның революциялық емес, эволюциялық дамуы;

6. Сананың ашықтығы.

Бұл бағыттардың бәрі барынша өзектендірілген және уақыттың талаптарына нақты жауап береді. Олардың әрқайсысына егжей-тегжейлі тоқталу мақаланың басты міндеті емес екенін ескеріп, біз Екінші және Үшінші жаңғырулар – «Прагматизм» және «Ұлттық бірегейлікті сақтауға» назар аударсақ.

Ел Президенті Нұрсұлтан Назарбаевтың «әуелі экономика, содан кейін саясат» атты әйгілі принципі баршаға таныс. Біздің ойымызша, оның сабақтаса дамуы қоғамдық сананы жаңғыртуда айқын көрінеді. Әлемнің жетекші елдерін табысқа жеткізген нақты прагматизм игілікке қол жеткізудің әмбебап кілті болып саналады. Дәл осының арқасында қоғамдық-экономикалық формация ретінде капитализм құрдымға кеткен социализмді біржолата жеңді.

Мақалада біздің ұлттық кодымыздағы прагматизмнің бар екендігіне дәлме-дәл негіздеме беріледі. Ұлы даладағы қатаң табиғи жағдайлар мен шөлейтті жерлердегі тіршілікпен байланысқан көшпенділік дәстүрі ата-бабаларымыздың бойына табиғатпен үндескен өмір салтын, яғни прагматизмді қалыптастырды. Өткен ғасырлардағы қоғамдық-саяси ойдың дамуына талдау жасай отырып, Елбасы радикалдық идеологияның заманы мүлдем келмеске кеткенінін тұжырымдайды. Сол себепті, біздің болашаққа жасалатын ұранымыз реализм және прагматизм болмақ.

XIX ғасырда Германияның ұлы канцлері Отто Бисмарк Realpolitik мемлекеттік бағытын өмірге енгізді. Ол әртүрлі идеологиядан бас тартып практикалық тұжырымдарға басымдық берді. Сондықтан, Елбасының тұжырымы анық: біз жекелеген адамның және тұтас ұлттың мүмкіндіктері мен шектерінің аясында нақты мақсаттарға қол жеткізуді бағдарлауымыз керек.

«Ұлттық бірегейлікті сақтау» атты екінші бағытқа қатысты тоқталсақ, Президент дамудың әмбебап үлгісі болмайтынын нақты жеткізіп, тек ұлттық модельді ғана алға тартады. Бұл тұжырым қазіргі заманғы дәуірдегі ұлт құрылысында аса маңызды болып табылады. Ортақ тіл, мәдениет, тарих – бұлар барлық заманда да қуатты мемлекеттің іргетасы екеніне ешкім дау туғызбаса керек. Бұл бағытта ең әуелі ұлттық рухты атап көрсеткіміз келеді. Бұл жерде біз Мемлекет басшысының «Тарих толқынында» атты келелі монографиясын парақтай отырып, тарихқа қысқаша шолу жасап көрсек. Біздің рухани бастауларымыз қазіргі Қазақстанның аумағында біздің дәуірімізге дейінгі екінші мыңжылдықта өмір сүрген ежелгі арийлерден басталады. Содан кейін саясат сахнасына бірінші мыңжылдықта билік құрған жауынгер сақтар шығады. Бұдан соң ұлы ғұндар дәуіріне кезек беріліп, олар түркілер билігіне дейінгі б.д.д. ІV ғасырда өмір сүрді. Одан кейінгі заманда орын алған тарихи оқиғалар еліміздің ақпараттық-мәдени кеңістігінде кең түрде көрініс тапты. Сондықтан, оларды қайта санамалап жатудың қажеті жоқ деп ойлаймыз. Генезистің және біздің ұлттық рухымыздың қалыптасуы мен дамуына екпін берген осындай ортақ құрамдастар бар. Айтылғандарды түйіндейтін болсақ, Мемлекет басшысының ұлттық рух туралы ұсынған тезисі Ұлы Дала елін дамытудың басты қозғаушы күшіне айналады.

Екінші тарау «Таяу жылдардағы міндеттерге» келсек, бұл іс-қимыл жоспары бірінші кезекте Қазақстанның алдағы ұзақ жылдардағы дамуын айқындайтын стратегиялық сипатқа ие.

Осы тараудағы нақты жобалардың қатарында келесі екеуіне жан-жақты тоқталуды жөн көрдік.

Бірінші жоба – бұл қазақ жазуының латын әліпбиіне кезең-кезеңмен көшіру мәселесі. Бұл мәселені өткен аптада бірқатар сарапшылар кең түрде талқылады. Пікір қайталауларға жол бермеу үшін біз тек келесі мәселерді ғана атап өткіміз келеді.

Біріншіден, Мемлекет басшысы латын әліпбиіне көшуді тек бүгін ғана қозғап отырған жоқ, оны 2012 жылы жариялады.

Екіншіден, Қазақстанның дамуында латын әліпбиі арқылы дамудың 11 жылдық тарихи тәжірибесі қалыптасқан (1929 – 1940 жж.).

Үшіншіден, бір тілдің жалпыадамзаттық немесе былайша айтқанда, «франк лингвасы» бойынша дамуы бұл заңды әрі тарихи құбылыс. Орта ғасырларда арабтар барлық батыс еуропалықтарды осылай атады. Шын мәнінде, сол кезеңдерде франлітік билік ерекше салтанат құрды. Бұдан кейін француздардың билікке келу кезеңі басталды. Соған орай, барлығы роман тілінде сөйлей бастады. Ал, содан соң бүкіл Жер шарында отар елдері орналасқан Ұлыбританияның билеу кезеңіне ойысты. Бүгінде тарихтың жазуымен бүкіл өркениетті әлем, бірқатар бағалаулар бойынша 1,5 млрд адам осы тілде сөйлейді, өмір сүреді және дамуда.

XX ғасырда біз тағдырдың талқысымен дәйекті тарихи дамудың жалпыға бірдей сүрлеуінен шығып қалдық. Қазіргі таңда біздің елімізге заманымыздың бірегей мемлекет қайраткері, Қазақстан Президенті Нұрсұлтан Назарбаевтың басшылығымен өркендеп жатқан тәуелсіз мемлекетімізді жаһандық деңгейде дамуына жол ашатын латын әліпбиіне көшудің керемет жағдайы туып отыр. Біз мұны «Қазақстан-2050» Стратегиясының басты мақсаттарына қол жеткізудің және әлемдегі ең дамыған 30 елдің қатарына кірудің бірден-бір мүмкіндіктері деп білеміз.

Біз назар аударып отырған екінші жоба «Қазақстанның рухани жәдігерлері». Мәдениет саласы материалдық және рухани құндылықтардан тұратыны өздеріңізге мәлім. Өкінішке қарай, бұған дейін елімізде киелі құндылықтарға деген тұжырымды көзқарас болған жоқ. Сондықтан, ел Президентінің бастамасы бойынша қолға алынған жоба ұлттық бірегейліктің маңызды рухани тірегі болып табылады.

Әрбір халықтың өзіне тән киелі орындары бар. Мәселен, ағылшындар басты храмы – Кентерберий ғибадатханасын, немістер Кельндегі рим-католик готикалық соборын, француздар Нотр-Дам-де Париді мақтаныш тұтады.

Бізде де мақтаныш ететін қасиетті орындар жеткілікті. Бұлар ежелгі Тараз, Ұлытау, Түркістан, Алтай, Жетісу өңірлері және Бекет-Ата кешені. Алайда, қоғамдық санада бұл орындар туралы бірегей ұғым мен ортақ түсінік қалыптаспаған. Сондықтан, ұлтты ұйыстырудағы аталған стратегиялық міндетті орындауда осы жобаны жүзеге асырудың маңызы аса зор.

Ойымызды қорытындылайтын болсақ, жаңа жағдайдағы рухани жаңғыру баршамыздан жаһандық өзгерістерге және жаңашылдықтарға дайындықты және ұмтылысты қажет етеді. Өйткені, біз айрықша серпінділікпен жылжып жатқан зымыран уақытта өмір сүрудеміз. Әлемге танымал америкалық экономист Джон Коттер өткен ғасырдың 90-ы жылдары өзінің «Өзгерістердің алдында» атты кітабында бәсекелестерден ілгері болу үшін міндетті түрде өзгерістерді алдын-ала біліп, оны басқара білу қажеттілігін айтқан болатын. Аталған тезис біздің заманымызда да өзінің өзектілігін жойған жоқ.

Қазақстан Президенті Нұрсұлтан Назарбаев «Болашаққа бағдар: рухани жаңғыру» атты бағдарламалық мақаласында жаңа тарихи кезеңге тән қатерлер мен тәуекелдерге жан-жақты баға бере отырып, рухани жаңғыру арқылы болашаққа деген өзінің терең көзқарасын білдірді.

Сондықтан, Мемлекет басшысы атап өткендей, еліміздің әрбір азаматы бүкіл қоғам, саяси партиялар мен қозғалыстар, барша мемлекеттік органдар ағымдағы жағдайға талдау жасап, біздің қай жерде тұрғанымызды анықтап, әрбіріміздің не істеу керектігімізді жете ұғынуы керек.

Біз біртұтас ұлы ұлттың перзенті екенімізді мақтан тұтуға тиіспіз. Біздің жолымыз айқын: Жаңару арқылы жарқын болашаққа жетейік!

Гүлшара ӘБДІҚАЛЫҚОВА, 

Қазақстан Республикасының Мемлекеттік хатшысы 

Abai.kz

74 пікір
Сайран 2017-04-21 12:24:28
Қандай қаріпке көшсекте, рухымыз, жандүниеміз, мәдениетіміз бен өнеріміз, салт-дәстүріміз қазақы болып қалуы керек. Жастарды білімді қылып тәрбиелеу керек. Отанды қаншалықты дәрежеде жақсы көре аласың, жақсы көру керек. "Өзімізге-өзіміз боқ жағуды"- қойған дұрыс сияқты. Бұл өмірде, бала-шағаңның жайдары, аман-сау болып жүргеніне не жетеді. Қазақ жастары білімді, ақылды, отансүйгіш болса, бәріде оңалады. Бәріде орынына келеді. Біреулерге кеткен есеміз болса, ол тек білімдарлық қайтарылуы керек. Латын қаріпіне көшкен жақсы, әйтседе, сол қаріпке көшу барысында сауатсыздық - "арам шөптей қаптап өсуі" мүмкін деген қауіп бар, мұғалімдердің арасында. Өйткені, қаншама дүниелер өзгеруі керек болады. Көп болып ат салысуымыз керек. Үйіміздің бір бөлмесіне мектеп тақтасын іліп, немерелерімізге "әліппе"-ні өзіміз үйрететін болармыз. Әйтпесе, "Латынша үйренеміз" деген білім телеканалы ашылғанша ("Отау"тв) балаларымыз "не рыба- не мясо" болып қалуы мүмкін. Бірақ, латын қаріпіне көшуді қолдаймын.
Дана Қазақ 2017-04-20 23:10:32
ПОЧЕМУ МЫ ОТСТАЛЫЙ........https://www.nur.kz/1470754-almatylyq-studentter-oqu-oryndarynd.html
Трезвевателден 2017-04-20 19:08:20
Анау Есенғали дегеннің үстіне бір-екі шелек суық су құйып жіберіңдерші, есін кішкене жисын, қай заманда жүргенін ұмытып қапты. Енді оған құюды доғарыңдаршы, ұят болады, тағы бірдеңе деп жүрсе.
Төре 2017-04-20 17:00:49
Ей Аң таң! Мен ешкімді оңбаған дегем жоқ! Қазақтың ТЕКҚОРЫ әлі мықты. Біздерді құртқан жалғандыққа тәрбиелеу. Жалған ортаға бейімдей тәрбиелеу. Оны айтуға, дәлелдеуге мүмкідік жоқ болды? Соның нәтижесін әлі ұзақ көреміз. Тұқымыңыз жаман тексіз болса, онда Ата-бабаңызға іренжіңіз? Иә, кеңес өкіметі текқорымызды мақсатты түрде әлсіретті. Тектілерді, Білімділерді түгелге жуық жойып жіберді. Құл би болды, олардың тұқымдары жаппай партия мүшесіне алынып, үлкен-үлкен лауазымдарға тағайындалды... Ата-Бабам құл-қутан, кедей болды деп мақтан тұтты. Сол үшін солар өсті, ел басқарды. Оның немен аяқталғанын сіз білетін шығарсыз? Қазақ, Адам тұрмақ малдыңда жақсысын ұстап, қадыр тұтқан. Иттен ияу, мысықтан мияу туады! деген мақал содан қалған. Әзірше жетер? Әлі "пролетарии всех стран соединяйтес!, деп жүрген боларсыз?
Аң таң 2017-04-19 23:34:55
Төре сен бәріміз онбаған дедің, сонда таза ұрпақ қайдан келмек, жақсы келісейік түбі кетеміз ол хақ, ал оңбағандардаң қалған ұрпақ та соларға похож болып өспейме? "Алма ағашынаң әрі құламас"дейтін бар гой
тТт 2017-04-19 21:54:29
Қайырымды адам табылып, бірінші һәм екінші жаңғыруымыз қашан болғанын айтып жібермес па екен.
Есенғали, Антакиядан 2017-04-19 21:53:46
"Оқырманға суретші" деген сәуселім, мен латын графикасында жазылған өзбек, қарақалпақ һәм түрікпен әдебиетін түп шығарма күйінде оқимын. Мен латын графикасында плакат жазғанымда, сен "под столом голый ходил" !
Мырзалі 2017-04-19 21:12:16
Төсек жаңғыртқым келіп жүр!
Оқырманға суретші 2017-04-19 20:26:41
Ой, ол Есенғали алпыстан асса да менің ақылым керек пе деп сұрамайды, өзі қыстырылып айта береді ақылын. Латын әрпінен оның шошитын себебі бар: Есенғали плакатист, шрифтовик қой. Совет заманында компартияның ұрандарын жазып дағдыланған, күнін сонымен көрген. Қазір кириллицамен ұрандар жазылмайды. Рекламаның бәрі латын әрпімен жазылады, дәретхана атауына дейін. Латын әрпінің трафареттері Есенғалида жоқ болуы керек. Далада қалғандай құлазып жүр ғой байғұс.
Оқырман 2017-04-19 20:02:40
Ой мына Есенғали алжиын деген гой, алпыстағы шалдан ақыл сұрама деген
Төре 2017-04-19 17:41:57
Мемлект идеологиясы болу керек... Ол қандай идеология, кеңес өкіметіндегідей жалған болмау крек... Жалған идеология жалғандыққа тәрбиелейді. Ол адам баласын екіжүздікке итермелейді. Біздер кеңес кезінде тәрбиелендік, сондықтан ішкі ойымыз бен айтпақ пікіріміз екі бөлек. Көбіміз екі жүздіміз, оны мойындағымыз келмейді. Сананы тұрмыс билеген заман... Бұрында қазірде шындықты айтсаң, айтқан адам "алапес" атанады? Сондықтанда ондай мемлекет кері дамыйды? Қазірден бастап осыны қолға алу керек. Ол өте күрделі. Ал біздер түзелмейміз. Кеңес кезіндегі тәрбие алған екі жүзділер, біздер түгел өліп, жаңа буын келу керек. Сонда ғана қоғамымыз түзелуі мүмкін ...
Дана Қазақ 2017-04-19 17:32:55
ПОЧЕМУ МЫ ОТСТАЛЫЙ........https://www.youtube.com/watch?v=8W6yByFQ6Qs
Есенғали, Антакиядан 2017-04-19 16:23:25
Теледидар көрермені інім, заман шиеленісіп тұрғанда, ватник шовинист кімге тиісерін білмей алақанын ысқылап отырғанда осы "ЛАТЫН ГРАФИКАСЫНА КӨШУ" деген спектакль кімге керек бола қалды екен ? Қазақстанда "пятая колонна" деген қауымның, қала көшелерінде мұртын салбыратып, қылышын сүйретіп, әлемде жоқ елдің әскери формасын киіп тайраңдап жүрген тайпаның барын мен айтпасам да білетін шығарсың ? ! Мүмкін Украинадағы жағдайдың Қазақстанға да келуін тілеп жүрген "патриоттың" бірі шығарсың, інім. Сендейлер таңның атуы, күннің батуы ВатаТВ-ы қарайды ғой, Кисель-Геббельс "тумаң" : "Қазақтар кириллицаны менсінбей, латиницаға көшкелі жатыр" деп қуанып жатыр ма ?
Тв көрермені 2017-04-19 15:08:53
Отарсыздандыру прцессі жүрген жоқ деп,жазуды жақсы көретіндер бар еді соның ең басында Есенғали болатын, мынау елбасының ұсынғаны сол отарсыздандырудың жұмсақ түрі дер едім, бірақ Есаған енді басқаша сайрап тоқтар емес, бұл қазақтарға не дерсін
Есенғали, Антакиядан 2017-04-19 11:40:33
Мазақстандағы "жемқорлықпен күрес" деген науқан - ұстаған балығын қайтадан суға жіберетін спорттық балық аулаудың ("спортивная рыбалка") бір түрі. Қармаққа ілінген балық қанша ірі болған сайын тезірек өзінің үйреншікті ортасына түседі, ал шабақтар "рыбактың" мысығына жем болады.
Құрманғазы 2017-04-19 11:33:13
Ұлттық кодымыздың (бергі тарихымыздағы) үздік көрінісі - Желтоқсан86 !!! "...Әжептәуір жаңғырған қоғамның өзінің тамыры тарихының тереңінен бас­тау алатын рухани коды болады. Жаңа тұрпатты жаңғырудың ең басты шарты – сол ұлттық кодыңды сақтай білу. Онсыз жаңғыру дегеніңіздің құр жаңғырыққа айналуы оп-оңай." Нұрсұлтан Назарбаев. Болашаққа бағдар: рухани жаңғыру Осы тақырып аясында ұлттық арнада болған көрсетілімнің басынан көре алмай, кейіннен, басынан бастап көріп шықтым. Ток шоудың тізгінін ұстаған Берік бауырымның бәйгеге түскен жігіттерімізге бірталай дүниелердің басын шалып, (көсіліп шаппаса да), бауырларының бір жазылып қалуына жағдай туғызғаны, қуантарлық. Бұл сөзім арна басшысы - Ерлан Каринге де арналса керек. Іске сәт, жігіттер ! Сынаптай сырғыған уақыт ешкімді күтіп тұрмайды, жаңғыру да тарихтың өзі сияқты жал­ғаса беретін процесс. Осы орайда, Ұлттық кодтың бергі тарихымыздағы бірден бір белгісі мен үздік көрінісі - Желтоқсан86!, - деп санаймын. Оған қатысты, Елбасымыз кезінде былай деген болатын: «1986 жылғы Желтоқсан оқиғалары қазақ жастарының сана-сезімінің қаншалықты өскендігін көрсетті. Олар жүз жылға жуық уақыт бойы халықты казармалық тәртіпте ұстап келген тоталитарлық жүйенің алдында бірінші болып, айылдарын жиған жоқ. Жастар бұдан әрі кез-келген ұлтқа тән мақтаныш сезімін қорлауға жол бермейтінін өз халқының атынан ашық мәлімдеді» Желтоқсан өз бастауын Алаш арыстарынан, олар өз кезегінде, ұрпақтар сабақтастығы арқылы жалғасқан, тамыры терең - қазақтың Ұлы даласында өмір сүрген бабалар бастауынан алғаны сөзсіз. Сан қилы замандарды бастан кешіп, неше түрлі қоғамдық формацияларды көрген халқымыздың бойында қалыптасқан бір ерекшелігі - Жерге қатысты дүниетанымымыздың экономика тіліндегі тауар танымынан жоғары асып, рухани байлығымызбен тікелей байланысында. Желтоқсанның да бұрқ ете түскені, осы жерімізге қатысты екенін біреулеріміз біліп, біреулеріміздің білмей жататыны жаныма батады. Мың тоғыз жүз Сексен алты. Он,он сегіз,жиырма төрт Алтау ала,төртеу түгел төбедегі келед,-деп Жастар шықты Алматыда, Бас Алаңға байрақты Намыс, Жігер, Көздерінде от қайратты! Алаң толы,ығы-жығы Айналамыз қара көз. Қара көзде тұнып тұрған Тарих,тағлым сабақтары Абай жазған қара сөз. Алашорда, Әлиханның Сәкендердің елесі, Бабалардың, тар жол,тайғақ Жете алмаған белесі. Қар боп ұшып,қан боп құшқан Махамбеттің жебесі Жаужуректі , Хан Кенемнің Басы жоқ құр денесі!... Бұл өлең жолдары Алаңды басынан өткерген замандастарымның рухына бағышталады
Төре 2017-04-19 10:40:47
Ей Қазақ, менің түбіме сен жеттің. Ал сенің түбіңе менің бір ұрпағым жетеді! ... Қалмақ данасы айтқан, деген аңыз бар... Анығын бір Алла ғана біледі?
Дана Қазақ 2017-04-19 09:55:36
АНАУ ЗАЙСАНДАГЫ КОШТI ТОНАГАН, ЖЕСIРДI ЖЫЛАТКАН ПИД....Рларды ОСТIП АКЕСIН ТАНЫТУ КЕРЕК .....https://www.nur.kz/1470050-zhitel-uralska-vyigral-delo-protiv-f.html
Дана Қазақ 2017-04-19 08:46:42
МЕН БАЛАЛАРЫМДЫ РУССКИЙ МИРде КОРГIМ КЕЛМЕЙДI !!! САНАНДЫ ТАЗАЛАГЫН КЕЛЕМЕ ХАРАКЕТiНДi ТАЗАЛА.
Баяғыдан бері айтып келемін 2017-04-19 08:33:05
Бұл президенттің нақты не істеу керек екенін білмейтінін анық көрсетіп отыр. Экономиканы болжаусыз экспо өткізу, таусылмайтын форумдар, универсияда, мемлекет ақшасын алаяқ олимпияда чемпиондарынан дер кезінде қайтарып алу механизмдері жасалмауы, заңдардың күнәра өзгеріп жатуы, айына бірнеше жемқор ұсталып жатса да азаймайтын жемқорлық, бейбіт шеруден үрей ұша қорқу және тағы басқа толып жатқан елдегі келеңсіздіктер, осыны аңғартады.
Баяғыдан бері айтып келемін 2017-04-19 08:15:35
Президент министрліктерді бірсе қосады, біресе бөлектейді. Облыс әкімдерін де біресе анда апарады, біресе мында әкеледі. Одан шығып жатқан пайдалы нәтиже жоқ. Латын жазуына көшуді де сан мәрте айтып, сан мәрте ұмыт қалдырған. Енді халықаралық жанжал өршіп тұрғанда отқа май құйғандай далбасалықпен қайта көтеріп отыр. Осының бәрі оған қарсы оппозициялық көзқарас айтатын биліктегі бір адамның жоғының кесірі.
Баяғыдан бері айтып келемін 2017-04-19 08:09:32
Мектептерге кирилл әліппесін де, латын әліппесін де, қытайдағы қазақтар оқып жазатын Байтұрсын әліппесін де оқыту керек. Сонда кез-келген уақытта бір алфавиттен екіншісіне көше салу соншама ауыр қиындықтар тудырмайды.
Есенғали, Антакиядан 2017-04-19 07:47:48
Qoyirxon (Қайырхан) tug'ishgan, bo'lmag'ur gapni chaynalib gapirmang (өзбекше). ********************************************************************************************* A'ga'rki turki xali'qlari' 34 xa'ripten turatug'i'n ortaq grafikag'a ko'shetug'i'n bolsa, birin-biri tu'sinip ketedi degen bijka'r ga'p (қарақалпақша). ********************************************************************************************* Мен бұл жерде қазақ тіліне жақын қарақалпақ һәм өзбек тілдерінде жазып отырмын, егер татар мен түрікпен тілдерінде жазсам, не жазғанымды түсінбек түгілі, айдалаға лағып кетесің, Қайырхан мырза ! ********************************************************************************************* 26 жылдан бері "кемеңгер" көсекеңнің спектакльдерін қараудан жалықпайтын қазақ деген не деген аңқау ұлт ? Бұл "жаңғыру" қазақты қаңғырту екені ең "тупой" пендеге де түсінікті емес пе, 26 жылда қанша "жаңғыру" болды, санаған адам бар ма, сол "жаңғырулары" үшін жауап берген тірі пенде бар ма ? !
Марат Мусин 2017-04-19 03:24:25
Осы көтеріліп отырған мәселелер құр сөзден, көпіріп сөйлеуден ары қарай бармайды. Просто Кремльде отырған империяшыл саясаткерлер, Ресей Думасы мен патшасы Путин бізге латын қарпіне көшуге бәрібір рұқсат бермейді. Ал 2025 жылға дейін кім бар, кім жоқ?!!!. Жағдай күрделеніп бара жатса Мәскеудің ығына жығыла салатын әдетіміз бар ғой. Қайта ойланып шешімін өзгерете салу орысқұл билікке түкке тұрмайды. Орыс әлемінен қол үзуге просто Ақорданың батылы жетпейді. Кишка тонка. Жалтақтау, үрейшіл басшылардан қазақ үшін батыл қимылдар күту өзіңді алдаумен тең. Оған ширек ғасыр созылып келе жатқан қазақ тілінің аянышты жағдайы айқын дәлел. Орекеңдердің "қазақтар шулап- шулап қоя салады" деп миығынан кекетіп күлгендерін де естідік. Байырғы қазақтарды босқа үміттендіріп ертең "лақтырып" кетсек оның теріс салдары өте ауыр болады. Не қазақтардың наразылық толқуына ұшыраймыз немесе Батыс елдерінің санкциясына ілігеміз. Или или. Бұл мақаладан халықтың жүйкесін жұқартқаннан бөлек ештеңе көріп тұрған жоқпыз. Тіпті Елбасының идеясы дұрыс болғанның өзінде де оның іске асыру қиын. Өзіміздің арамызда жүрген ресейшіл күштердің өзі- ақ аяқтан шалады. Әне Мәжілістегі депутат орыс қатынның өзі НӘН- ге қарсылығын көрсетіп жатқанына бәріміз куә болдық. Оны орнына қоюға паламент спикер Нығматулиннің шамасы келе ме, қайдам?!. Смирнова қалай депутат боп жоғары жалақы алып отыр, солай түк болмағандай отыра береді. Құр маңырағанша бір сәт артқа да қарап қояйық. Метрополия үшін бізден екінші Украина жасау бір рет түкіріп қою сияқты нәрсе. "Артты қысқан бай болады" дегендей ашушаң аюдың жынына тигеннен не табамыз?!. Болмайтын әңгімені айтып ертең орысшыл "бесінші колоннаны" шулатудың керегі шамалы...Әрі тартта бері тарт деп ақыры сиырқұйымшақтанып бітетін әңгімені бекер қолға алдық...Одан да халықтың әл- ауқатын қалай көтереміз, күн сайын өсіп бара жатқан бағаны қалай тоқтатамыз, елдегі жұмыссыздық пен жемқорлықты қалай азайтамыз соны талдайық.
Қайырхан 2017-04-19 00:50:34
Латыншаға көшу ол түркі әлеміне жақындау, ғылымның жетістіктері осы әріптерге қатысы бар, әріпте тұрған не бар деп ойлау топастық әріп ол мәдени әлемге бастайтың бірден бір құрал, орта азиялықтар бір бірін кітаптарын газет журналдарын оқып түсіне алса ол халықтарды да жақындатады,орыстар бекерден бекер бұл латыңға неге алаңдаулы олар ақымақ емес түбі оздерінің мәдениетіне тәуелді қазақтан айрлып қалатының біліп ойбайлап жатыр,жаны ашып жатқандық емес
Біржан Мырзатайға 2017-04-18 20:46:23
Тарихты білмей жұртқа шала ақылгөй болып шатастырмаған жөн ғой. Сталин алфавитті бір күнде ешқашан ауыстырған емес. 1929 жылы латын әрпін енгізді, есесіне 1934 жылға дейін "Еңбекші қазақ" газетінің әр бетінде бір мақала араб әрпімен, бір мақала латын әрпімен қатар басылып келді. Басқа қазақ басылымдарында да солай болды.1940 жылы кириллицаға көшу туралы қаулы шықты, 1943 жылға дейін барлық баспасөз бетінде бір мақала латын әрпінде, бір мақала кирилл әрпімен басылып келді. Мұның бәрі жұрттың көзін біртіндеп үйрету үшін жасалды. Бәрін Сталинге жаба салуды қою керек. Әріп ауыстырудан қазақ әлемдік, батыстық, АҚШ-тық құндылықтарды игеруі оңай, білімділігі артады дегеннің бәрі бизнес әлемінің ертегі насихаты, бос сөз. Себебі оны іске асыратындар ақшаның астында қалады. Біздің тілші ғалымдарымыз да осыдан он жыл бұрын алды артын ойламай латыншаға өтсек бізге, тілші ғалымдарға көп ақша бөлінеді, көп заказ аламыз, латынша әліпби жасаймыз, құралдар жазамыз, байлыққа кенелеміз деп жарыса даурыққан. Кейін аптықтары басылап еді, қазір қайта оянды. Табыс табу, ақша көкейлерінде. Халықтың сауаттылығы онан арта ма, жоқ құрдымға кете ме, барынан айырыла ма, онымен шаруалары жоқ. Ойлары сол үлкен заказбен үкіметтің ақшасын, бюджетін арамен кесу, өз үлесін алу. Оған ақпарат пен компьютер технологиясы саласындағы алпауыттар қосылып, үгіт жүргізуде. Сыртқы күш ретінде бұған Түркия мен батыс елдері өз үлесін аямай қосты. Орыстан құтыламыз деген бұл тірлік өзін өзі алдарқату. Орыс мәңгі көршің, бәрібір оның тілі қоса жүреді, араласасың. Марқұм Әсет Болғанбаев деген көрнекті тілші ғалым, профессор латын әрпіне көшіру халықтың сауатына, ондаған жылдар бойы кириллица негізінде жиналған құндылықтарға қиянат жасау, соларды жою деп атаған еді осы латын дүрбелеңі басталған тоқсаныншы жылдардың ортасында. Оны басқа тілші ғалымдар да, жазушылар да қорғаған.
Дана Қазақ 2017-04-18 20:31:37
Зере 2017-04-18 18:00:54.......... "сендерді зұлымдыққа ұшыратқандарға лағнет тілеңдер, зұлымдыққа ұшырағандардың дұғалары мен Алланың арасында ешбір перде болмайды, Алла тілектеріңізді міндетті түрде қабылдайды" ........САБЫР, САБЫР 70 ЖЫЛ АРАК IШIП САЛО МЕН ЗАКУСКА ЖАСАУ ОНАЙ ЕМЕС. САБЫР !!!
Есенғали, Антакиядан 2017-04-18 18:44:12
"Ойбай, кириллицадан айырылсақ, орыстың шырмауынан шығып, әлем елдерінің қатарына қосылып, білімді болып кетеміз !" деген бос сөз. Біріншіден - кириллица орыс әрпі емес, оны Византияның Кирилл (Константин) мен Мефодий деген гректері латын әрпінің үлгісінен алып грек әріптерін құрастырған. Үздік технологиялары мен экономикаларымен әлемді аузына қаратқан жапон мен кәрістің һәм қытайдың иероглифтері қай елдің әріптерінен кем ? Екіншіден - әріп өзгертудің орнына құлдық сананы өзгертіп, жемқорлық пен жағымпаздықты құртып, ұрлық пен мақтаншақтық қасиеттен құтылу керек. Сонда келешек ұрпақ өзіне керек әріпті таңдап алып, биліктегі кешегі қызылкөз коммунистер мен комсомолдардан, парламентте отырған осырақ шалдардан "ақыл" сұрамайтын болады.
Зере 2017-04-18 18:00:54
Кешегі "Айтуға оңай" бағдарламасын елбастыдан бастап барлық шенеуніктерге көрсетсе деймін. Білсін, жендеттерінің бейшара адамдарға қандай ұлы қиянаттар жасап жатқанын. Зұлымдыққа ұшыраған соларға кездессем айтар едім, "сендерді зұлымдыққа ұшыратқандарға лағнет тілеңдер, зұлымдыққа ұшырағандардың дұғалары мен Алланың арасында ешбір перде болмайды, Алла тілектеріңізді міндетті түрде қабылдайды" дегенін айтар едім.
бәсе 2017-04-18 17:53:26
латын мен кирил гректен тараған егіз алфавит, өз кезегінде грек оны финикиялықтардан алған, қазіргі араб пен иврит те сол финикиялықтардың әрпінен бастау алады. Ал енді кирил шыраймызды бұзып тұр екен, латын кіргізе ме? 5-6 әріптік айырмашылыққа бола бар жиған-тергенімізді бәске тігуіміз керек пе? Латын кімге таңсық екен, оны мектеп оқыған бәрі де біледі. Ал енді латын әрпін білсең дүниедегі ғылыми-тех-қ жетістіктермен қауыша қаласың деп кім айтты? Қай шет тілін үйренсең де, қай мамандықты игерсең де маңдай термен келеді. Әріпті өзгерте салып, жетісеміз деу...
Марат 2017-04-18 17:25:40
Қарапайым өмір сүрудің, қарапайым жүріп тұрудың үлгісін ең бірінші сол елбастыдан бастап жоғарғы шенеунктер өздері көрсетуі керек.
Дана Қазақ 2017-04-18 17:13:08
Турция может провести референдум относительно подачи заявки на членство в Европейском Союзе. Об этом заявил президент Турции Реджеп Тайип Эрдоган после объявления результатов референдума о расширении его полномочий.....http://www.euractiv.com/section/global-europe/news/erdogan-says-turkey-could-hold-referendum-on-eu-membership-bid/............НАМ НУЖЕН ИСЛАМ СОЮЗ А НЕ ЕВРОСОЮЗ !!!
Мырзатай 2017-04-18 17:06:40
Сталин алфавитті бір-ақ күнде көшіріп отырған. Қасаң да сол, қаламасаң да сол деп. Ол заманда қазіргідей тіпті компьютер болмаса халық сол бір күннің ішінде жазып-оқып кеткен. Ал 2025 жылға дейін деген сөз Ресейдің шовинстерін ұзақ мерзімге қоздырудан артық ештеңе әкеле қоймас деп ойлаймын.
Мырзатай 2017-04-18 17:00:45
Және табиғи байлықтардың көпшілікке байлық болып бұйырмайтынын жақсы айтып кетіпті. Несіне бұйырсың бәрін өзі олигархтармен қосып иеленіп алып, түскен ақшасының бәрін оффшорға тығып жатса.
Есенғали, Антакиядан 2017-04-18 16:59:13
Мына қаптаған тролльдардың арасында жүрген НАЗЫМ деген қалқам ерекше екен ? ********************************************************************************************* Айналайын, құлдық етейін, қалқам, әлдеқашан өліп қалған ЛАТЫН тілін білетін әлемде 3-4 қана ғалым бар, "оттаудың жөні осылай екен" деп ауызға түскенді құса беру керек пе ? ********************************************************************************************* Қазақшасын 26 жылдан бері келістіре алмай жүрген қазақты енді латын тілінде оқытпақшымысын ? ! Қазақ еврей емес, өліп қалған иврит тілін тірілтіп алған ! ********************************************************************************************* Латын тілі мен латын графикасын (графика-әріп) ажырата алмасаң, сонша қазақ оқитын порталға кіріп пікір жазу не теңің ? Әлде 25 мың теңгеңді "адалдап" отырсың ба, қалқам ? !
Есенғали, Антакиядан 2017-04-18 16:58:25
Мына қаптаған тролльдардың арасында жүрген НАЗЫМ деген қалқам ерекше екен ? ********************************************************************************************* Айналайын, құлдық етейін, қалқам, әлдеқашан өліп қалған ЛАТЫН тілін білетін әлемде 3-4 қана ғалым бар, "оттаудың жөні осылай екен" деп ауызға түскенді құса беру керек пе ? ********************************************************************************************* Қазақшасын 26 жылдан бері келістіре алмай жүрген қазақты енді латын тілінде оқытпақшымысын ? ! Қазақ еврей емес, өліп қалған иврит тілін тірілтіп алған ! ********************************************************************************************* Латын тілі мен латын графикасын (графика-әріп) ажырата алмасаң, сонша қазақ оқитын порталға кіріп пікір жазу не теңің ? Әлде 25 мың теңгеңді "адалдап" отырсың ба, қалқам ? !
Мырзатай 2017-04-18 16:55:13
Елбасымыздың мақаласын оқып отырғанда ең бірінші болып ойыма "молданың істегенін істеме, айтқанын істе" деген мақал түсті.
бәсе 2017-04-18 15:57:52
латын бар деп барып едім...
Назым ханым, бәйбіше, келіншек пе өзі біледі 2017-04-18 15:26:07
Латын тілі деген тіл жоқ әлемде, тек латын әрпі ғана бар. Өзің құс тілінде, болмаса ешкі-лақ тілінде сөйлеймін десең латын тіліне көше бер, біреу қой дедіме.
Дана Қазақ 2017-04-18 14:28:45
АТАКТЫ ФОРД АЙТЫПТЫ " маган бiлiмдi адамдар керек емес, маган адал адамдар керек" ДЕП !!! СОЛ АЙТПАКШЫ КАЗАХСТАНДЫ мыс БIЛIМДIЛЕР 25 ЖЫЛДА бока харам ЖАГДАЙЫНА АПАРДЫ.
мен ғой 2017-04-18 13:39:13
қай латынды айтып отырсыздар? Мысалы ағылшын алфавитінің ең қолайсыз әліпбилердің бірі екенін білесіздер ме? Өздеріңіз транскрипция мен жазуды ажырата аласыздар ма?
Дана Қазақ 2017-04-18 13:34:05
https://www.youtube.com/watch?v=fD485IlSl8s
Жазира 2017-04-18 12:55:00
Елбасымыз расымен де өз мақаласында үлкен ұлттық рухани мәселесін жақсы көтерді. Бұны әрбіріміз өзімізден бастауымыз қажет.
Серік 2017-04-18 12:50:08
Орыстан қай жамандық көрдің дейді менің басым одан қандай жақсылық көрдік деп қатып отыр. Мәскеудің бір көшесінде өзіне ұқсамайтын Абайдың отырған ескерткіші бар "орыстан үйрен " деген сөздері жазылған Абай Абайлығынан емес тек сол сөздері үшін сол жерде отыр. І Петрдің " орысқа Еуропаға терезе ашу керек" деген сөзі бар Еуропаның қай төрінен ескерткішін көрдіңіз. Себебі Еуропа кімнің кім екенін біледі екіншіден орыстың өзімшіл шовинистік пиғылы Енді байбалам салып жатыр қазақ бізді сатып кетті не орыспен санаспады деп орысты Петр айтқан Еуропаға саттық па? Сирияға әскер кіргізгенде, Қырымды алғанда қазақ айқайлап па еді бізбен келіскен жоқ не бізді сатып кетті деп Міне нағыз орыстың болмысы
Іңкәр 2017-04-18 10:59:30
Күнделікті күйбеңді ғана ойламай, ұлт, ұрпақ болашағын ойлап, барды бағалап қана қоймай, қасиетін арттыруға ұмтылсақ қанеки!
gudok 2017-04-18 10:59:26
Ой, сана, адам бәсекелестігін туғызатын кітәптарды қазақшаға аудару жақсы жоба.
рауан 2017-04-18 10:58:58
Әркім өз пікірін білдіріп, өзіндік үлесін қосып жатқанда Гүлшара ханым да қарап қалмапты. Қоғам белсендісі ретінде білдірген сөздерінен ұлттық рух еседі! Қоғамға жетіспейтін ұлттық рух!
келбет 2017-04-18 10:58:32
Осыны әрбіт азамат ұғынып, қолдау көрсетсе қарыштай бермекпіз!
Параплан 2017-04-18 10:58:28
Білімге қатты мән беруіміз керек, жастарға барлық жағдайлар жасалып жатыр.
берік 2017-04-18 10:57:40
толыққанды ұлттық құндылықтар үшін төл әліпбиімізді енгізіп, ата-бабаның ізгі жолын жалғастырсақ тіпті тамаша!
гость 2017-04-18 10:57:21
Үшінші жаңғыру, реформаны жүзеге асыру үшін Рухани жаңғыруымыз керек, барлығы түсінікті жазылған.
алау 2017-04-18 10:57:11
Ұлы ұлт екенімізді мақтан тұтуымыз керек депті. Еліміз, елдігіміз, егемендігіміз бар, неге мақтан етпеске?!
Ғани 2017-04-18 10:56:26
Ұрпағымыз төл қаріптермен сауат ашып, ұлт мәдениетін жетік білсін десек жұмылып әрекет етуіміз керек, әлбетте!
Мерей 2017-04-18 10:56:01
Латын әліпбиіне көшу дегеніміз ата-баба мұрасын жаңғырту, ұлттық құндылықтардың қасиетін арттыру емес пе? Олай болса неге қарсы болайық?
Гарри 2017-04-18 10:55:48
Қазақстан қазірдің өзінде мықты жетістіктерге жетіп отыр, бірақ, Елбасы осымен тоқтап қалмайтынын айқын көрсетіп отыр.
Лаура 2017-04-18 10:55:42
Біз әрқашанда жаңғыруымыз керек. Заман талабы сол болып тұр, егер бәсекеге қабілетті болғымызы келсе.
Сара 2017-04-18 10:55:23
қазір көп талқылауға түсіп, халықтың назарына іліккені Латын әліпбиіне көшу болып тұр. Оны көбісі жақтап, қолдап отырғаны қуантады. Қатарында мен де бармын!
Мақпал 2017-04-18 10:54:10
мақаланы құрғақ оқи салмай, әр сөзіне мән берген барлық азаматтар ұғынса керек-ті ұлттық мәдениеттің құндылығын. Рухани даму да керек қой бізге!
аноним 2017-04-18 10:54:09
Рухани жаңғырудың астында үлкен дүние жатыр, бұл дүние біздер үшін өте маңызды.
Жанна 2017-04-18 10:52:59
Қазақстан үшін қызу әрекеттер мен мақсатты жоспарларға толы болды. Жыл басынан бері тынымсыз мақсат қойып, соған әрекеттеніп жатырмыз. Лайым жақсы нәтижеге жетейік.
Веричита 2017-04-18 10:52:28
сөздің шыны керек, басым жастардың білімді соңына дейін апармайтынын білеміз, бұл әдетті тоқтатып, жастарға білімді оңтайлатып, білімге қызықтыру керек.
Арайлым 2017-04-18 10:51:59
Жұмыла жүріп көтерген жүк жеңіл, қиынсынбай, ауырсынбай, ұлт болашағы үшін әрекеттенейік!
Ерлан 2017-04-18 10:51:53
Көбісі тарихты оқымаған ба деймін, қазақтар 1929 жылмен 1940 жылдар аралығында латын әріптерін қолданған.
мадина 2017-04-18 10:51:33
Ендігіде ұрпаққа ұлт мәдениеті мен ұлттық құндылықтарды төл қаріптеріміз бен әліпбимен қалдырамыз десек ел болып кірісуіміз керек.
Ескендір 2017-04-18 10:51:08
Бірнеше жыл бойы айтылып жүргенімен, нақты тапсырманы Елбасының өзі беріп, үлкен бастаманы көтерді. Нағыз ер!
Аркан 2017-04-18 10:50:46
Білімді ең басты құрал ретінде таңдауымыз қажет, сол кезде білім салтанат құрады!
Назым 2017-04-18 10:50:30
Латын тіліне көшуді иісі қазақ, ұлттық құндылықтарды көксеген азаматтардың барлығы қолдайтын болса керек.
Ereke 2017-04-18 10:49:40
Өзгеру керек негізінде, бірақ, ең бастысы ұлттық болмысты сақтап қалуды ұмытпау керек.
Samsunk 2017-04-18 10:48:40
Дұрыс айтады, адам бәсекелестігі тұтас елге пайдасын тигізетіні іс жүзінде дәлелденген.
Мадияр 2017-04-18 10:47:55
Латын қаріпі біздің ата-бабаларымыздың кезінен келе жатқан әріптеріміз.
Nekropolit 2017-04-18 10:47:36
Мейілінше барлық күшті салу керек осы жоспарды жүзеге асыру үшін.
Қайырхан 2017-04-18 09:16:05
Ия латынға көшу аяқсыз қалмауы керек, аяқсыз қалар бола бұл досқа кұлкі дұшпанға таба болу деген сөз
Төре 2017-04-18 07:57:41
Ширек ғасыр аз уақыт емес. Осы уақыт ішінде дурығып ұрандатумен басталған қанша бастамалар аяқсыз қалды? Оған көңіл аудармай келесі бастама-жолдауларды бастап жібереміз. Өміріміз өнімді еңбекке емес, ұран-жолдауларды талдаумен, ұлылығын уағыздаумен өтіп жатыр. Мақтау мен мадақтауда жоғарғы шенділер алдына жан салмайды. Шынымды айтсам, Латын әліпбиіне көшуімізді жан-тәніммен қолдаймын! Аяқсыз қалмас екен? Тағыда бір "ұлылықтың, ұлы" ұсынысы болмай тұра тұрса жақсы болар еді. Әй қайдам ...
Мәлік Бекарыс 2017-04-18 01:03:26
Назарбаевтың аузынан шыққанға дейін осылар латын алфавитінің қажеттілігін неге білмеген? Ғажап-ай! Егер осыны мен жазсам Гүлшара ханым нендей пікір айтар екен. Бізің кемшілігіміз-пікірді ешқандай мақтаусыз және даттаусыз жеткізе білу керек,бұл үлкен мәдениет. Осы мәдениет жалпы қазақ билігінде жоқ. Естігенім емес-көргенім. Бізідң кезекті бір жағымсыз қасиетіміз-даурықпалығымыз. Біз қаншама аяқсыз қалған ҰЛЫ бастамалардың куәсі болмадық. Иісі қазақ көпшілік президенттің бұл пікірін қарсы болмас деймін, өйткені президент зиялы қазақ қауымының жүрек қалауын дөп басып отыр. Біз латынның қажеттілігін және оның маңызын о баста ұғып қойғанбыз,архивты қопарып көріңіз, Гүлшара ханым. Кештеу келген көктем сияқты болып тұр!

Үздік материалдар

Анық

Олар қалай байыды?

Руслан Ахмағанбетов 18431