Маңызды

МЕКТЕП БАЗАРҒА АЙНАЛЫП БАРАДЫ, МИНИСТР МЫРЗА!

Әріптің көлемі: Қалыпты
  • Қалыпты
  • Үлкен
  • Көлемді

Қазақстан Республикасының Білім және ғылым министрі Ерлан Кенжеғалиұлы Сағадиевтің назарына!

Мектеп пен мұғалімге сый-құрметпен қарайтын заман артта қалғалы қашан?  «Неге?»- деген сұрақ туындай қалса жүректі ауыртып, жанды жаралайтын жауап аламыз.

Бала қоғамның  кішкентай ғана қорғансыз бөлігі. Бүгін «кішкентай» деп отырған баламыздың ертеңгі  біздің жалғасымыз, еліміз бен жеріміздің қорғаушысы және иесі екенін де ұмытпағанымыз абзал. Осы жылдың  11-ақпан күні Қарасай ауданы, Қырғауылды ауылындағы қазақ орта мектебінде белгісіз біреулер сауда жасап,  бастауыш сыныптарға  ағылшын тілінің кітаптарын сатқан. Ол сауда қалай жүргізілді, кітап қандай кітап? Бірінші мен төртінші сынып аралығында оқитын бүкіл оқушыға кітап бетіндегі ертегі кейіпкерін көрсетіп: «Мұнан асқан қызық кітапты таппайсыңдар» деп жарнама жасаған. Әр сыныпқа кіріп (әрине, сабақты бөліп) балаларға кітап жарнамалауға кім рұқсат берді. Ол арасы – белгісіз. Белгілісі оқулық интернетке байланған, яғни интернетсіз жұмыс жасамайтын кітап көрінеді. Интернетке қосылған соң кітаптың алғашқы бетін айдахар «жарып»  кіреді. Әрі қарай кітап бетіндегі кодты суретке түсірсеңіз, әрбір бетін ашып кітапты оқып береді. Ол үшін телефоныңызда «Play Store» болуы тиіс. Интернетке кірсеңіз кітаптағы әрбір сурет сөйлейді, қимылдайды. Осының бәрін түсіндіріп, көрсетіп жарнамалау үшін қанша уақыт кететінін өзіңіз бағамдай беріңіз. Сосын кітапты бүкіл оқушыға таратып: «Ертең 2950 теңге алып келіңдер, болмаса кітапты қайтарып аламыз» деп тапсырма береді.

Енді ойланыңыз! Біріншіден 6-10 жас аралығындағы балаларға ертегі кейіпкерінің қызықты қимыл іс-әрекетін көрсетіп тұрып қолына кітап бердіңіз. Ол баладан кітабыңызды қалай қайтарып аласыз? Елімізде дағдарыс басталды. Тамақ таппай отырған отбасылар көп. Жақсы өмір сүреді деген отбасылардың өзі қалтылдап отырған шақ. Бірінші ата-ана  ақшасы бар болғасын суырып берер, екіншісі балам қатарынан қалмасын деп көршісінен қарыз алар,  үшіншісі баласына жағдайды түсіндіріп әлек болар. Бұдан ата-ана мен бала арасында түсінбеушілік туындауы да мүмкін. Біз бала кезіміздегі қолымыз жетпей кеткен қуыршақты әлі де армандаймыз ғой. Баланың жүрегінде ата-ана орындай алмаған бір тілек қалуы тағы да мүмкін. Жанындағы баланың, өзі қызығып қолы жетпеген ертегіге толы кітапты сатып алғанын көрген, оны сатып алу тұрмақ тойып тамақ жей алмай жүрген баланың рухы сынатыны тағы да мәлім. Мектеп директоры бала психологиясын түсінбейтін болса,  неге ол орында отыр? Баланың жан дүниесімен ойнауға ешкімнің құқығы жоқ. Мектеп директорының бұл әрекеті  бала психологиясына әсер етпейді дей аласыз ба?

Екіншіден, кітап Украинада жасалған  және ол интернетсіз жұмыс жасамайды.

Басылды:  OAKLANDS  HOUSE,BOLTON,GREATER  MANCHESTER, BL64DT/UK Біріккен королдігі, ал, баспа: ЖК «Юнисофт» :61036,Украина, Харьков қаласы, Морозов көшесі,13-Б  үй делінген.

Украина не үшін қазақша-ағылшынша кітап басып отыр? «Кеден одағы аумағында таратушы» делінген. Украина кеден одағына кірмейді емес пе?

Бұл кітап неге жедел түрде таратылуда? Асықпай-ақ кітап дүкенінің  сөрелерінде неге сатпайды?.

Шетелден кірген кітаптар министрліктің тексеруінен өтіп, бекітіліп жіберілуі керек. Бұл кітапқа министрліктің рұхсаты берілді ме? Ол қазірше бізге беймәлім. Бір білерім ата-ана ретінде кітап сертификаты маған көрсетілмеді. Бұл кітапты пайдаланған баланың интернет бетінен қазірше ағылшынша үйреніп, арадан екі ай өткеннен соң басқа дүние көрмесіне кім кепіл? Бұл халқымыз бен мемлекетіміздің  тыныштығына қауіпті болмасын деп тілейік.

Үшіншіден, мектеп мемлекеттік мекеме. Мектептен базар жасап, қызметін асыра пайдалануға ешқандай директордың құқығы жоқ. Мектеп базар емес, бала қуыршақ емес.

Қызым кітап әкелген күні мен Қырғауылды мектебінің  директоры Қасымова Нағима Төлеубайқызына бардым. Мектепте мұндай жолмен кітап сату баланың психологиясына әсер ететінін айтып, кітапты жинап алуын сұрадым. Ол кісі  маған «Бұл кітапты сатып жатқан біз ғана емес, Қарасай ауданының барлық мектептері сатуда» деп ақыл-кеңес  айтып  қайтарды. Басқа мектептердің ұстаздарымен, ата-аналарына хабарласып сұрастырып едім, бұл кітап шындығында да жалғыз бір мектепте емес , Қарасай ауданының көптеген мектептерінде сатылып жатыр екен. 

Әрине, бұл хатты тікелей Сізге жазбауға да болар еді. Бірақ, осы мәселеге аудан, облыстық деңгейдегі жауапты азаматтар менің шағымыма мардымды жауап берген жоқ. Сондықтан да, құласаң нардан құла деп, тікелей Сізге мұң шағып отырмын. Бұл - бір ғана факті. Мектепті базарға айналдырған мұндай деректер елімізде мыңдап саналады деп ойлаймын. Осы жағдайға тиісті шара қолдансаңыз, мұнан кейін мектеп директорлары аяғын аңдап басар еді.

Сізге деген құрметпен Айман Сағидоллаева

Abai.kz

17 пікір 6025 рет оқылды Қосылған: 17.02.16
    • #1
    • ШалаКазахпын
    • сн, 17/02/2016 - 14:07


    СТАДА СВИНЕЙ 5000 шарды МЕДЕУге калай лактырып тастады ..... https://www.youtube.com/watch?v=AWBbkW6eAxI

    • #2
    • ШалаКазахпын
    • сн, 17/02/2016 - 14:37

    ...Это решение было принято без моего ведома, я бы никогда не позволил себе повышать собственный оклад, в то время как рядовые сотрудники по прежнему получают гроши. Я отменяю это решение и обязательно накажу виновных .... https://www.facebook.com/SaakashviliMikheil/posts/1123701474326899

    • #3
    • Бір қазақ
    • сн, 17/02/2016 - 15:30

    Мектепті жаңартқы келсе минситр мырза мынадай ұсынысым бар: Май шелпекке батып, мұғалімдерді малайындай жұмсайтын, мектеп үшін емес, өзінің қарақан басы үшін жоғарыдан келгендерді ақша жинап күтуді ұйымдастыратын, қатып қалған жасы келген жемқор директорларды ауыстыру керек! Жастарды қойсаңыз
    жаңалық әкеледі. Бұл бір.
    Екінші, мұғалімдердің еңбегін алған гармоталарымен бағалауды қойдыру керек. Грамоталарды жаздырып, сатып алатындар көп. Тамыр-таныстық мектепті індете жаулап алған.

    • #4
    • Айман Сағидоллаеваға Қазақ
    • сн, 17/02/2016 - 16:20

    Автор, осы хатыңды бұрынғы министрге неге жазбадың? Үндемей, бәрін мақұлдап жүресіңдер де, басшы ауысша бәрің жаңаша ойлаушы бола қалатыңдарың неліктен? Мектептердегі оқулық олқылығын барынша алдыңғы қатарға шығарып, неше жылдан бері жарамсыз оқулықтарды тықпалап, оқушылардың басын қатырушы авторлар мен хрестоматия құрастырушыларын жауапқа тартып, заңсыз алған ақшаларын қайтартып, келтірген зияндарын жою керек.Бұл әсіресе қазақ тілі оқулықтары мен тарих оқулықтарына, хрестоматияларына тікелей қатысты.

    • #5
    • Мейіржан
    • сн, 17/02/2016 - 16:34

    Дұрыс. Кітаптың анықтау керек. Жауапты адамдар жазасын алу керек

    • #6
    • Мейіржан
    • сн, 17/02/2016 - 16:34

    Дұрыс. Кітапты анықтау керек. Жауапты адамдар жазасын алу керек

    • #7
    • Мейіржан
    • сн, 17/02/2016 - 16:34

    Дұрыс. Кітапты анықтау керек. Жауапты адамдар жазасын алу керек

    • #8
    • Өтеміс
    • сн, 17/02/2016 - 17:44

    Бала кезінен санасын улау бағынышты қылудың алғашқы əдісі. Еврейлердің ертегісіне сеніп, жетегінде кетудің қаупі.

    • #9
    • Өтеміс
    • сн, 17/02/2016 - 17:44

    Бала кезінен санасын улау бағынышты қылудың алғашқы əдісі. Еврейлердің ертегісіне сеніп, жетегінде кетудің қаупі.

    • #10
    • Өтеміс
    • сн, 17/02/2016 - 17:44

    Бала кезінен санасын улау бағынышты қылудың алғашқы əдісі. Еврейлердің ертегісіне сеніп, жетегінде кетудің қаупі.

    • #11
    • Руза
    • сн, 17/02/2016 - 21:29

    Сіздің азаматтық позицияңызға ризамын, Айман!

    • #12
    • https://www.youtube.com/watch?v=UGhMnoTXrIU
    • сн, 17/02/2016 - 21:32

    https://www.youtube.com/watch?v=UGhMnoTXrIU

    • #13
    • ШалаКазахпын
    • бн, 18/02/2016 - 0:41


    Вот как защищает права на частный собственность ......... dw.com/ru/корпорация-apple-отказалась-помочь-фбр-взломать-iphone/a-19053725

    • #14
    • Косыласындарма
    • бн, 18/02/2016 - 10:15

    1 класстан бастап балаларды окыту керек Дiн - опиум для народа деп.

    • #15
    • Біз
    • жм, 19/02/2016 - 15:50

    Мектеп емес, мемлекетіміз базарға айналғалы қашан?..

    • #16
    • №4 Қазақ дегенге - Жаңа оқырман
    • жб, 21/02/2016 - 10:43

    "Автор, осы хатыңды бұрынғы министрге неге жазбадың?"- депсің , "Қазақ"... Сен не , аспаннан түстің бе? Айман Сағидоллаева бұрынғы министрдің кезінде де үлкен мәселелерді қозғап , айтатындарын ашық айтып , жазатындарын ашық жазып келген! "Абай" порталының архивін ақтарып көр , көзің жетеді!

    • #17
    • Сағи
    • дн, 22/02/2016 - 11:17

    Мектепте мұндай кітап алу керек болса, сыныптың арнайы жиналысы болады, ата-аналармен өзара келіседі, бұл мектеп ондай ережелерден бейхабар секілді.

Пікір қосу

  • 4 + 28 =

Кіру