«Qazaqstan Respublikasynda beybit jinalystardy úiymdastyru jәne ótkizu tәrtibi turaly» Zang jobasynyng tújyrymdamasy qogham talqylauyna shygharyldy. Búl turaly QR Aqparat jәne qoghamdy damu ministri Dәuren Abaev Facebook-te jazdy.

«Qúrmetti dostar! Ózderinizge mәlim, Memleket basshysy Últtyq qoghamdyq senim kenesi otyrysynda beybit jinalystar turaly jana Zang әzirleudi tapsyrdy. Býgin bizding Ministrlik «Ashyq Ýkimet» saytynda osy normativtik-qúqyqtyq akt tújyrymdamasynyng jobasyn ornalastyrdy. Kelip týsken úsynystar men jetekshi halyqaralyq tәjiriybeler negizinde birqatar jana engizilimder úsynylady», - dedi ministr.

Endi 10 júmys kýni ishinde әr azamat óz eskertpesi men týsiniktemesin saytta qaldyra alady. Olar aldaghy uaqytta qarastyrylatyn bolady.

«Jurnalisterdi, ýkimettik emes sektordyng ókilderin, azamattyq belsendilerdi osy júmysqa qatysularynyzdy súraymyn», - dedi D.Abaev.

Ayta keteyik, Preziydent Q.Toqaev 2019 jyldyng qyrkýieginde halyqqa jariyalaghan Joldauynda mitingter turaly zannamany jetildiru qajettigin atap ótken bolatyn.

«Konstitusiyagha sәikes azamattarymyzdyng óz oiyn erkin aitugha qúqyghy bar. Eger beybit aksiyalar zannyng shenberinen shyqpaytyn jәne azamattarymyzdyng tynyshtyghyn búzbaytyn bolsa, búghan týsinistikpen qarap, jiyndardy ótkizu ýshin arnayy oryn bólu qajet. Múnday oryndar qalanyng shetinde bolmauy tiyis. Alayda, zangha qayshy jәne búzaqylyq әreketterge shaqyratyn ýndeulerge zang shenberinde tosqauyl qoyylady», - dedi Memleket basshysy.

Al osy jyldyng jeltoqsanynda ótken Últtyq qoghamdyq senim kenesining 2-otyrysynda Qazaqstan Preziydenti elimizde mitingterdi úiymdastyrudyng aldyn ala eskertu prinsiypin engizu kerektigin mәlimdedi.

«Mitingterdi úiymdastyrudyng eskertu prinsiypin engizuge kirisu kerek. Mitingterdi ótkizuge bolady, eger de olar zandy, qoghamdyq tәrtipti búzbasa jәne azamattardyng tynyshtyghyna kedergi keltirmese. Búl - mening týbegeyli ústanymym», - dedi Q. Toqaev.

Memleket basshysy atap ótkendey, Preziydent Joldauyn jýzege asyru boyynsha jospardy oryndau ayasynda «Beybit jiyndar turaly» zang jobasy әzirlendi. Onda beybit jiyndardyng barlyq formalary naqty aiqyndalyp, arnayy oryndardy anyqtau boyynsha mәslihattar qúzyreti bekitiledi. Sonymen qatar, «úiymdastyrushynyng mәrtebesi», «qatysushy men bayqaushy mәrtebesi» týsinikteri, olardyng qúqyqtary men mindetteri qamtylady.

«Búl túrghyda qoldanystaghy zangha ózgerister emes, konseptualdy jana zang turaly aitylyp otyr. Búl qújat beybit jiyndardyng barlyq formalaryn úiymdastyru men ótkizu mәselelerin reglamentteydi. Ýkimet Parlament qarauyna zang jobasyn engizui kerek», - dedi QR Preziydenti.

Abai.kz