Bizding elding aqparat kenistigine reseylik BAQ-tyng qatty әser etetini jasyryn emes. Ásirese bizdegi orys tildi basylymdar, telearnalar Reseyde jaryq kórgen maqala-materialdardy, telehabarlardy, filimderdi esh sýzgiden ótkizbesten qazaqstandyqtardyng nazaryna úsynyp jýr. Búl sózimizge dәlel tabu - әlemdegi eng onay sharua shyghar. Teledidarynyzdy qosyp qalsanyz, qaptaghan reseylik tele-serialdar... Mәn-maghynasyna qarmay efirge shygharyp otyrmyz. Al reseylik kózqaraspen jazylghan maqala, zertteulerdi týrli basylymdardan op-onay tabasyz...

Osy mәsele tónireginde belgili jurnalist, qogham qayratkeri Arman Shoraev Facebook jelisindegi jeke paraqshasynda jazba jariyalady. Arman myrza atalghan jazbasynda On TV telearnasynyng reseylik «Zvezda» arnasynyng baghdarlamalaryn kórsete bastaghanyn aityp, milliarder Vladimir Kim men Nataliya Akentieva deytin ekeuin elimizdegi seperatizmdi damytushylar dep aiyptaydy.

Reseylik arna óz baghdarlamalarynda Ukraina men Resey, Gruziya men Resey, Moldava men Resey qarym-qatynasy jayly birjaqty habar taratyp, atalghan ýsh eldi teris jaghynan tanystyratyn kórinedi. Qazaqstan biyligi әli beytarap kózqaras ústanyp otyrghan Qyrym mәselesin de birjaqty kórsetip, Qyrymdy Reseyding jeri dep ashyq nәsihattap jýr eken.

Jurnalit óz jazbasynda On TV telearnasynyng iyesi RBK bank ekenin aitady. Al búl bankting basty aksioneri - Vladimir Kiym. Kimning kim ekenin elding bәri biledi. Qazaq mysynyng qojayyny, Qazaqstandaghy eng dәuletti kәsipker. Endeshe qazaqtyng en baylyghyn emin-erkin paydalanyp, eldegi eng bay adam atanghan Kim kimning soyylyn soghyp jýr?

Biz jurnalist Arman Shoraevtyng sol pikirin qaz-qalpynda oqyrman nazaryna úsynyp otyrmyz: 

«Besinshi kolonna Qazaqstanda.

Tanyp, bilip jýrulerinizdi súraymyn – Vladimir Kim men Nataliya Akentieva – elimizdegi eng basty separatizmdi damytushylar.

Juyrda bizding eldegi On TV telearnasynyng tolqyny arqyly Reseyding agressivti «Zvezda» telearnasy kórsetile bastady. Búl - Kremliding kórshilerine qarsy kórsetip jýrgen agressiyasynyng logikasyn men basqa da militaristik kózqarasyn týsindirip, nasihattaytyn arna.

Sondyqtan da ol býtkil kontentin memlekettik tilge audaryp beredi.

Al endi, mening tughan tilimde, Abaydyng ana tilinde, óz qazaq tilimizde olar bizge, qazaqtargha Ukraina men ukrainalyqtardyng qanday nashar halyq ekenin, Gruziya men gruzinderdin, Moldova men onyng halqynyng da jaqsy emes ekenin jәne nege Krymnyng Reseydiki ekenin de nasihattap jatyr.

Bizge әlgi ORT Evraziya arnasy azdyq etkendey, endi taghy bir zombiy-telearna qosyldy.

Jәne búl arnanyng Otau tv kanaldarynyng tegin paketi tiziminde bar ekenin de aita ketken jón.

Búl әngimege Kim men Nataliya biykeshting ne qatysy bar dersiz? Óitkeni, búl telearnanyng basqarushysy – RBK bank.

Kiym, men sizdi týsinbeymin, búl sizding tym qatty toyynghanynyz ba, әlde siz bizding eldi separatizmning qúshaghyna iyterip jatyrsyz ba? Siz ózinizding arnanyz tura jarty kýn boyy Resey diasporasyna Givy men Motorola jәne basqa da «jasyl adamdar» osynda keletinine ýmit syilaytynyn týsinesiz be? Al siz qalghan jarty kýndi qazaqtar men ukraindardi, qazaqtar men gruzinderdi bir-birine aidap salyp otyrsyz ba?

Men Qazaqstan biyliginen atalmysh telearnanyng Otau tv-den tolyq joyyluyn jәne efir jýrgizuin toqtatudy talap etemin!

Biz Ukrainagha soghys jariyalaghan joqpyz jәne Qyrymdy reseyge tiyesili dep moyyndaghan joqpyz!

Onyng ýstine, eger bizding elde Resey jaghynda Donbasta soghysyp jýrgen azamattar qylmystyq jauapqa tartylsa, onda teledidarlar bolashaq sodyrlardyng jasyryn týrde tartyluy turaly nege habar taratuy kerek?

Mening pikirimdi qoldaytyndar, RBK Bankke boykot jariyalauynyzdy ótinemin.

Kiym, siz mys pen Otandy qatar sata almaysyz. Bireuin tandanyz».

Dayyndaghan: Quanysh Qappas

Abai.kz