Keshe Germaniyadaghy Europa qazaqtary qauymdastyghynyng tóraghasy Ómirhan Altyn әleumettik jelide beyne ýndeu jariyalap, Europada túratyn qazaq diasporasy Qazaqstandaghy koronavirus indetimen kýreske qol úshyn sozyp, kómek beru maqsatynda azdy-kem aqsha jiyp, satyp alghan dәri-dәrmekterin Qazaqstangha jetkize almay otyrghanyn aitqan edi.

Ómirhan Altynnyng 8 minutqa juyq beyne ýndeuinin bilgenimiz, ol jaqtaghy qazaq diasporasy 2020 jyldyng 19 shildesi kýni birneshe qorap dәri-dәrmek pen medjabdyqtardy Germaniyadaghy Qazaqstannyng Bas konsuldyghyna aparyp tabystaghan. Alystaghy aghayynnyng azyn-aulaq kómegin elge Elshilik jetkizip berui tiyis eken. Alayda, arada 2 aptagha juyq uaqyt ótse de, konsuldyqtaghy qoraptar túrghan ornynan qozghalmapty.

Ómirhan Altynnyng «ashynghannan shyghady ashy dausym» dep aitqan ýndeui jeli qoldanushylarynyng qyzu talqysyn tudyrdy. Osyghan baylanysty QR Syrtqy ister ministrligi týsindirme beripti. Býideydi:

QR Syrtqy ister ministrligi: 

- Qazirgi tanda Germaniya men Qazaqstan arasynda tikeley túraqty әue qatynasy bolmaghandyqtan, barlyq gumanitarlyq kómek «repatriasiyalyq» charterlik reystermen Mayndaghy Frankfurt qalasynan jetkiziledi.

Osyghan oray, bizding qazaq diasporalary men otandastarymyz tarapynan Germaniyanyng týrli qalalarynda, sonyng ishinde Munhende ornalasqan Qazaqstannyng diplomatiyalyq missiyalaryna úsynylghan barlyq gumanitarlyq jýkter Qazaqstannyng Mayndaghy Frankfurt qalasynda ornalasqan Bas konsuldyghynda jinaqtalyp, sodan keyin ghana bir ýlken partiyamen elge joldanady.

Sonymen qatar, qúramynda dәri-dәrmekter men medisinalyq jabdyqtar bar jýkterding tiyisti sertifikasiyalyq qújattary boluy qajet. Búl Germaniyanyng da, Qazaqstannyng da kedendik qyzmetterining talaptary.

Qazirgi uaqytta QR Frankfurttaghy Bas konsuly Ermúhambet Qonyspaev qazaq diasporasynyng ókilderi – European Kazakh Forum birlestigi mýshelerimen baylanysta.

Olar birlestik jinaqtaghan gumanitarlyq kómekti әri qaray Qazaqstangha joldau ýshin tikeley Qazaqstannyng Mayndaghy Frankfurt qalasynda ornalasqan Bas konsuldyghyna jetkizu boyynsha ózara uaghdalastyqqa qol jetkizdi.

Tamyz aiynyng ortasynda gumanitarlyq kómekting kelesi partiyasyn joldau josparlanuda.

Abai.kz