Qasym-Jomart Toqaev Aziyadaghy ózara is-qimyl jәne senim sharalary jónindegi kenes hatshylyghynyng janadan taghayyndalghan Atqarushy diyrektory Qayrat Sarybaydy qabyldady.

Súhbat barysynda taraptar Aziya kenesine Qazaqstan tóraghalyq etetin 2021-22 jyldardaghy basymdyqtar jayynda pikir almasty. Preziydent qazirgidey tәuekeli men syn-qateri órshigen aumaly-tókpeli zamanda Kenesting aimaqtyq jәne ghalamdyq qauipsizdikti qamtamasyz etudegi rólin arttyru men onyng institusionaldyq damu mәselelerine nazar audardy. Sonday-aq Aziya kenesin basqa da kópjaqty halyqaralyq úiymdarmen yntymaqtastyqty odan әri damytugha shaqyrdy.

Óz kezeginde Atqarushy diyrektor Aziyadaghy ózara is-qimyl jәne senim sharalary jónindegi kenes qúrylghan uaqyttan beri bedeldi de belsendi úiym retinde qalyptasqanyn atap ótti. Sonymen qatar Keneske mýshe elderding Dushanbe sammiytinde qabyldanghan Deklarasiyasyna sәikes qol jetkizilgen uaghdalastyqtardy jýzege asyru boyynsha atqarylyp jatqan júmystar turaly aqparat berdi.

Qasym-Jomart Toqaev pen Qayrat Sarybay AÓSShK ayasynda aldaghy uaqytta josparlanghan is-sharalar, atap aitqanda, 2022 jyly Qazaqstanda ótetin Aziya kenesining VI sammiytine dayyndyq mәseleleri turaly oy bólisti.

Kezdesu sonynda Memleket basshysy Qazaqstan Aziya kenesining júmysyna jana serpin beruge óz ýlesin qosugha dayyn ekenin quattap, mýshe memleketter men hatshylyqtyng aldynda túrghan ortaq maqsattardy iske asyrugha baghyttalghan kýsh-jigerin tolyq qoldaytynyn mәlimdedi.

Abai.kz