Qasym-Jomart Toqaev jiyngha qatysushylar aldynda sóilegen sózinde Volonter jylynyng tabysty bolghanyn atap ótti. Onyng aituynsha, búl jyl bizding elimizde ghana emes, býkil әlem tarihynda asa kýrdeli kezenderding biri bolghanyna qaramastan, «qayyrymdy ister» jalpyúlttyq iydeyasy on myndaghan qazaqstandyqtyng qayyrymdylyghy men janashyrlyghynyng arqasynda ómir shyndyghyna ainaldy. Preziydentting pikirinshe, otandastarymyz últ ruhynyng myzghymas beriktigin, birlik pen yntymaqtyn, tútastyq pen tilektestiktin, shynayy yqylas pen bir-birine degen qamqorlyqtyng jarqyn ýlgisin kórsetti.

– Eriktiler jyly jalyndy jastarymyzdyng boyyndaghy eng asyl qasiyetterdi dәriptegen erekshe jylgha ainaldy. Búl janashyrlyqqa, jauapkershilik pen qamqorlyqqa ýndegen kezeng boldy. Biz múqtaj jandargha qol úshyn berip, týrli qiyndyqtarmen birge kýrestik. Osylaysha, adamgershilik qúndylyqtardy joghary baghalaytyn qogham ekenimizdi tanyttyq. Álemdi jaylaghan indet qayyrym men meyirimning qanshalyqty manyzdy ekenin anyq kórsetti.  Qauipti dert el-júrttyng densaulyghyn ghana emes, bekem birligin de syngha aldy. Biz bir el, bir halyq bolyp búl syngha tótep berdik, – dedi Preziydent.

Jyl boyy 100 mynnan astam adam erikti qyzmet kórsetti. Volonterlikting jana baghyttary da tiyimdi damy bastady. Memleket basshysy janashyr azamattary kóp memleketting bolashaghy da jarqyn bolatynyn atap ótti. Eriktiler qyzmeti barsha azamattarymyzgha ýlgi bolyp, últtyng jana sapasyn qalyptastyrugha jol ashatynyna senim bildirdi.

– «Birgemiz» jalpyúlttyq bastamasy az ghana uaqytta kóptegen meyirimdi otandasymyzdy júdyryqtay júmyldyrdy. Olar osynday qiyn kezende múqtaj jandargha qol úshyn sozdy. Atalghan bastama ayasynda «Qamqor», «Saulyq», «Sabaqtastyq» jobalary jýzege asyrylyp, jýz myndaghan túrghyngha kómek kórsetildi. Ózenderdi, ormandardy tazalau, aghash egu, qoqysty súryptau jónindegi «Taza Alem» volonterlik qozghalysynyng qyzmeti de kópshilikting qoldauyna ie boldy. Býginde ekobelsendilik – sәn quu emes, shynayy qajettilik, ómir qaghidaty. Sol arqyly biz tabighatymyzdy saqtay alamyz, – dedi Qasym-Jomart Toqaev.

Preziydent memlekettik organdar, arhiv úiymdary, ghylymy instituttar eriktilerding resursyn paydalanuy qajet dep sanaydy. Onyng aituynsha, Arys pen Maqtaaraldaghy qayghyly oqighalardy eskere otyryp, kýrdeli tehnogendi apattardan keyingi qútqaru júmystaryn jýrgizu ýshin eriktiler dayyndaytyn arnayy oqytu kurstaryn ashu qajettigi tuyndap otyr. Tabighatty jәne jan-januarlardy qorghau mәselesi de erekshe nazar audarudy qajet etedi. Sonday-aq qayyrymdylyq qyzmetine jýieli týrde qoldau kórsetu mәselesine de basymdyq bergen jón. Preziydentting tapsyrmasy boyynsha qayyrymdylyq salasyndaghy kemshilikterdi joygha mýmkindik beretin Qayyrymdylyq turaly zang jobasy әzirlenude.

– Áleumettik baghyttaghy qyzmetti yntalandyru jәne ony qoldaudyng barshagha týsinikti әri tiyimdi qúqyqtyq tetikteri qajet. Búl ýshin Ýkimet atqarylatyn mindetterdi pysyqtauy tiyis. Qayyrymdylyq úiymdaryn alghashqy ashylghan jyldary jәne odan keyingi uaqytta damytu ýshin olardyng jenildetilgen nesie aluyna, memleket menshigindegi nysandardy jenildikpen paydalanuyna mýmkindikter jasau kerek. Biznes pen jeke túlghalardyng qayyrymdylyq jәne volonterlik jobalargha qatysuyn janama yntalandyru ýshin onyng tiyimdi tetikterin, sonyng ishinde, memlekettik qoldau kórsetu sharalary kezinde olargha qúqyqtyq basymdyq beru manyzdy. Qayyrymdylyq jәne volonterlik úiymdargha memleket tarapynan da, biznes tarapynan da kórsetiletin qarjylay jәne basqa da kómekterding ayasyn keneytu kerek. Ýkimetke tiyisti úsynystar әzirleudi tapsyramyn, – dedi Memleket basshysy.

Qasym-Jomart Toqaev qayyrymdylyq qyzmetining ashyqtyghyn qamtamasyz etu maqsatynda Qayyrymdylyq úiymdarynyng reestrin engizu mәselesin oilastyrudy tapsyrdy. Búl tizbe osy saladaghy barlyq aqparattyq jýiege engizilip, qayyrymdylyq úiymdarynyng qyzmetimen, olardyng qarjylyq esebimen tanysqysy keletin kez kelgen azamatqa qoljetimdi boluy tiyis. Elektrondy qayyrymdylyq salasynda azamattardy alayaqtardan qorghau jýiesin әzirleu de manyzdy.

– Býginde búl – qarjylay kómek audarudyng tanymal týri. Qazaqstannyng әrbir ýshinshi azamaty onlayn sadaqa berudi jón kóredi. Alayaqtyqqa jol bermey, azamattardyng senimine kólenke týsirmeu ýshin onlayn-bankingter arqyly sadaqa beru qyzmetin jedel paydalanu tetigin engizu qajet. Búl qarajattyng týsuin jәne júmsaluyn baqylaugha mýmkindik beredi, – dedi Preziydent.

Memleket basshysy volonterlik úiymdardy qoldau jәne olargha arnayy granttar bólu júmysyn jalghastyru qajettigin atap ótti. Qayyrymdylyq isterdi jalghastyru ýshin eriktilikti damytudyng jol kartasyn jәne olardy dayarlaugha arnalghan baghdarlama әzirleu kerek. Ýkimetke volonterlik qyzmetti qoldaudyng birynghay standartyn jasau tapsyryldy.

– Volonterlik – búl jay ghana әleumettik qúbylys emes. Tipti, bir kýnde qalyptasatyn әdet nemese daghdy deuge de bolmaydy. Búl – kóptegen adamdardyng sanaly týrde tandaghan ómir salty.  Qayyrymdylyq – adamnyng bala kezinen boygha sinetin qasiyet. Sondyqtan, óskeleng úrpaqty jastayynan jaqsylyq jasaugha tәrbiyeleu – óte manyzdy mindet.  Osy rette, barlyq bilim beru mekemelerinde taqyryptyq sabaqtar men fakulitativtik saghattar engizudi úsynamyn. Qoghamgha qyzmet etudi zerdesine týigen úl-qyzdarymyz naghyz azamat bolary anyq. Dana Abay aitqan «Ystyq qayrat, núrly aqyl, jyly jýrek» dәl qazirgi kezende auaday qajet. Búl asyl qasiyetter volonter qataryna qosylamyn degen әrbir jastyng boyynan tabylady, – dedi Qasym-Jomart Toqaev.

Memleket basshysynyng sózinde volonterlik jәne qayyrymdylyq qyzmetterdin, sonday-aq, korporativtik volonterlikti damytu ayasynda әleumettik seriktestikting әleuetin arttyrugha basa mәn berildi.

Qazaqstan әlemning әrtýrli elderindegi múqtaj jandargha kómek qolyn sozu arqyly Birikken Últtar Úiymynyng Eriktiler baghdarlamasyn jýzege asyrugha belsendi atsalysqan elderding biri boldy. Qasym-Jomart Toqaev BÚÚ Bas Assambleyasynyng 75-sessiyasynda Volonterlerdi júmyldyrudyng halyqaralyq jylyn jariyalau jóninde úsynys aitty. Búl bastama Qazaqstannyng volonterlik dәstýr men mәdeniyetti elimizde ghana emes, sonday-aq, býkil әlemde damytugha niyetti ekenin bildiredi.

– Endi sanauly kýnnen song biz Tәuelsizdikting 30 jyldyghyna qadam basamyz. Búl – el damuyndaghy asa manyzdy beles, tarihy meje. Sonday-aq jetistigimizdi saralap, bolashaghymyzdy baghamdaytyn kezen. Keler jylghy mereytoylyq is-sharalardyng mazmúnyna erekshe mәn beremiz. Onyng әrqaysysy tereng maghynaly jәne qogham ýshin paydaly bolugha tiyis. Sonymen qatar óskeleng úrpaqqa tәlim-tәrbie berui shart. Osyghan oray jalpyúlttyq dengeyde «Qayyrymdy ister» marafonyn úiymdastyrudy úsynamyn. Búl – bereke-birligimizdi arttyratyn manyzdy bastama. Qazirgidey kýrdeli kezende jaqsy ister jasaugha mәn bergenimiz eldigimizdi nyghayta týsetini anyq. Búl ýshin últ bolyp úiysudyng manyzy zor, – dedi Memleket basshysy.

Qazaqstan Preziydenti pandemiyanyng qiyn-qystau kezinde beytarap qalmay, halyqqa kómektesip jýrgen, sonday-aq, volonterlerding birqatar úsynysy men bastamasyna qoldau kórsetken azamattargha alghys bildirdi.

Is-shara barysynda «Últtyq Volonterlik jeli» zandy túlghalar birlestigining tórayymy Vera Kiym, Arys qalasynyng eriktisi Oljas Mamyr, BÚÚ Eriktiler baghdarlamasynyng ýilestirushisi mindetin atqarushy Toyly Kurbanov, Temirtau qalasy Ardagerler kenesining tóraghasy Berlikbay Ordabaev, «Qoghamdyq baqylau» tobynyng respublika boyynsha ýilestirushisi Saida Tәuekeleva, Resey Volonterlik bastamalar assosiasiyasy ortalyghynyng tóraghasy Artem Metelev, «Sanaly úrpaq» jobalyq kensesining ofiyseri Bogdan Petrov, «INUCOBO» jan-januarlardy qorghau úiymynyng preziydenti Liliya Sәrsenova, BÚÚ Eriktilerining halyqaralyq volonteri Aynúr Qanafina, «Shag navstrechu» shtabynyng eriktisi Maksim Panchenko, «AVK» Atyraulyq eriktiler korpusynyng basshysy Bekasyl Samigholla, «Jas Úlan» birynghay balalar men jasóspirimder úiymynyng tórayymy Dinara Sәduaqasova sóz sóiledi.

Memleket basshysy Qasym-Jomart Toqaevtyng Volonter jylynyng resmy jabylu rәsiminde sóilegen sózining tolyq mәtinimen siltemeden tanysa alasyzdar.

Abai.kz