«Últtyq kinony qoldau» memlekettik ortalyghynda Qazaqstannyng halyq artiysi, tanymal kino akteri Núrjúman Yqtymbaev mereyli 80 jasy arnayy atap ótildi.

Qazaq kinosynyng ardagerine Qazaqstan Respublikasynyng Preziydenti Qasym-Jomart Toqaev qúttyqtau hatyn joldady.

«Qúrmetti Núrjúman Bayjúmanúly! Sizdi otandastarymyz kino ónerinde ózindik qoltanbasy bar tanymal túlgha retinde jaqsy biledi jәne qúrmetteydi. Jarty ghasyrdan astam uaqyt boyy eki jýzdey kinokartinagha týsip, kýrdeli, bolmys-bitimi bólek rólderdi asqan sheberlikpen somday bildiniz. Tabighy darynynyzdy otandyq jәne sheteldik rejisserler men synshylar qashanda joghary baghalaydy. Árbir keyipkerding jandýniyesin asha biletin qabiletiniz ben talmay izdenuding nәtiyjesinde kórermenderding riyasyz qoshemetine ie bolyp kelesiz. Elimizding ruhaniy-mәdeny baylyghyn damytugha Sizding qosqan ýlesiniz óte mol. Mereytoyynyz qútty bolsyn!» delingen memleket basshysynyng qúttyqtau lebizinde.

Mereytoy iyesin QR Mәdeniyet jәne sport ministri Aqtoty Rayymqúlova da qúttyqtady.

«Qúrmetti Núrjúman Bayjúmanúly! Siz týsken filimder, Siz somdaghan aluan týrli obrazdar kórermenderding birneshe buynynyng dýniyetanymyn qalyptastyryp, ómirlik ústanymyn aiqyndap, ruhany damuyna ýles qosty. Dara darynynyz ben eseli enbeginizding arqasynda Siz qazaq ónerin әlemge tanytyp jýrgen maqtanyshymyzgha ainaldynyz. Seksenning sengirine shyqqan mereyli kýniniz qútty bolsyn!» delingen jedelhatta.

Núrjúman Yqtymbaevpen týsiru alandarynda talay ret birge ter tókken sahnalas әriptesteri de oghan degen jýrekjardy lebizderin bildirdi. Tamara Qosybaeva ekeuining birge oinaghan filimderin eske alsa, Doshan Joljaqsynov Núrekeng ekeuining bir ústazdan (Abdolla Qarsaqbaevtan) tәlim alghanyn maqtanysh tútatynyn jetkizdi. Rýstem Ábdirashov osydan birer jyl búryn Chuvashiyada ótken kinoforumda N.Yqtymbaevtyng «Eng ýzdik er adam róli» atalymynda jeniske jetkenin, biraq týrli sebepterge oray estelik-syilyqtyng keshiginkirep qolgha tiygenin aita kelip, Cheboksarydan kelgen statuetkany akterge tabystady. Rejisser sonday-aq býgingi mereytoy iyesining kezinde «Qúraq kórpe» filiminde tartqan dombyrasyn arnayy sheberge jóndetip, janartyp, akterge tartu etti.

1941 jyldyng 14 mamyrynda qazirgi Almaty oblysy, Kerbúlaq audany, Altynemel auylynda dýniyege kelgen N.Yqtymbaevty kórermen qauym «Qily kezen», «Balalyq shaqqa sayahat», «Mәnshýk turaly anyz», «Atamannyng aqyry», «Ystyqkólding alqyzyl gýlderi», «Kókserek», «Adamdar arasyndaghy» bóltirik», «Keshikken mahabbat» jәne t.b. filimderdegi rólderi arqyly jaqsy tanidy.

Qúralay Moldashqyzy 

Abai.kz