Factcheck sayty satiralyq materialdar jariyalaghany ýshin isti bolghan Temirlan Ensebektin tergeluine baylanysty ishki ister ministrligine ashyq ýndeu jariyalady. Biz de Factcheck saytynyng bastamasyn qolday otyryp, ashyq hat mәtinin Abai.kz oqyrmandaryna úsynudy jón kórdik...

Qúrmetti Erlan Zamanbekúly,

2021 jyldyng 15 mamyrynda Instagram-da @qaznews24 satira paraqshasynyng әkimshisi Temirlan Ensebek ústaldy.

Onyng ýiine tintu jýrgizip, keyin ony Almatydaghy polisiya departamentine jetkizip, birneshe saghat jauap alghan. Polisiyanyng resmy habarlamasy boyynsha, tergeu QR QK 274-baby boyynsha jýrip jatyr.

Biz satiralyq paraqsha avtory Temirlan Ensebekti qamaugha alyp, ony jalghan aqparat taratty dep aiyptau, kem degende, óreskel qate, al shyn mәninde, Qazaqstan Respublikasy Konstitusiyasynyng 20-babyn búzu dep esepteymiz.

Satira – qylmys emes. Býkil әlemde satira men syn, onyng ishinde memleketting lauazymdy túlghalaryna qatysty aitylsa qalypty nәrse retinde qabyldanady jәne kerisinshe, qogham damyghanynyn, pikir erkindigi qúqyghy saqtalghanynyng belgisi.

Halqymyzdyng últtyq óneri – aitys ta satira men synnan túrady, pikir erkindigi – últtyq dәstýr men maqtanyshymyz. Sóz bostandyghyn qamtamasyz etu – Qazaqstan óz moynyna alghan halyqaralyq mindetterding biri.

qaznews24 satiralyq akkauntynyng avtory qajetti eskertuding bәrin jazyp qoyghan, oghan qajet dәlel bar, úsynugha dayynbyz. Ensebekting satirasyn shynayy janalyq retinde taratqan jergilikti anonimdi paraqshalardyng iyeleri ýshin ol jauap bermeydi (oghan da kuәlik pen dәlel bar).

Ayta keteyik, Ensebekting satirasyn shynayy janalyq retinde taratqan paraqshalardyng auditoriyasy Ensebekting paraqshasyndaghy adam sanynan on ese, tipti keybiri jýz ese asyp ketedi. Búl paraqsha әkimshilerining qasaqana әreketi emes, mediasauattyng tómendiginen satira kontentting shynayy janalyq retinde jappay tarap ketuine sebep boldy.

Faktcheker retinde biz ýnemi feykpen kýresemiz jәne jalghan aqparat qoghamgha, naqty bir túlghagha tikeley qauip tóndirmese onymen repressiyalyq sharalar arqyly emes, mediasauatty arttyru arqyly kýresu qajet ekenin týsindik.

qaznews24 akkauntynan taraghan aqparatqa keler bolsaq, eshkimge materialdyq ta, basqalay da shyghyn kelgen joq. Al barlyq jariyalym oidan shygharylghanyn ashyq mәlimdegen paraqsha әkimshisi satira kontent turaly jazylghan diskleymerdi oqymay nemese alyp tastap, satirany feykke ainaldyrghan adamdardyng әreketine jauap bere almaydy.

Sonday-aq, polisiya Qazaqstan qoghamy ýshin shyn mәninde qauipti dezinformasiyany jýieli týrde taratatyn adamdar men jelili paraqshalardyng atauyn óte jaqsy bile túra (dәlelder men basqa da derekter Factcheck.kz pen Masa.Media birlesip jasaghan zertteude jariyalandy) olardy emes, eshkimge ziyany joq satira paraqsha avtoryn QR QK 274-baby boyynsha jauapqa tartqanyna biz narazymyz.

Temirlan Ensebekti QR QK 274-baby boyynsha aiyptau orynsyz jәne jelidegi belsendi, shyn mәninde jalghan aqparat taratushylardyng jauapqa tartylmaytynyn anyq kórsetedi. Sonday-aq 274-bapty repressiyalyq maqsatta paydalanugha mýmkindik beredi, búl qazirgi demokratiyalyq qoghamda jol beruge bolmaytyn dýniye!

Biz isting barynsha ashyq jýrgiziluin jәne Temirlan Ensebekting әreketinde zúlym oy bolmaghanyn dәleldeytin kuәlikting bәri esepke alynuyn, satiralyq paraqsha avtoryna taghylghan aiyptardyng alynuyn talap etemiz.

Qazaqstandyq medialardy, qúqyq qorghaushylar men oqighagha bey-jay qaramaytyn azamattardyng barlyghyn osy ashyq hatqa ýn qosyp, ózderining veb-resurstarynda, jeke jәne kәsiby paraqshalarynda bólisudi súraymyz.

Abai.kz