– 17 shildege josparlanghan miting turaly habarlamany bóliskenim ýshin әkimshilik kodeksting 488-baby, 7-tarmaghy (Beybit jiyndy úiymdastyru jәne ótkizu tәrtibin búzu) boyynsha aiyptaldym. Búl – bir aidyng ishinde maghan salynghan ekinshi aiyppúl, – deydi Aynagýl Tóbetova.

Belsendi 6 shilde kýni de dәl osy aiyppen dәl osy somagha aiyppúl alghanyn aitady. Aytuynsha, ony әli tólemegen.

– Tólemeymin de. Adam qúqyghymen sanaspaytyn memleketting qaltasyn toltyrghym kelmeydi, – deydi ol.

Tóbetovanyng sózinshe, ony 17 shilde kýni ýiinen shygha bergende ústaghan. Azattyqqa habarlasqan taghy bir belsendi Ahmet Sәrsenghaliyevti polisiya oblys ortalyghynan 50 shaqyrym jerdegi Qaldayaqov auylynyng túsynda taksiyde ketip bara jatqan jerinen ústap әketken.

– Polisiya ústaghan kezde janymda belsendi Aqtamaq Kóptileuova boldy. Biz Qosestek auylynan shyghyp, Aqtóbege mitingige bara jatqan edik. Ekeumizdi eki kólikke salyp әketti. Onlayn sot keshki saghat 8-de boldy. Áleumettik jelilerdegi jazbalarym ýshin "Qazaqstan Respublikasynyng beybit jinalystardy úiymdastyru jәne ótkizu tәrtibi turaly zannamasyn búzdy" dep aiyptap, maghan 50 ailyq eseptik kórsetkishke teng (bir AEK 2917 tengege ten) aiyppúl saldy. Sot "songhy sózinizdi aitynyz" dedi. Irip-shiry bastaghan jýieden songhy sóz súrap nem bar? Odan eshtene ózgermes te edi. Sondyqtan songhy sóz súramadym, polisiya toltyrghan qújattardyng birde-birine qol qoymadym, – deydi belsendi Ahmet Sәrsenghaliyev.

Belsendi Aqtamaq Kóptileuovany Qarghaly audanynyng ortalyghy Batamsha auylyndaghy polisiya bóliminde tórt saghat ústap, artynan bosatqan.

Azattyq belsendilerding ústaluyna baylanysty Aqtóbe polisiyasy men sotyna habarlasqan edi, "dýisenbide habarlasynyz" degen jauap aldy.

Abai.kz