Qazaqstan tumasy Sәule Omarovany AQSh Preziydenti Djo Bayden Qarjy ministrligine qarasty valutalyq baqylau basqarmasynyng basshysy retinde úsynghan bolatyn. Biraq, keshe ghana Omarova búl lauazymgha ýmitker boludan bas tartty.

Ol Aq ýige jazghan hatynda «Valutalyq baqylau basqarmasynyng basshysyna ýmitker boludyng esh mәni qalmaghanyn» aitqan. Preziydent Bayden onyng ótinishin qabyl aldy. AQSh preziydenti mәlimdemesinde:

«Ol tughan ólkesi búrynghy Kenes Odaghynan qashyp, Amerikagha qonys audaryp, ózining «Amerikalyq armanyna» jetti. Ol Djorj Bushtyng kezinde Qarjy ministrliginde júmys istep, qazir Korneli zang mektebining professory qyzmetin atqarady. Omarovanyng osy manyzdy iste amerika halqyna әli de әkeler ýlken jenisteri bar edi. Alayda, o bastan Sәulening kandidaturasy orynsyz synnyng astyna qaldy», - dep jazghan.

Preziydent 1200 últtyq bankke baqylau jasaytyn baqylaushy qyzmetine kanditdat izdeudi jalghastyratynyn aitty.

Sәule Omarova birneshe ay boyy respublikashylar men bank lobbisterining qarsylyghyna úshyrady. Olar Omarovany Amerika ekonomikasyna qauip tóndiredi dep eseptegen bolatyn.

Keybir lobbister: «Omarovanyng balalyq shaghy Kenestik jýiening qúrsauynda ótti, sondyqtan ol senim tudyratyn kandidat emes», - dep jazylghan «Wall Street Journal-gha» shyqqan maqalany tilge tiyek etip, «onyng әli de kommunistik iydeyalary basym boluy mýmkin» degen aiyp taqqan. Luzianalyq respublikashy, senator Djon Kenediy: «Omarova Kenes Odaghynyng balalary kirgen kommunistik jastar úiymynan shyqqan ba?», - degen qúityrqy súraq qoyghan. Oghan Omarova: «Senator, men kommunist emespin, búl iydeologiyany ústanbaymyn. Qayda tuatynymdy tanday almaymyn», - dep týsindirgen.

«The New York Times»: «Senattaghy demokrattar Omarovagha qoldau bildirgende respublikashylardyng qarsylyghy kedergi bolmas edi. Onyng lauazymdy orynnan bas tartuyna demokratiyalyq zang shygharushylardyng qoldau tanytpaghany sebep», - dep jazghan.

Ogay shtatynyng demokraty, senator Sherron Braun: «Doktor Omarova – sol osy qyzmetke eng layyqty ýmitker edi. Sebebi, onyng sayasy tәjiriybesining arqasynda jeke sektor men akademiyalyq ortada biliktiligi joghary adam», - dep, búl sheshimnen kónili qalghanyn jetkizgen. Ol yqpaldy toptardyng Omarovanyng kózqarasyn «búrmalaghanyn» aitty.

Al, Pensilivaniyalyq respublikashy, senator Patrik J. Tumiy: «Professor Omarovanyng Amerikanyng bank jýiesine qatysty ózin-ózi jariya qylghan radikaldy iydeyalary bizding elimizding eng joghary banktik retteushige jetekshilik etuge jaramaydy», - dedi.

Senator Elizabet Uorren Omarova: «búl qyzyl qudalaudan» jogharygha layyqty ekenin aitady.

Ayjan Temirhan

Abai.kz