1) Býgin Polishagha kelip jiyn ótkizgen NATO bas hatshysy Soltenberg: «NATO kórshi Europa elderi arqyly Ukraina aspanyn NATO PVO-symen jaba almaydy. Jәne PVO jýiesin Ukrain jerine ornalastyra almaydy. Búl degeniniz Resey men NATO-nyng tikeley soghysy», - dedi. Biraq bir qyzyghy NATO-gha mýshe jәne mýshe emes elder Ukrainagha úshaqtan bastap, týrli әskery kómekterin jiberip jatyr.

2) 1815 jyldan beri beytaraptyq sayasat ústanyp kelgen Shveysariyanyng ózi 207 jyldan keyin osy sayasatty búzyp, Reseyge әue kenistigin japty.

3) Bzejinskiyding «Ýlken shahmat taqtasy» kitabynda: «Ukrainasyz Resey - Resey emes», - degeni dәl keldi. Ukrainada 45 mln. slavyan bar. Óte qúnarly jeri bar. Jәne ol slavyan Resey ýshin óz ishindegi «svetnoylardan» on ese artyq. Ukrainany ózine qaratsa, Resey ózining demografiyalyq jaghdayyn ukraindar arqyly týzep alar edi. Jәne basqa jaghynan da. Anglo-sakstar sony jaqsy týsindi. Sheberlikpen soghystyryp ýlgerdi. Reseyding ózi de qúbyjyq. Euraziya odaghyn úsyndy. Biraq, odaqtastaryn basyp-janshyp otyrady. Euro odaq bar. Liyderi - Germaniya. Negizi Euro odaq, ol nemis imperiyasy. 28 eldi biriktirgen. Odaqstasynyng jerine kózin alartpaydy, tilin qúrmetteydi, órkeniyet bar, zang bar. Elding barlyghy sol odaqqa jýgiredi.

4) Resey: «Ukraina NATO-gha kirse, NATO zymrandary dәl mening túmsyghymnyng astyna keledi», -dedi.

NATO: «2004 jyly Estoniya, Latviya, Litva úiymgha kirdi jәne olardyng da ara qashyqtyghy Mәskeuge tura Ukrainamen birdey», - dedi.

Biraq, Resey ýshin Ukrainanyng jóni bólek. Jirinovskiyding aitqanynday, sol ýshin Resey «songhy soghysyn jýrgizip jatyr».

5) Putin 2008 jyly Gruiziyanyng 20% jerin, 2014 Qyrymdy, Donbass pen Luganskini aldy. Sol jolmen «jýre beremin» dep oilady. Batys Putindi ondyrmay túzaqqa týsirdi.

15 kýn búryn Germaniya: 5 myng әskery kaski ghana jiberemin», - dedi. Fransiya aralasqysy kelmeytinin aitty. Qysqasy, Polishadan basqasy onsha kómekke kelmeytindey boldy. Al keshe basyp kirgende barlyghy ózgerip shygha keldi.

Búl jerde útqan Angliya men AQSh boldy. Ekeuining jýrisi bir. Angliya әlemdik qarjyny ózine toptastyrghan. Ózge elderdegi demokratiya turaly aitady. Biraq, sol elderdi tonaudy óte jaqsy mengergen. Bir mysal, Qazaqstannan aqsha úrlaghan qansha adam bardy. Nazarbaevtardyng әuletinen bastap eseptey ber. Aqshanyng las jolmen kelgenin biledi. Biraq, qaytarmaydy.

Endi biz siyaqty elderding sany jýzden asady. Resey, Ýndistan, Pәkistannan bastap, qay eldi almanyz, qashqannyng bәri sonda barady. Osynday joldarmen jylyna tek 200 mlrd keledi eken.

6) AQSh yqpalynan kete bastaghan Europa qaytadan NATO-da birlesip, AQSh kólenkesine kire týsti. AQSh-qa da keregi osy.

Kezinde KSRO-men qorqytyp, ózine tartyp túrdy. Endi Reseydi qúbyjyq etip túrady. Shyndyghynda qúbyjyq. AQSh pen Europa elderi arasynda ýlken kelispeushilik bar edi.

Tramp kezinde Germaniyany syngha aldy. «NATO-nyng kóp aqshasyn AQSh tóleydi. Biraq, Germaniya Reseyden gaz satyp alady», - dep....

7) Myna jaghdaydan keyin Europadaghy NATO-gha mýshe elder dereu IJÓ 2%-gha tóleuge kelisti. Búghan deyin 2% tóleuge qarsy bolyp jýrgen. NATO búryn bolmaghan dәrejede birikti. Tipti, Finlandiya men Shvesiyada úiymgha mýshe bolugha aryz berdi.

8) Eng manyzdy emes degen әlemdik mәdeniy-sporttyq úiymdardan bastap, týrli-týrli halyqaralyq úiymdardan, banktik jýie - SWIFT-ten Reseydi ajyratyp jatyr. Resey múnayyn aludan bas tartyp jatyr. Bayden eng basynda: «Ukrainagha kirseng nәtiyjesi súmdyq bolady», - dep eskertti.

9) Resey búlqan-talqan boldy. «2003-te AQSh Irakqa basyp kirgende eshkim oghan sanksiya salyp oqshaulamady», - dedi. Biraq, shyndyq mynau, BÚÚ bastap әlemdegi barlyq ýlken úiymdar AQSh jәne Batys bastamasymen qúrylghan. Joghary tehnologiyalar men barlyq jetistikter solardyng qolynda. Áriyne, Irakta soghys jóninde qozghalmaghan qylmysyq is Gaagada endi qozghalady.

10) Zelenskiy: «Álemning barlyq jerinen Ukrainany qorghaghysy keletinderge esik ashyq, vizasyz kire beredi», - dep jarlyq shyghardy. Búl iydeyanyng artynda AQSh túr. Álemde aqsha ýshin soghysatyn týrli-týrli úiymdar bar. Búl tizbektelgen klaster biznesi. Keybiri diny fanattar, psihikalyq auytquy barlar, jәy adam óltirgisi kelgender kóp. Endi estondyq snayper әielderden bastap, kosovalyq, pәkistandyq, niygeriyalyq, angolalyq degender qaptaydy. Sol úiymdardyng kuratorlaryn AQSh jaqsy biledi. Aqshasyn da AQSh tóleydi. Múnday tәjiriybe Chechen men Yugoslaviya, Siriya soghysynda boldy. Ukrainder 90 jyldary Chechender ýshin soghysqan. Endi Chechender Putin ýshin soghysyp jýr. Hakkerler toby da óz ýlesterin qosyp jatyr. AQSh sputnik suretterimen kómektesip jatyr.

11) Mediada da súmdyq soghys. Mysaly, býgin Zelenskiyding Euroodaq parlamenti aldyndaghy viydeo arqyly sóilegen sózin oryndarynan túryp qol shapalaqtap qarsy aldy. Dәl osynday jiyn býgin BÚÚ-nyng adam qúqyqtary jóninde boldy. Resey SIM-i Lavrov sóilegende Reseyding janyndaghy 4-5 memleketten basqasy oryndarynan túryp, zaldan shyghyp ketti. 200 memleket ishinen búl súmdyq. Endi osylardy Resey mediasy kórsetpeydi. Búl bir mysal ghana. Batys mediasy, әriyne, Reseyden ýlken. Al mýmkin bolsa sayasy habar taratatyn bizding eldegi Resey mediasyn jabu kerek.

12) Búl soghys Putin men Lukashenkonyng júldyzdarynyng sónuining basy boldy. Óitkeni býgin Soltenberg: «Lukashenkony da soghys bastaushy», - dedi. Sonymen qatar, AQSh Mәskeude Putinning janyndaghylarmen de kelissóz jýrgize bastauy mýmkin. Óitkeni, kózi qyzarghan Putin yadrolyq qyzyl knopkany basyp jiberui de mýmkin. Jýikesi syr bergen. Yaghni, aitqanyn oryndamandar degen sekildi. Qazirgi bomba Japoniyagha tastalghan bombadan myndaghan ese quatty. Búl súmdyq.

13) Osy kezge deyin Aughanstangha bólip kelgen aqshasyn AQSh endi Ukrainagha bóletin siyaqty. Sol ýshin de byltyr Aughannan ketken. AQSh Memdepting habarlauynsha, Reseylik arnayy toptar 2-3 ay búryn Ukarinagha kirip, Kiyev, Harikov siyaqty birneshe ýlken qalalarda pәter jaldap túrghan. Soghys barysynda ishten habar jinap, belgi qoyyp, diyversiyalyq shabuyldar jasaghan. Osydan eki jyl búryn AQSh eskertuimen Ukrainalyq Shaytanov degen general Mәskeuge júmys istegeni ýshin tútqyndalghan.

14) Soghys bastalghaly birneshe el tatulastyrghysh bolyp úsynys aitty. Býgin Lavrov: «Eshbirining qajeti joq», - dedi. Erteng Belarusi jerinde kelissózding ekinshi kezeni bolady.

15) Ukraina jenedi degen sóz - Resey әskerin Mәskeuge deyin quyp baru degen sóz emes. Óz jerinen ketuge mәjbýrlese, sol ýlken jenis. Estoniya, Latviya, Litvadan keyin Reseyden týbimen bostandyq alghan tórtinshi el bolady. Týbimen bostandyq alugha ukraindyqtardyng sana-sezimi de dayyn.

Dәl qazir shekteuler men sanksiyalar astynda qalghan Reseyding ekonomikalyq jaghdayy әlsirep, bizge әseri qatty tiyidi. Al jәimenen útyp jatqan Qytay. Biraq, AQSh onyng da ayaghyn aspannan keltire alatyn siyaqty. Osynday ýlken oiyndarda bizding el ayaghyn anyq basyp aman jýrsin dep tileyik!

Núrat Iliyas

Abai.kz