2022 jyly 15 aqpan kýni Resey Memlekettik Duma deputattary Donbass pen Luganski aimaqtaryn tәuelsiz respublika dep jariyalau turaly qaulyny bir auyzdan maqúldaghan edi. Naqtyraq aitsaq, 351 deputat qoldap dauys berdi.

Basynda múnday avanturisttik qújatty qoldap dauys bergen Resey deputattarynyng keybiri búl isine ókine bastady. Solardyng biri KPRF partiyasynyng deputaty – Mihail Matveev. Alghashqylardyng biri bolyp ýkimetten Ukrainany bombalauyn toqtatudy talap etti.

Deputatpen BBC tilshisi súhbattasyp, nege múnday qadamgha barghanyn súrap kórdi. Súhbatynan ýzindi úsynamyz.

"Memlekettik Dumagha kelgen qújatta DHR men LHR-di tәuelsiz el dep jariyalau jayly, sol arqyly Donbasta bolyp jatqan segiz jyldyq soghysty dogharu maqsaty ghana kórsetilgen-túghyn. Beybit әsker kirgizu jayly ghana sóz boldy. Abhaziya men Ontýstik Osetiyany tәuelsiz el dep moyyndaghanymyz syndy ssenariy bolady dep oiladyq. Býkil deputat solay oilady, oiynda sol ghana boldy. Mýmkin aramyzdan key deputat pen senatorlar alda ne bolaryn ishtey bilgen de, sezgen de bolar. Biraq olardyng kim ekenin men bilmeymin. Habarym joq. Dәl qay tústan kemshilik ketti – ony da bilmeymin. Biz qabyldaghan qaulynyng múnday alyp soghysqa әkeletinin kim bilgen? Beybit әsker Donbasqa kirip, tәuelsiz respublikanyn qauipsizdigin qamtamasyz etui tiyis edi. Biraq qújatqa dauys beruding sony Kiyevti bombalaugha әkeletinin, Reseyding býkil әskery kýshi Ukrainagha basyp kirerin kim bilgen? Erteninde Reseyding Ukrainagha basyp kirgenin kórip-estip, shalqamnan týse jazdadym. Deputtardyng eshkimi de múny kýtpedi, shyny kerek. Memlekettik Dumadan shyqqan qújat pen Federasiya kenesinde talqylanghan mәselening arasynda alshaqtyq bar", - deydi Matveev.

Onyng oiynsha, әskery basqynshylyq jasamay Resey basshylyghy Ukraina biyligimen beybit kelisimge kelui kerek edi.

"Soghysty bastaghan biylik partiyasy ("Edinaya Rossiya" - red.)  Ukraina biyligimen kelisim jasap kóruge tyryspaghan da synayly. Oiy Donbasty qorghau emes. Resey myna mashtabty әskery basqynshylyghyn toqtatuy tiyis. Soghystyng sony qalay ushyghyp ketkenin dәl aitu qiyn. Biraq Ukrainada bolyp jatqan jaghday – búl naghyz katastrofa. Resey de, Ukraina da, býkil әlem búl konfliktini sheshuge atsalysuy kerek. Ukraina biyligining últshyl ekenin bәrimiz bilemiz. Biraq Resey eshqashan ózi soghys bastamaghan el edi ghoy. Tarihta abyroydy ústap túrghan da osy qasiyet edi. Endi búdan aiyrylghaly túrmyz. Resey biyligining qateligi de sol – mәseleni beybit jolmen sheshuding býkil dýniyejýzilik tәsilin, joldaryn qoldanyp kórmey, birden shabuylgha shyghuy. Ukraina da sau siyrdyng boghy dey almaymyn. Biraq Resey aghalyq, araghayyndyq jasauy, izet kórsetu kerek edi", - deydi deputat.

Derekkózi: bugin.kz

Abai.kz