Ukraina Adam qúqyqtary jónindegi europalyq sottqa Reseyding ýstinen shaghym týsirdi. Kiyev Mәskeudi basqynshylyq jasau, beybit túrghyndargha qasaqana shabuyldau arqyly halyqaralyq qúqyqtardy óreskel búzdy dep aiyptady.

Shaghym 23 mausymda qabyldanghan, al seysenbi kýni keshke europalyq sot ókili Robert Spano ony sudiyalargha tapsyryp, Reseyge habar jiberdi. Búl turaly Strasburgtegi sottyng baspasóz mәlimdemesinde aitylghan.

Qújatta búl isti qozghaugha Ukrainanyng basqa da tórt shaghymy, sonymen birge segiz mynnan astam adamnyng ótinishi sebep bolghany habarlandy.

Shaghymda Resey Federasiyasynyng Ukraina aumaghyndaghy әskery әreketteri kezinde tirkelgen adam qúqyqtaryn jappay әri óreskel búzu derekteri turaly aitylghan. Kiyev reseylik әskerdi jәne Resey baqylauyndaghy basqa da qaruly toptardy myndaghan beybit túrghyndy óltirdi, jýzdegen myng nysandy joydy, milliondaghan adamnyng bosyp ketuine sebep boldy dep aiyptady.

Biyl 16 nauryzda Reseydi Ukraina aumaghyna basyp kirgeni ýshin Europa Kenesinen shygharyp tastady. 16 qyrkýiekten bastap Resey Adam qúqyqtary jónindegi europalyq konvensiyagha qatysushy mәrtebesinen airylady.

11 mausymda Resey preziydenti Vladimir Putin Adam qúqyqtary jónindegi europalyq sottyng 15 nauryzdan keyin shygharghan sheshimderin oryndamau turaly zang jobasyna qol qoydy.

"Agora" adam qúqyqtaryn qorghau tobynyng ókili Kirill Koroteev Putin maqúldaghan zang jobasy Adam qúqyqtary men basty erkindikterin qorghau jónindegi europalyq konvensiyagha qayshy keledi. Qújatqa sәikes, Resey europalyq sot shygharghan týpkilikti sheshimderdi mýltiksiz oryndauy tiyis.

Abai.kz