Qazaqstannyng Syrtqy ister ministrligi Ukraina elshisi Petr Vrublevskiydi shaqyryp, onyng Ukrainadaghy soghys jәne reseylikter jayly aitqan pikirine qarsylyq bildirdi, dep habarlady «Azattyq» radiosy.

Tótenshe jәne Ókiletti elshi degen ataghy bar, óz elining mýddesin múrat qylghan diplomat qazaqstandyq bloger Dias Qúzayyrgha bergen viydeo-súhbatynda ne dep edi (qaz-qalpynda – fragment):

«Staraemsya ubiti kak mojno ih bolishe. Chem bolishe my ubiem russkih seychas, tem menishe priydetsya im ubivati nashih detey. Vot y vse!» – degen edi elshi.

«Qazaqstan halqynyng assambleyasy» dep atalatyn qosamjarlanghan qúrylym elshining osy sózine narazylyq bildirip, Qazaqstannyng Syrtqy ister ministrliginen reaksiya jasaudy súraghan eken. Al bizding SIM «múnday mәlimdeme shetel elshisining qyzmetine layyqsyz jәne orynsyz dep esepteydi» dep, elpeng qaqqan eken.

IYә, dúrys! «Múnday is-әreket memleketter arasyndaghy dostyq mәmilege kedergisin tiygizbeui tiyis» (SIM-ning mәlimdemesinen). Diplomatiyalyq qyzmetting erejesi men etikasy solay bolsa kerek. Dau joq!

Biraq dau basqada. Rashizmning okkupant әskeri beybit halqy men soghysqa qatysy joq әleumettik-túrmystyq ghimarattaryna raketa men snaryad jaudyryp jatqanda, elshi ne deui kerek edi?! Dýnie jýzi aiyptaghan alapat soghysta orystyng oghynan qyrylyp jatqan ukrainalyqtardyng ólgeni dúrys boldy deui kerek pe?

Ras, «ubiem russkiyh» degeni doghaldau boldy... Qanisher biyligine «zalojniyk» bolghan tútas halyqty ghaybattau – diplomat týgili, deni dúrys adamgha artyqtau sóz. Búl endi elshiden góri, óz elining patrioty, jankeshti azamaty eriksiz emosiyagha berilip aitqan sóz bolsa kerek.

Búl oraydaghy oi-joralghynyng jóni bólek. Mәselenki, biylghy qandy qantarda qazaqtar qyrylyp jatqanda, assambleya ay baghyp jýrdi me?! «Ubity bezvinnye kazahi» deuge dәti barmaghan, keshirersiz oqyrman, qazaqtar «qyryqsidik» deytin sózge syqpyty say qúrylym qandy qyrghyngha qatysty bir auyz sóz aitpap edi ghoy!

Endi elshining auzynan ashugha bulyghyp shyqqan sózge shorshyp týserliktey ne boldy?! Álde búl assambleya orys pen Reseyding ghana jalghyz joqshysy ma edi? Orystyng ozbyrlyghymen gruzinder Abhaziyadan aiyrylyp jatqanda, Kremliding kesapatynan moldovandar Dnestrding eki jaghyna qaq jarylghanda, reseylik aviasiya Siriyanyng halqyn qyryp tastaghanda qynq etpegen assambleya eli ýshin eniregen elshining bir auyz sózine bola búlqan-talqan bolghany qalay?

Mine, elshini biz osy jerde qorghaymyz! Assambleyada otyrghandar asylyp qalsa da, orysshalap osqyrynsaq: «Kak istinnyy patriot svoey strany Vrublevskiy verno skazal!» – deymiz. El arasyndaghy auyzeki sózben anayylap aitar bolsam, «al meni qylyp alyndarshy!».

Ermúrat Bapiy,

DAT

Abai.kz