Qazaqstangha kelgen reseylikter AQSh-tan pana súrap, Qazaqstan aumaghynan ótinish týsire almaydy. AQSh-tyng Qazaqstandaghy diplomatiyalyq missiyasynyng baspasóz qyzmeti osylay deydi. Búl turaly Azattyqqa silteme jasap Abai.kz habarlaydy. 

Diplomatiyalyq missiya ókilderi kórshi elde jariyalanghan mobilizasiyagha baylanysty Qazaqstangha reseylikterding aghylyp keluinen habardar ekenin atap ótedi.

"AQSh-tyng Astanadaghy elshiligi men Almatydaghy bas konsuldyghynyng pana nemese bosqyn mәrtebesine baylanysty ótinishterdi qabyldaugha ókileti joq. Pana izdeushiler AQSh-ta jýrip ótinish týsire alady. Olarda AQSh azamattyghy bolmauy tiyis" dep jazylghan AQSh diplomatiyalyq missiyasynyng habarlamasynda.

Pana beru turaly ótinishterdi AQSh azamattyq jәne immigrasiya qyzmeti qaraydy. Sәikesinshe dipmissiya pana izdeushilerge solargha jýginuge kenes beredi.

AQSh-tyng bosqyndardy qabyldau baghdarlamasy BÚÚ bosqyndar isi jónindegi agenttik jәne әriptes ýkimettik emes úiymdarmen birigip júmys isteydi.

Dipmissiya sonymen birge Qazaqstannyng "kóshi-qon sayasaty men shetel azamattarynyng Qazaqstangha kirui boyynsha kez kelgen mәsele" boyynsha qazaq ýkimetine qayyrylugha kenes berdi.

Juyrda Aq ýy ókilderi mobilizasiyadan qashqan reseylikter AQSh-tan pana súray alady dep mәlimdegen.

21 qyrkýiekte Resey preziydenti Putin elde mobilizasiya jariyalaghan song ondaghan myng reseylik elden qashqan. Reseylikterding kóbi qazir Qazaqstan, Gruziya jәne Ortalyq Aziya elderine ketip jatyr. Qazaqstan ishki ister ministrligining mәlimetinshe, 21-26 qyrkýiek aralyghynda elge 100 myng Resey azamaty kirgen, 65 payyzy shyghyp ketken.

Abai.kz