Ukraina әielderining batyrlyghy qazirgi kýni býkil әlemdi tanghaldyryp otyr. Ásker qataryna qosylyp, otanyn qorghau – әrkimning qolynan kele bermeytin batyldyq. Margarita Rivchachenko atty ukrain qyzy da Otan qorghau – óz boryshym dep bilgen ójet adam. Beybit kýnde jurnalist bolghan ol, qazir qan maydanda felidsher qyzmetin atqaryp jýr. Búl turaly ELLE.UA basylymy jazypty.

Keyipkerding aty-jóni: Margarita Rivchachenko,

Jasy: 25-te,

Sheni – kishi serjant.

– 24 aqpanda tanerteng kózinizdi ashqanda eng birinshi ne oiladynyz, ne istediniz?

– Dabyldan birneshe minut búryn oyanghan edim. Telefonyma kóp hattar kelipti. Sodan keyin әkeme qonyrau shaldym. Elde soghys bastalghanyn estidim.

– Soghysqa baru turaly sheshimdi qalay qabyldadynyz?

– Ayaq astynan qabyldadym. 24 aqpanda mening әskeriylerge kómektesuim kerek dep oiladym. Basqa joldy kórmedim. Ol kezde әskery qyzmetshi bolam degen oy bolmady. Jórtólege jasyrynghannan góri, qaru-jaraghy bar әskeriylerding qatarynda jýrgenim qauipsizdeu shyghar dep joramaldadym.

– Búl jerdegi qyzmetiniz qanday, kýniniz qalay ótedi?

– Ártýrli. Keyde tynysh, birneshe adamgha kenes berip qana qoyamyn. Keyde jaghday ushyghyp ketedi. Nauqastardy auruhanagha jetkizu kerek, tótenshe jaghdaylardy baqylaugha alu kerek bolady. Sonymen qatar, biz atys poligonyna shyghyp túramyz. Men taktikalyq medisinadan sabaq beremin, ózim de jattyghamyn.

– Sizding bólimshenizde genderlik kemsitushilik bar ma?

– Mening bólimshemde joq. Ol jerde meni qorghaydy. Biraq basqa bólimshelerde jaghday әrtýrli. Eger siz kishi serjant bolsanyz, onyng ýstine әiel bolsanyz, sizge kәsiby maman retinde senbeui mýmkin, shettetui mýmkin.

– Qanday qiyndyqtardy bastan keshtiniz?

– Birinshiden, fizikalyq dayyndyq túrghysynan qiyn. Bronejiylet kiyip, jattyghu jasaymyz. Siz poligongha shyqqanda tek qarap otyrmaysyz, býkil sauyt-saymandy kiyip alyp, jýgirip jýrip, sabaq ótkizesiz.

Ekinshiden, bostandyghynyz shekteuli ekenin týsinu kerek. Óz betinizshe eshtene istey almaysyz. Biraq is jýzinde niyet bolsa, bәrin jenuge bolady.

– Tolyqqandy soghys kezinde sizdi ne tanqaldyrdy?

– Birlik bar jerde mәseleni tez sheshuge bolatyndyghy tang qaldyrdy. Men múnda eriktiler turaly aityp otyrmyn. Olar joq nәrseni tauyp keledi.

– Qazir sizding ruhynyzdy týsirmey túrghan ne?

– Mening jaqyndarym men bolashaq armandarym. Konslageriden aman qalyp, keyinirek terapevt bolyp istegen әielding ómiri turaly Edit Egerding «Tandau» kitabyn oqyghan son, mende soghystan keyin basqalargha kómektesem degen arman payda boldy.

– Ukrainanyng bolashaghynan qanday perspektivalardy kóresiz?

– Birinshiden, Ukraina búrynnan bar memleket, aldaghy uaqytta da jasay bermek. Ekinshiden, halyqty, ekonomikany onaltudyng qiyn kezeni kýtip túr. Biraq bizding halqymyz ghasyrlyq soghysty bastan ótkerdi, soghan qaramastan ózin, mәdeniyetin jәne genofondyn joghaltpady. Sondyqtan biz odan әri ómir sýre beremiz. Búrynghyday bolmaydy, biraq ómir sýruimizdi toqtatpaymyz. Sonday-aq elde bala sany kóbeyedi dep oilamyn.

– Soghystan keyin ómirinizdegi ne nәrseni mәngilikke ózgertesiz?

– Kýrdeli súraq. Men endi eshqashan «eshqashan bolmaydy» dep aitpaymyn. Soghys «qozghalys traektoriyamyzdyn» ózgermeytinine kýmәn tughyzdy. Sondyqtan men eshtenege uәde bermeymin.

– Ukrainalyqtar men әlemge ne aitasyz?

– Alghys aitqym keledi. Ukrainanyng Qaruly Kýshterine rahmet aitqan halyqty kórgende, men de dәl solay rahmetin qaytarghym keledi. Taghy aitarym, biz әli qinalamyz. Óte qiyn bolady. Úzaq uaqyt boyyna qiyndyq kóremiz. Biraq biz kýshtimiz. Biz sýie alatyn halyqpyz. Óz bauyrlarymyzgha, elge, halyqqa degen sýiispenshilikting arqasynda biz jeniske jetemiz.

Dayyndaghan Ayjan Temirhan

Abai.kz