On aida Qazaqstan aumaghynda jalpy somasy 902,4 mlrd tenge qúraytyn 88 064 tehnika jasalghan. Óndiris kólemi 2021 jylghy qantar-qazan aralyghyndaghy kórsetkishten 23,6% - ke joghary, dep jazady sputnik.kz.

Qazaqstandyq AvtoBiznes qauymdastyghy bergen mәlimet boyynsha, qazan aiynda 9 623 tehnika óndirildi, búl byltyr qazandaghy nәtiyjemen salystyrghanda 25,4% -ke kóp.

Búghan jenil avtomobili óndirisining artqany sebep bolghan, biyl 80 251 (+29,9%) mashina óndirildi. Odan bólek eldegi zauyttar 5 916 dana jýk kóligi, 552 tirkeme men jartylay tirkeme jәne 363 basqa arnayy tehnika óndirdi. Ónimderi Qazaqstanda shyghatyn eng tanymal bes brend qatarynda Chevrolet (31 063 dana), Hyundai (28 863 dana), Kia (11 480 dana), JAC (5 764 dana) jәne Lada (4 872 dana) bar. Súranys joghary modelider – Chevrolet Cobalt, Hyundai Tucson jәne Chevrolet Nexia.

10 ay qorytyndysy boyynsha Qostanayda ornalasqan "SaryarqaAvtoProm" mamandary jalpy qúny 463,2 mlrd tenge bolatyn 54 113 (+22,7%) tehnika qúrastyryp, rekord jasady.

Almatydaghy Hyundai Trans Kazakhstan baghasy 395,9 mlrd tenge qúraytyn 28 863 dana jenil kólik shyghardy. Semeylik SemAZ kliyentterine 22,1 mlrd tenge túratyn 1 832 (-44,5%) kommersiyalyq tehnika jóneltti.

Kókshetaudaghy KAMAZ-Injiniring 986 (-20,2%) jýk kóligin jasady. Hyundai Trans Auto zauyty 858 (+34,7%) jýk kóligi men avtobus qúrastyrdy. QazTehna men Daewoo Bus Kazakhstan sәikesinshe 309 jәne 167 avtobus shygharghan.

Abai.kz