Belarusi aghashy sanksiyalargha qaramastan Euroodaqqa satylyp jatyr, dep jazdy Belarusi zertteu ortalyghy.
Jana zertteuge qaraghanda, Belarusi aghashyna sanksiya jariyalanghan sәtten bastap búl ónimdi Qazaqstan arqyly EO elderine eksporttau kórsetkishi 74 esege, al Qyrghyzstan arqyly eksporttau kórsetkishi 18 myng esege artqan. Qazaqstan men Qyrghyzstan aghashty eksporttaugha shekteu qoyghanyna qaramastan, saknsiyagha ilikken elding ónimi erkin satylyp jatyr.
EO sanksiyalaryn Resey de Qyrghyzstan men Qazaqstan arqyly ainalyp óte bastaghanyn búnyng aldynda Azattyq radiosy jurnalisteri anyqtaghan.
Euroodaqta Belarusi aghashyn negizinen Polisha, Litva, Latviya, Germaniya jәne Niyderland satyp alyp jatyr, dep jazylghan ortalyq zertteuinde.
Shekteu engizilgenge deyin Polisha kórshi elding aghashyn "BLK Treyding" ("Belarusi orman kompaniyasy") arqyly satyp alatyn. Búl kompaniya Polishada tirkelgen. Qazir ol aghashty Qazaqstan arqyly shyghara bastaghan.
Litva da aghashty Qazaqstan men Qyrghyzstan arqyly jetkizu әdisin qoldanyp otyr.
Ortalyq Aziyadan aghash tasu artqanyn eng birinshi bolyp Litva kedeni bayqaghan. Keden qyzmetining mәlimetinshe, Belarusi pen Resey ónimderin Euroodaqqa ótkizer kezde kórsetiletin deklarasiyada tauar Qazaqstan men Qyrghyzstannan alynghan dep jazylady.
"Búghan dәlel jeterlik: tauar Belarusi nemese Reseyde tiyelgenin bildiretin qorapta nemese qosymsha qújattarda qalyp qoyady. Múnday jaghday bir emes, birneshe mәrte tirkeldi", – deydi Litva kedeni bas diyrektorynyng orynbasary Vigantas Paygozinas.
Abai.kz
