Prokuratura organdary kólik joldary salasynyng jay-kýiin tekserip, qorytyndy shyghardy, dep mәlimdedi Bas prokuraturanyng baspasóz qyzmeti.

Kólik joldaryn salu jәne jóndeu kezinde budjet qarajatyn jymqyru jәne sybaylas jemqorlyq faktileri anyqtalghan. Budjet qarajatyn zansyz shygharu shemalarynda kóbine belgili bir merdiger úiymdary bolghan.

Atap aitqanda, osynday firmalardyng birining ókilderi Aqmola ónirining Qoyandy kentinde 907 mln tengege kýrdeli jóndeu jәne jergilikti jol qúrylysyn jasamaghandyghy belgili boldy. Kelisimshart búzyldy, ónirdegi prokurorlar sotqa deyingi tergep-tekseruge bastamashylyq jasap, onyng shenberinde qylmystyq qúqyq búzushylyq jasaudyng mәn-jaylary anyqtalyp jatyr.

Soltýstik Qazaqstan oblysynda jol jóndeuge bólingen 423 mln tengeni jymqyrdy degen aiyppen Gh. Mýsirepov atyndaghy audan әkimdigining jәne jergilikti merdiger mekemening basshylary qamaugha alynyp, jauapqa tartyldy. Júmystardy qabyldau turaly jalghan aktiler boyynsha joldyng joqtyghyna qaramastan, milliondaghan memlekettik qarjyny audarghan.

Memlekettik satyp alu kezinde oryndaushylardy tandau kezeninde jemqorlyqqa jii jol beriledi. Mәselen, audan prokurorlarynyng aralasuynan keyin Aqmola oblysy Arshaly audany әkimdigining bólim basshysy Ekaterinburg-Almaty avtobanynan Bersuat auylyna deyingi uchaskeni kýrdeli jóndeu boyynsha 1,1 mlrd tengege zansyz shart jasasqany ýshin teris sebeptermen júmystan bosatylghan bolatyn.

Prokurorlar budjetting negizsiz shyghyndarynyng jolyn kesuge erekshe nazar audarady. Shyghys Qazaqstan oblysynyng Altay audanynda jóndelgen uchaskege 148 mln astam budjet qarajatyn artyq júmsaugha jol berilmedi jәne basshylyq buyndaghy kinәli lauazymdy túlgha tiyisti tәrtiptik jazagha tartyldy.

Tekseru qorytyndysy boyynsha barlyghy 300-den astam zang búzushylyq anyqtaldy, 30 mlrd tenge somasyna budjet shyghyndarynyng aldy alyndy, memleket kirisine 2,5 mlrd tenge óteldi, 29 qylmystyq is qozghaldy, 305 adam tәrtiptik jәne әkimshilik jauapkershilikke tartyldy.

Joldardyng qanaghattanarlyqsyz jaghdayyna orynsyz josparlau, innovasiyalardy enjar engizu, beriktigi joghary materialdargha ýnemdeu jәne basqa da jayttar yqpal etip otyr.

Osyghan baylanysty, Bas prokuratura Ýkimetke qaralyp jatqan sheteldik ozyq tәjiriybege negizdelgen kólik joldary salasyn týbegeyli ózgertu boyynsha úsynystarmen qadaghalau aktisin engizdi.

Abai.kz