5 nauryzda IIM úiymdasqan qylmysqa qarsy kýres departamenti men ÚQK 5-shi departamenti birlesip, Qaraghandy oblysyndaghy kriminogendik jaghdaygha úzaq uaqyt boyy teris әser etip kelgen qylmystyq toptyng әreketining jolyn kesu boyynsha arnayy operasiya jýrgizdi, dep habarlaydy Polisia.kz.

Búl toptyng mýsheleri atys qaruyn qoldanyp, týrli qaqtyghystar úiymdastyrghan. Osylaysha qoghamdyq tәrtipti búzghan. Jedel derekter boyynsha top mýshelerining sany 50-ge juyq, onyng ishinde qúqyq qorghau organdarynyng búrynghy qyzmetkerleri, sonday-aq kýzet úiymdarynyng qyzmetkerleri de bar.

Kóshbasshy men top mýsheleri arasynda naqty iyerarhiya qúrylghan. Árbirining mindeti men óz róli bolghan. Jasyrynu sharalary qatty saqtalghan.Ótkizilgen arnayy is-sharalar nәtiyjesinde ónirding iri ónerkәsiptik obektilerinde, onyng ishinde «Arsellor Mittal Temirtau» Aksionerlik qoghamynda tauarlyq-materialdyq qúndylyqtardy úrlau faktileri ashyldy.

Top mýshelerining birqatar ashylmaghan auyr jәne asa auyr qylmystargha qatysy bary anyqtaldy – búl bopsalau, densaulyqqa auyr ziyan keltiru, kisi óltiruge oqtalu jәne búzaqylyq.

Arnayy operasiya barysynda 100-den astam tintu is-sharalary jýrgizildi, 9 atys qaruy, 200-ge juyq oq-dәri, granatomet, trotiyl, granatalar, qújattar jәne jalghan mórler, diny әdebiyetter, qolma-qol aqsha, jyljymaly jәne jyljymaytyn mýlik, sonday-aq qashyqtan tyndaugha arnalghan arnayy tehnikalyq tyndau qúraldary tәrkilendi.

Polisiyagha 40 adam jetkizildi. Jedel-tergeu sharalary jalghasuda.

Abai.kz