"Ákimshilik qúqyq búzghany ýshin ústalghandardyng bәri bosatyldy. Jartysy sot aldynda jauap beredi", - delingen mәlimdemede. Biraq sot sheshimimen jazagha tartylghandar da bosatylady ma, joq pa, oghan jauap bermegen.

Osyghan deyin Gruziya astanasy Tbilisiyde birneshe kýnge sozylghan narazylyqtan keyin biylikshil partiyalar parlamentten "shetel agenti turaly" dauly zang jobalaryn alyp tastaytynyn mәlimdedi.

7-8 nauryzda myndaghan adam parlament manyna jinalyp, dauly qújatqa qarsylyq bildirgen. Polisiya olardy taratu ýshin jas aghyzatyn gaz, su shashqan. Demonstranttar kýsh qúrylymdaryna tas laqtyryp, qoqys jәshikterin órtep, barrikada qúrghan.

Qújatty parlamentke úsynghan basqarushy "Gruzin armany" jәne "Halyq kýshi" partiyalary 9 nauryzda taratqan mәlimdemesinde keybir kýshter qújatty negizsiz "reseyshil zan" dep ataghanyn algha tartqan, degenmen qogham pikirin eskere otyryp, zang jobasyn keri qaytarghanyn jazghan.

Oppozisiyanyng aituynsha, "Shetel yqpalynyng ashyqtyghy turaly" jәne "Shetel agentterin tirkeu turaly" dep atalatyn eki zang jobasy Gruziya kiruge úmtylyp otyrghan Europa odaghynyng erejelerine qayshy jәne ol ýkimettik emes úiymdardyng júmysyna kóp kedergi jasaydy.

Biylikshil "Halyq kýshi" fraksiyasy jetekshilerining biri Guram Macharashvily zang jobasy 1938 jyly AQSh qabyldaghan FARA (The Foreign Agents Registration Act) zanynyng tәjiriybesi boyynsha jasaldy degen uәj aitqan. Alayda oppozisiya múny "demagogiya, shyn mәninde, osy zandar arqyly biylik azamattyq belsendilik pen oi-pikir erkindigin Reseydegidey basyp-janshyghysy keledi" dep esepteydi.

Abai.kz