Birazdan beri әlemjelide Almaty qalalyq mәslihatynyng deputaty Anna Bashinskaya degen asa belsendi «halyq qalaulysynyn» «erekshe erligi» jayly aqparat jeldey esip jýr. Ol ontýstik astananyng tórinde otyryp alyp, bóten tәuelsiz elding basshysy – Ukrainanyng Preziydenti Vladimir Zelenskiyge «aqyl ýiretipti». Búl Anna degen myqtymyz Zelenskiyding «Qyrymdy qaytaryp alamyz» degen sózine shabyna shoq týskendey shamdanyp: «Sen odan da ana Týrkiyany basyp al. Ol jaq – jyly, jangha jayly», – dep keketip-múqatyp baghypty. Sirә, Reseyge degen asa janashyrlyq sezimi janyna tynyshtyq bermese kerek.

Eng qyzyghy, múny bir mandatty okrugten «Amanat» partiyasy úsynsa kerek. Endi búghan biylikting partiyasy ne ister eken? Eger búrynghy «Núr Otan»: «Búl kisi bir mandattyq okrugten ótken, ony halyq saylaghan. Biz ne istey alamyz?» dep ótirik sharasyzdyq tanytsa, tipti de tang qalmaymyz. Óitkeni Reseyge býiregi búryp, onyng basqynshylyq әreketine «asa týsinisikpen» qaraytyn jalghyz búl emes. Ótkende Mәjilis deputaty, ózimizding qazaq azamaty Putinning arnayy әskery operasiyasyna ashyqtan-ashyq qoldau bildirip jatqanda ózge últ ókilining búl isi tipti de óreskel emes siyaqty kórinedi.

Al endi Anna Bashinskaya degen kim, ol qanday aspandy tirep túr – soghan kelelik. Búl myqtymyz osy shaharda ataghynan at ýrkiytin «LEU firmasy» dep atalatyn jauapkershiligi shekteuli seriktestigining qosymsha qúryltayshysy bolyp shyqty. Búl kompaniyanyng esep shotynda jalpy kólemi 6,4 milliard tengeni qúraytyn memlekettik kontrakti bar kórinedi. Onyng iskerlik seriktestikteri Áuezov jәne Almaly audandyq әkimdigininng apparaty, qalalyq әkimdikting ekologiya jәne qorshaghan ortany qorghau basqarmasy sekildi qarjysy mol mekemeler bar. Biyl búl kompaniya Almaty qalasynyng әkimdigimen kelisim boyynsha shahardaghy biraz sayabaqty jóndep, qaltasyn birshama qompitatyn kórinedi.

Bәse deymiz-au, búl kisi nege ekilenip jýr desek, «qambasyna» syimay, aghylyp-tógilip jatqan qarjysynyng jeligi eken ghoy jelpindirip jýrgen! Sirә, kezinde bay kәsipkerding biri – Ravili Muhoryapov degennin: «Oryssha sóilegenge qazaqsha jauap beru – baryp túrghan últshyldyq», – degen sózi qoltyghyna su býrikken sekildi. Demek, bizde sol bayaghy «Auzy qisyq bolsa da, bay balasy sóilesin» degen úran asa kókeytesti dýniyege ainalsa kerek. Olar ne aitsa da múrtyn balta shappaytynyna bek senimdi kórinedi.

Taghy kim tilin qayrap, sózin dayyndap kýtip otyr eken? Sәl shyday túralyq, kóp kýttire qoymas.

Jaybergen Bolatov

Abai.kz