Qazaqstan Respublikasy Premier-Ministrining orynbasary – Syrtqy ister ministri Múrat Núrtileu elimizge resmy saparmen kelgen Koreya Respublikasynyng Syrtqy ister ministri Pak Jinmen ekijaqty kelissózer jýrgizdi.

Taraptar sayasi, sauda-ekonomikalyq jәne mәdeniy-gumanitarlyq salalardaghy Qazaqstan-Ontýstik Koreya yntymaqtastyghynyng jay-kýii men damu perspektivalaryn, sonday-aq kópjaqty formattaghy ózara is-qimyldy talqylady.

QR syrtqy sayasy vedomstvosynyng basshysy M. Núrtileu Koreya Respublikasy Qazaqstannyng Aziyadaghy negizgi әriptesterining biri ekenin atap ótti. «Dostyq pen ózara senimge negizdelgen Ontýstik Koreyamen әriptestikti damytu – elimizding syrtqy sayasatyndaghy manyzdy basymdyqtarynyng biri. Qazaqstanda júmys isteuge niyetti korey kompaniyalary ýshin qolayly jaghday jasaugha biz tolyq dayynbyz», – dedi Ministr.

Óz kezeginde, Ministr Pak Jin Seul eki el arasynda qalyptasqan senimdi qatynastar negizinde korey-qazaq keneytilgen strategiyalyq әriptestigin damytugha niyetti ekenin aitty. Ol Qazaqstanda jýrgizilip jatqan әleumettik-ekonomikalyq reformalar men sayasy ózgeristerdi joghary baghalady. «Biz ekonomikalyq damu salasyndaghy óz tәjiriybemiz negizinde Qazaqstangha qoldau kórsetudi odan әri de jalghastyratyn bolamyz» - dedi Ontýstik Koreya SIM basshysy.

Taraptar eki el arasyndaghy ózara is-qimyldy nyghaytugha, onyng ishinde sauda-ekonomikalyq jәne investisiyalyq yntymaqtastyqty arttyru jolymen ózara mýddelilik bildirdi. 2022 jyldyng qorytyndysy boyynsha 6,1 mlrd AQSh dollaryna jetken ózara tauar ainalymynyng eki ese úlghangy qanaghattanushylyqpen atalyp ótti.

Ontýstik Koreya – Qazaqstandaghy eng iri 10 investordyng biri jәne Aziyada auqymy jaghynan ekinshi sauda seriktesi. QR ekonomikasyna salynghan korey tikeley investisiyalar kólemi 1,5 mlrd AQSh dollaryna jetti. Búl ekijaqty investisiyalyq yntymaqtastyq tarihyndaghy eng ýlken kórsetkish. Qazaqstanda korey biznesining qatysuymen 740 kompaniya tirkelip, 28 iri joba iske asyryldy.

QR-daghy «altyn kópirdey» eki el arasyndaghy dostyqty nyghaytugha yqpal etetin korey diasporasynyng róline erekshe nazar audaryldy. Býgingi tanda Qazaqstanda 119 mynnan astam etnikalyq kәrister túrady.

Sonymen qatar Qazaqstan men Ontýstik Koreyanyng syrtqy sayasy vedomstvolarynyng basshylary kóptegen ónirlik jәne halyqaralyq mәseleler boyynsha elderding úqsas ústanymdarda ekenin, al kópjaqty diplomatiyada ózara qoldau jolgha qoyylghanyn atap ótti.

Eki el azamattarynyng enbek jәne kóshi-qon qúqyqtaryn qamtamasyz etu mәseleleri kelissózderding jeke taqyryby boldy. M. Núrtileu Qazaqstan azamattarynyng Ontýstik Koreyada zandy týrde júmysqa ornalasuyn qamtamasyz etuding manyzdylyghyna, әsirese Qazaqstandy Koreyanyng «Enbekke rúqsat beru jýiesinin» tizimine qosugha nazar audardy.

Taraptar mýddelilik tanytyp otyrghan barlyq mәseleler boyynsha ýzdiksiz jәne dәiekti júmysty jalghastyru ýshin 2023-2024 jyldargha arnalghan Syrtqy ister ministrlikteri arasyndaghy yntymaqtastyq jónindegi ózara týsinistik turaly memorandumgha qol qoydy.

Abai.kz