Resey әskeri Ukraina Qaruly kýshterining qarsy shabuylyn toqtatu ýshin Herson oblysyndaghy Novaya Kahovka qalasynda ornalasqan Kahovka gidrostansiyasyn jaryp jiberdi. Sonyng kesirinen eldi mekenderdi sel basyp jatyr, dep habarlaydy halyq-uni.

Osyghan baylanysty preziydent Vladimir Zelenskiy shúghyl týrde Qauipsizdik kenesin shaqyrdy. Otyrystan keyin ol mәlimdeme jasauy mýmkin.

Kahovka gidroelektr stansiyasyndaghy apat Ukraina Qaruly kýshterining qarsy shabuylyn toqtatqan joq. Jalpy, Resey әskerining is-әreketine tanqalatyn eshtene joq. Resey әskeri Kahovkadaghy GES dambasyn jaryp, ózderi de su astynda qalghan. Aldyn ala mәlimet boyynsha, gidroelektr stansiyasyn RF Qaruly kýshterining 205-motoatqyshtar bólimi jaryp jibergen.

«Ukrgidroenergo» kәsipornynyng habarlauynsha, Kahovka gidroelektr stansiyasy tolyghymen joyylghan. Ony qayta salu mýmkin emes. Al Ukraina Qauipsizdik qyzmeti GES-tegi jarylysqa baylanysty Qylmystyq kodeksting eki baby, yaghny soghystyng erejesi men zandaryn búzu men ekosid boyynsha qylmystyq is qozghady.

Qazir Kahovka gidroelektr stansiyasyndaghy jarylystan keyin Zaporojie atom-elektr stansiyasyna da qauip tónip túr.

Abai.kz