Shyghys Qazaqstan oblysy Ridder qalasyndaghy jalghyz qazaq mektebi – «Shanyraqqa» qúlyp salyndy. Atalghan bilim oshaghynda bilim alatyn oqushylardyng bәri uaqytsha basqa mektepke auystyryldy.

Jergilikti túrghyndar búghan deyin ghimarattyng shatyry kez kelgen uaqytta qúlauy mýmkin ekenin aityp dabyl qaqqan. Týrkistan qalasynda ótken biylghy bilim salasy qyzmetkerlerining respublikalyq tamyz kenesinde sóz sóilegen QR Mәjilis deputaty Qazybek Isa búl turaly: «Ridderdegi jalpy 16 mektepting 1-eui ghana qazaqsha, 12-si oryssha, 3-eui aralas mektep. Qazaq elinde qazaq mektebi 20 jyldan beri jana ghimarat súrap zarlap keledi. Ridderde qazaqsha mektep jetispeytindikten, qazaq balalaryna diskriminasiya jasalyp, oqugha eshqanday jaghday jasalmay, zardap shegude», – degen edi.

Sonday-aq, deputat 2008 jyly «Shanyraq» qazaq mektebin salugha jer telimin bólu turaly qauly shyqqanda mektepting apattyq mektep ekeni turaly ekspert saraptamasy da, tiptik emes mektepte otyrghany turaly da qújattar bolghanyn, biraq 2019 jyly búl saraptamany da basqa qújattardy da mekteptegi jinalysta Ridder qalasy bilim beru bólimi basshysy Dәulet Iliyasov óz qolymen alyp ketip, joq qylghanyn, sodan keyin 2019 jyly jana qauly shygharghanda №6 yqshamaudanda salynatyn mektep qújaty qazaq mektebi emes, aralas mektep bolyp búrmalanyp ketkenin aitqan.

ShQO Bilim basqarmasynyng basshysy IYnessa Chernysheva bolsa: «Bizde mektepting apatty jaghdayda emestigin rastaytyn sarapshy qorytyndysy bar», – deydi. Alayda, onyng sózinshe, irgetas pen jylu jýiesine qatysty ghimaratqa tolyq jóndeu júmystary qajet eken. Balalardy basqa mektepke auystyrudyng bar sebebi sol-mys.

Chernyshevanyng sózine sensek, «Shanyraqtyn» oqushylary «Jayly mektep» baghdarlamasy boyynsha janadan mektep salynghansha №11 mektepte bilimin jalghastyrady. Jospar boyynsha, ol 2024 jyly qoldanysqa berilui kerek. Degenmen paydalanugha beru merzimi sozyluy da mýmkin.

Ridderdegi 550-dey qazaq balasy oqityn jalghyz qazaq mektebi ótken ghasyrdyng basynda, 1936 jyly jәne 1952 jyly salynghan.

Qazir qalada 60 myngha juyq adam túrady. Halyqtyng 80 payyzy – orys últynyng ókilderi. Sol sebepti, halyqaralyq «Qazaq tili» qoghamynyng hatshysy Qúralay Saldyqovanyng aituynsha, Ridderding qazaqtary ózderin diaspora sanaydy.

Abai.kz