"Qazir alym mólsherin arzandatu qarastyrylyp jatqan joq. Sheteldik avtokólikterdi tirkeu kezinde alynatyn tólem boyynsha tiyisti sharalar tehnikalyq reglament talaptaryna say kelmeytin kólik qúraldaryn әkeludi shekteu ýshin ghana emes, otandyq avtoóndiristi damytugha qarjy jiberu maqsatynda engizildi", – degen ministrlik Astanadaghy utilizasiya alymyna qarsy adamdarmen kezdesu qorytyndysy jónindegi habarlamasynda.
Ministrlik alym boyynsha qabyldanghan sharalar otandyq avtokólik óndirisi men qaldyqtardy basqaru jónindegi ishki infraqúrylymda bәsekeni jaqsartudy kózdeydi deydi.
"Atalghan mәselelerge tiyisti memlekettik organdardy tarta otyryp, barlyq kerek qújatty kórsetip sheshu kerek", – degen ministrlik.
QazTAG 4 nauryzda týrli ónirden jinalghan bir top adam utilizasiya alymyn joidy talap etip Astanagha barghanyn habarlady. Narazy top Ónerkәsip jәne qúrylys ministrligi ókilderimen kezdesuge, olargha óz úsynystaryn aityp, alghashqy tirkeu kezindegi tólem jәne utilizasiya alymyn joi talabyn jetkizuge niyetti ekenin mәlimdedi. Olardyng sózinshe, 2016 jyly Qazaqstanda alghashqy tirkeu kezindegi tólem engizilgen song kólikterding ortasha paydalanu merzimi 20 jyldan 24 jylgha deyin ósken.
2024 jyldyng basynan beri Qazaqstannyng birneshe ónirinde utilizasiya alymyn arzandatudy talap etkender preziydent Qasym-Jomart Toqaevqa ýndeu jasady. Aqpan aiynda Oral qalasynda shamamen 70 adam halyqqa qyzmet kórsetu ortalyghy manyna jinalyp, utilizasiya alymyn 200 myng tengege deyin azaytudy talap etti. Oghan deyin Aqtóbede ýsh jýzdey adam shetelden әkelingen kólikterding alghashqy tirkeuine tólenetin aqsha mólsherin jәne utilizasiya alymyn azaytudy talap etip, biylikting kelisimi boyynsha miting ótkizdi.
2015 jyly Qazaqstanda janadan qúrylghan "Operator ROP" kompaniyasy jaramsyz kólikterding bólshekteri men mayyn óndegeni ýshin ústalatyn utilizasiya alymynan payda tapqan. BAQ pen belsendiler búl kompaniyagha eks-preziydent Núrsúltan Nazarbaevtyng qyzy Áliya Nazarbaevanyng qatysy bar dep aitqan. 2020 jyldyng basyndaghy derek boyynsha, ýsh jylda "Operator ROP" JShS shotyna 220 milliard tenge týsken. Qantar oqighasynan keyin preziydent Toqaev "Operator ROP" kompaniyasynyng júmysyn toqtatudy búiyrdy. Artynsha onyng atqaryp kelgen mindeti "Jasyl damu" kompaniyasyna ótti.
2022 jyly belsendilerding kóptegen narazylyq aksiyasynan keyin biylik utilizasiya alymyn eki ese azaytqan, biraq narazylar ol sheshimdi synaghan. Belsendiler utilizasiya alymynyng mólsheri әli joghary jәne ony jinau mehanizminde ashyqtyq joq deydi.
2023 jyly Astana soty "Operator ROP" kompaniyasynyng búrynghy basshylary men búrynghy ekologiya ministrining orynbasaryn 7 jylgha deyingi merzimge bostandyghynan aiyrugha ýkim shygharghan.
Bes jyl ishinde "Operator ROP" 700 mlrd tenge (1,5 mlrd dollar) jinaghan.
Derekkózi: centralasian.org
Abai.kz
