Sifrlyq damu, innovasiyalar jәne aerogharysh ónerkәsibi ministrligine jana basshy taghayyndaldy. Osyghan deyin vedomstvany basqarghan Baghdat Musinning lauazymdyq qyzmetin endi Mәdiyev Jaslan atqaratyn bolady.

«Memleket basshysynyng Jarlyghymen Jaslan Hasenúly Mәdiyev Qazaqstan Respublikasynyng Sifrlyq damu, innovasiyalar jәne aerogharysh ónerkәsibi ministri lauazymyna taghayyndaldy», – delingen Aqorda taratqan habarlamada.

Jana ministr turaly ne belgili?

Jaslan Mәdiyev 1983 jyly Almaty qalasynda dýniyege kelgen. Ál-Faraby atyndaghy Qazaq últtyq uniyversiytetin, Kolumbiya uniyversiytetin, Massachusets tehnologiyalyq institutyn tәmamdaghan.  Enbek jolyn 2004 jyly «Aliyans Bank» AQ Halyqaralyq qatynastar departamentining Halyqaralyq qarjy instituttarymen júmys basqarmasynyng mamany bolyp bastaghan.

2007-2008 jyldary — «Qazyna» túraqty damu qory» AQ korporativtik qarjylandyru departamentining bas menedjeri.

2008 jyly Qazaqstan Respublikasy Preziydenti Ákimshiligining Strategiyalyq taldau jәne zertteuler ortalyghynda, «Samúryq-Qazyna» últtyq әl-auqat qory» AQ-da júmys istedi.

2009-2010 jyldary — KAZYNA CAPITAL MANAGEMENT AQ basqarma tóraghasynyng orynbasary. 2010-2014 jyldary — «Qazaqstannyng damu banki» AQ basqarushy diyrektory-mýshesi, basqarma tóraghasynyng orynbasary.

2014-2015 jyldary QR Últtyq bankining qúrylymynda basshylyq lauazymdardy atqardy.

2017-2018 jyldary — «Qazaqstan temir joly» últtyq kompaniyasy» AQ viyse-preziydentining mindetin atqarushy, qarjy jónindegi viyse-preziydenti.

2018 jyly «Qazaqstan temir joly» últtyq kompaniyasy» AQ qarjy jónindegi basqarma tóraghasy bolyp taghayyndaldy.

2019-2020 jyldary — Qazaqstan Respublikasynyng últtyq ekonomika viyse-ministri.

2020 jylghy qazannan bastap qazirgi tangha deyin Qazaqstan Respublikasynyng Strategiyalyq josparlau jәne reformalar jónindegi agenttigi tóraghasynyng orynbasary qyzmetin atqardy.

2022 jyly qantarda sifrlyq damu, innovasiyalar jәne aerogharysh ónerkәsibi birinshi viyse-ministri bolyp taghayyndalghan.

Eske salsaq, 30-sәuirde Preziydent osy uaqytqa deyin Sifrlyq damu ministrligin basqarghan Baghdat Musindi qyzmetinen bosatqan bolatyn.

Abai.kz