Aqordada Preziydent Qasym-Jomart Toqaev pen Astanagha júmys saparymen kelgen Niyderland Premier-ministri Mark Rutte kezdesti, dep habarlaydy Abai.kz.

Kezdesu barysynda sayasi, ekonomikalyq jәne mәdeniy-gumanitarlyq salalardaghy yqpaldastyqty keneytu perspektivalary qarastyryldy.

– Ózinizben 2015 jyly kezdesken edik. Sol jýzdesudi erekshe yqylaspen eske alamyn. Sizding ózara tiyimdi yntymaqtastyghymyzdy damytugha qosqan ýlesinizdi joghary baghalaymyz. Siz basqa әriptesterinizge qaraghanda Premier-ministr lauazymyn úzaq uaqyt atqaryp kelesiz jәne halyqaralyq dengeydegi tәjiriybeniz orasan zor. Sonday-aq ekijaqty yntymaqtastyqtyng qarqyndy damyp kele jatqanyn atap ótkim keledi. Niyderland – Qazaqstan ekonomikasynyng eng iri investory. Elimizge qúiylghan tikeley investisiya 120 milliard dollardan asty. Elderimiz birlesken auqymdy jobalardy jýzege asyryp jatyr, – dedi Memleket basshysy.

Qasym-Jomart Toqaev búl is sapardyng Astana men Amsterdam arasyndaghy sauda-ekonomikalyq qarym-qatynasty damytugha tyng serpin beretinin atap ótti.

Mark Rutte de ekijaqty seriktestik dengeyin joghary baghalap, Qazaqstan men Niyderlandtyng yqpaldastyghyn odan әri jandandyru qajet ekenin aitty.

– Men Astanada alghash ret 2010 jyly boldym. Búl mening jana Premier-ministr retinde Europa Odaghynan tysqary jerge jasaghan alghashqy saparym edi. Sodan keyin 2015 jyly saparmen keldim. Sol kezde jýrgizgen kelissózderimiz әli esimde. Ekijaqty baylanystarymyzdyng qarqyndy damyp kele jatqany meni әrqashan tanghaldyrady. Qazaqstannyng ónirlik jәne halyqaralyq kýn tәrtibindegi tengerimdi ústanymyna airyqsha qúrmetpen qaraymyn. Sonymen qatar elinizdi jana dengeyge kóteru ýshin atqaryp jatqan isinizdi joghary baghalaymyn. Biz auyl sharuashylyghy, jasyl energetika jәne su resurstaryn basqaru salalaryndaghy iydeyalar men әzirlemelerimizdi bólisuge dayynbyz, – dedi Niyderland Ýkimetining basshysy.

Kelissóz barysynda sauda- ekonomikalyq, energetikalyq jәne investisiyalyq yntymaqtastyqty, sonday-aq kólik, innovasiya, atom energetikasy, auyl sharuashylyghy, densaulyq saqtau, klimat, su resurstaryn basqaru salalaryndaghy baylanystardy nyghaytu joldary egjey-tegjeyli talqylandy.

Suret: aqorda.kz

Abai.kz