Qaza turaly, apat turaly, ólim turaly jazbaq auyr. Aqtaudaghy shetin oqigha jayly býkil әlem júrty habardar boldy. Nesheme otbasy qayghy arqalady. Áueli qazaly, azaly otbasylargha kónil aitu paryzymyz… Adamnan aiyrylu kim-kimge bolmasyn zildey auyr ghoy…

Apattyng sebebine qatysty týrli pikir, týrli boljamdar aityluda…

Resmi:

1) Úshaqta 67 adam bolghan. 62-si jolaushy. 5-eui ekipaj.

2) Ázerbayjannan 37 adam bolghan. 23-i qaza tauyp, 14-i tiri qalghan.

3) Reseyden 16 adam bolghan. 7-si qaza tauyp, 9-y aman qalghan.

4) Qazaqstannan 6 adam bolghan. Týgeli qaza tapty.

5) Qyrghyzstannan 3 adam bolghan. Barlyghy aman.

6) Ekipajdyng 5 mýshesining 3-eui tiri qalghan.

Bakuden Groznyigha úshqan úshaq, Groznyigha qona almay, keri ainalyp, Qazaqstannyng әue kenistigine 11:00-de rúqsat alyp kirgen. 11:28-de úshaqpen baylanys joghalyp, 11:39-da úshaq qúlaghan.

Qazaqstan úshaq apatynyng sebebin anyqtau ýshin komissiya qúrghan. Ázerbayjangha qajetti kómek kórsetiletinin aitty. Sonymen qatar: Qazaqstangha shetelderden sala mamandary kelip jatyr. Qara jәshik tabylghan. Ondaghy aqparat biraz jaydy anyqtaugha jәrdem bolmaq. Onda úshqyshtardyng aqyrghy sәttegi әngimeleri taspalanghan. Sony tyndap, úshaq apatyna ne sebep bolghany jayly týsinik qalyptastyrugha bolar…

Qazaqstan 6 adamnan aiyryldy. Et-jaqynynan aiyrylghan әrbir otbasygha qayghyra kónil aitamyz. Tas týsken jerine auyr. Olardyng qazirgi jaghdayyn sózben sipattau mýmkin emes.

Bizding Enbek ministrligi qajetti materialdyq kómekter kórsetiletinin aitypty. Apat aityp kelmeydi. Qaza súrap kelmeydi. Dese de, marqúmdardyng otbasylaryna kerekti kómek kórsetilui dúrys.

Osy tústa: Qazaqstannyng sergek sanaly azamattarynyng kenjýrektigin erekshe atap ótu kerek. Úshaq qúlaghanda aldymen baryp, tiri qalghandargha arashashy bolghan qarapayym júmysshylar boldy. Aman qalyp, jan ýshin jantalasyp jatqandargha qan kerek bolar dep erikti týrde qan tapsyryp jatqan júrttyng isi de qoghamnyng jauapkershiligi men oyaulyghyn, sanalylyghyn kórsetti.

Anaday alyp-ghúlyl janyp jatqan úshaqtan osynsha adamnyng tiri qaluyna úshqyshtardyng kәsibiyligin basty sebep etsek, oqigha ornyda edel-jedel jetip, jәrdem jasaghan qarapayym júmysshylardyn, qútqarushylar men sala mamandarynyng da ýlesi bir kem emes!

Jogharyda aitqanymday: Úshaq apatyna qatysty boljam kóp. Sonyng biri - Resey әue qorghanys jýiesining (PVO) qate júmysy boluy mýmkin degen núsqa. Yaghni, Resey PVO-sy úshaqty soqshylaushy dronmen shatastyryp, atqylauy mýmkin degen núsqa. Qúlaghan úshaqtyng artqy bólikterindegi shúryq-tesikter PVO izine úqsaydy deydi. Búl núsqany tipti, Reseyding z blogerleri de aityp jatyr. Resey SIM-ning resmy ókili Mariya Zaharova da atalghan núsqagha qatysty pikir bildirgen.

Onyng ýstine dәl sol uaqytta Sheshenstan soqqylaushy drondarmen alysyp jatqan. Sóite túra, әue kenistigin jappaghan. Al úshaqta bolghan jolaushylardvng biri jarylys dausy estilgenin aitqan. Sondyqtan, úshaq úshqyshtary eng qauipsiz nýkte retinde Kaspiyding bergi betindegi Aqtaugha qaray qashqan.

Resmy núsqada úshaqtyng top bop úshqan qústargha soghyluyn basty sebep dep ataydy. Dese de, sarapshylar úshaq qústargha soghylghannyng ózinde búl shtattyq jaghday sanalatynyn aitady.

Keshe Euronews telearnasy atalghan apatty tergeuge qatysty resmy derekkózderden reysting mejeli jeri - Reseyding Groznyy qalasyna jaqyndaghan kezde aman qalghan jolaushylar jarylys dybysyn estigenin jәne onyng artynan úshaqtyng fuzelyajyna zaqym keltirgen synyq synyqtaryn estigenin habarlady.

Euronews alghan aqparat Ázerbayjanda ornalasqan AnewZ halyqaralyq janalyqtar arnasynyng janalyqtar reportajyna sәikes keledi, olar reseylik әskery blogerding sózine negizdelip otyrghany anyq, ol «úshaqtyng zaqymdanuy abaysyzda әue qorghanys zymyran jýiesimen soqtyghysuy mýmkin degen boljam jasaydy» delingen aqparatta. Taghy bir aqparatta apatqa úshyraghan úshaqty Resey әue qorghanys kýshteri dronmen shatastyryp, atyp týsirgen boluy mýmkin degen boljam aituda.

Áriyne, búl aitylghandar dolbar men boljamdar ghana. Úshaq apatyna Resey kinәli dep kesip-piship aita almaymyz. Maman emespiz. Onyng ýstine. Halyqaralyq sarapshylar men tergeu komissiyasy óz tújyrymdaryn jasaydy. Qara jәshikting qoyasy aqtarylady. Kýtu kerek.

Dese de, Resey soghysyp jatqan memleket. Bizdiki saqtyq ýshin. Resey әue kenistigi qauipsiz emes. Qanghyp úshqan oq kóp. Alda-jalda ne bolyp, ne qoymas. Sondyqtan, soghys toqtaghansha Reseyge úshaq úshyrudy toqtata túru jón-aq…

Núrgeldi Ábdighaniyúly

Abai.kz