Reuters agenttigi derekkózge sýiene otyryp, Resey AQSh-qa Ukrainada atysty toqtatu boyynsha kelissózdi bastamay túryp, oryndaluy tiyis sharttardy tapsyrdy dep habarlady.

Derekkózderding aituynsha, reseylik úsynystardyng búghan deyin Mәskeu aitqan talaptardan aiyrmashylyghy joq. Olardyng arasynda Ukrainanyng NATO-gha úmtylmauy, Resey basyp alghan Ukraina jerin “orys jeri” dep tanu, Ukrainada shetel әskerin ornalastyrmau siyaqty sharttar bar.

11 nauryzda Saud Arabiyasynda AQSh ókilderimen kelissóz kezinde Ukraina atysty 30 kýnge toqtatugha kelisken. Resey jaghy búl úsynystargha jauap bermedi.

AQSh memlekettik hatshysy Marko Rubio Kremli kelisken jaghdayda atysty toqtatu turaly kelisimge birneshe kýn ishinde qol qoyyluy mýmkin ekenin aitqan. Vashington “Ýlken jetiliktin” basqa elderimen beybit kelissóz kezinde ózara әrekettesuge niyet bildirgen. Búl topqa AQSh-tyng ózinen bólek, Úlybritaniya, Germaniya, Italiya, Kanada, Fransiya jәne Japoniya kirmek. Olardyng barlyghy Resey basqynshylyghy kezinde Ukrainany qoldaghan.

Derekkózi: Azattyq radiosy

Abai.kz