Oblys ortalyghy – Qonaev qalasynda Memlekettik Tudy kóteru rәsimi jәne saltanatty jiyn úiymdastyryldy. Keshkisin merekelik konsert kórsetilip, shara tanghajayyp drondar shouynyng kórsetilimimen týiindelip, óz mәresine jetti.

Respublika kýni Almaty oblysynda әdettegi qalyptasqan dәstýr boyynsha auqymdy әri saltanatty týrde atalyp ótti. Ónirding barlyq audan, qalalarynda myndaghan túrghyndy el rәmizderi astynda biriktirgen Qazaqstannyng tәuelsizdigi men birligining nyshany bolyp tabylatyn Memlekettik Tudy kóteru rәsimderi ótkizildi.

Basty merekelik is-shara Almaty oblysynyng ortalyghy – Qonaev qalasynda úiymdastyryldy. Saltanatty sharada Qúrmet qarauylynyng qatysuymen, Qazaqstannyng halyq әrtisi Talghat Kýzembaevtyng oryndauynda qala aspanynda Qazaqstan Respublikasynyng Memlekettik Ánúrany әueley shyrqaldy. Dәl osy sәtte ortalyq alanda Memlekettik Shtandart kókke kóterildi.

Saltanatty sәtten song ótkizilgen merekelik jiynda oblys әkimi Marat Súltanghaziyev jinalghan qauymdy Respublika kýnimen qúttyqtady.

«1990 jyldyng 25 qazanynda Memlekettik egemendik turaly Deklarasiya qabyldandy. Dәl osy kýnnen elimizding tәuelsizdikke aparar joly bastau aldy. Búl kýn barsha qazaqstandyqtardy biriktirip, azattyq pen memlekettilikting nyshanyna ainaldy», – dedi óz sózinde ónir basshysy.

Marat Súltanghaziyev oblystyng әleumettik-ekonomikalyq damuyna jәne el iygiligine ýles qosqan oblys túrghyndaryna memlekettik nagradalardy tabys etti. Sonday-aq, shara barysynda Qazaqstan halqy Assambleyasynyng nagradalary da óz iyelerine tapsyryldy.

Saltanatty rәsim kezinde «Elitstroy» kompaniyasy Qazaqstannyng halyq әrtisi, «Aqjauyn» orkestrining kórkemdik jetekshisi Seken Túrysbekke pәter kiltin tabystady. Atalmysh syy - óner iyesining últtyq mәdeniyetti damytugha qosqan zor enbegining joghary baghalanghandyghynyng belgisi.

Merekening sharyqtau shegi - ortalyq alanda ótken otandyq estrada júldyzdarynyng qatysuymen úiymdastyrylghan konsert boldy. Konsert sonynda Almaty oblysynda alghash ret tanghajayyp merekelik drondar shouy halyq nazaryna úsynyldy. Jýzdegen dron Qonaev aspanyna kóterilip, týrli-týsti jaryqtarmen Qazaqstannyng rәmizderi men merekelik beynelerdi beynelep, kórermender ýshin merekelik keshting kózayym kórinisine ainaldy.

Abai.kz