Qaraghandy oblysynda jasandy intellekt tehnologiyalary joldardaghy aqaulardy anyqtaugha, kólik keptelisin azaytugha jәne qyzmet kórsetu salasynda tiyimdilikti arttyrugha kómektesude. Búl turaly oblys әkimi Ermaghanbet Bólekpaev Preziydent janyndaghy Ortalyq kommunikasiyalar qyzmetinde ótken brifingte aitty.

– Bizding ónir IT salasyndaghy bazasy myqty jәne búl baghytta naqty nәtiyjeler kórsetip keledi. JoLScan atty pilottyq joba iske qosyldy. Ol jedel jәrdem kólikterining kameralarynan alynghan derekter arqyly jol jabynyndaghy aqaulardy anyqtaugha mýmkindik beredi. Sonymen qatar, «Yandeks» kompaniyasymen birlesip «aqyldy baghdarshamdar» jýiesin engizdik – jýrgizushilerge baghdarshamnyng auysu uaqyty turaly aqparat naqty uaqyt rejiyminde beriledi. Al aqyldy avtotúraq jýiesi beynebaqylau men jasandy intellektti biriktirip, bos oryndardy onlayn kórsetedi, – dedi aimaq basshysy.

Ákim bir startapty mysal retinde keltirdi. Joba 200 myng AQSh dollary kóleminde investisiya tartqan. Ol dәmhanalar men meyramhanalargha arnalghan avtomattandyrylghan baqylau jýiesin úsynady, búl qyzmet sapasyn arttyrugha, qyzmetkerlerdi yntalandyrugha jәne ortasha chek kólemin úlghaytugha mýmkindik beredi.

Ermaghanbet Bólekpaevtyng aituynsha, ónirde IT-kompaniyalardan týsetin salyq kólemi jyl sayyn 35 payyzgha ósip keledi.

Abai.kz