El preziydenti Toqaev AQSh-qa saparynda Ukraina basshysy Vladimir Zelenskiymen manyzdy kelissóz jýrgizgen bolatyn. Memleket basshysy Astananyng soghystan keyingi Ukrainany qalpyna keltiruge әzir ekenin, qazaqstandyq biznesting Ukrainany qalpyna keltiru júmysyna qatysugha niyetti ekenin jetkizip, әlsirep qalghan ekonomikalyq baylanystardy qalpyna keltirudi úsynghan.

Qarashanyng sonyndaghy KQJ jasalghan shabuyldan keyin eki el arasyndaghy ekonomikalyq búrynghy әriptestik qalpyna keluding ornyna keri ketkendey kóringen.

QR SIM ókili Aybek Smadiyarovtyng aituynsha, QR SIM basshysy Ermek Kósherbaev Venagha jasaghan sapary barysynda Ukrainalyq әriptesimen sóilesken.

«Ári qaray biz búl mәsele boyynsha pikir bildirmeymiz. Ukrainamen balanystamyz. Jabyq diplomatiyalyq arnalar arqyly júmys jýrgizemiz. Qazir elshiler dengeyinde talqylaular jasap jatyrmyz», — deydi SIM.

Ukrainanyng songhy uaqytta Reseyding strategiyalyq manyzy bar energeikalyq nysandaryna shabuyldy ýdetkeni belgili. KQJ-ne jasalghan shabuyl da sol qatarda. Dese de Kiyev Qazaqstannyng Reseymen sauda-sattyqta saqtyqqa kóshkenin dúrys baghalap otyrghanday. Atap aitqanda elimizde shekteuge ilingen tauarlardyng Reseyge qayta eksporttaluyna tosqauyl qoyatyn baqylaudyng jana erejesi engizilgen. Jýie keminde bir jyl boyy qoldanysta bolady, dep jazady BAQ.

Jana erejege sәikes sanksiya tizimindegi jәne qos maqsatta qoldanylatyn tauarlardy eksporttau ýshin endigi jerde mindetti liysenziya alu talap etiledi.

Sonday-aq, Euroodaq, AQSh jәne Úlybritaniyadan әkelingen tauargha qatang baqylau ornatylady. Búdan bylay múnday ónimderding TMD aumaghyna, әsirese Reseyge qayta eksporttaluyna tyiym salynady.

«Qazaqstan sanksiyagha resmy qosylmasa da «qara tizimdegi» tauardyng tranziytine qarsy kýres mәselesinde Batystyng sózin sóileytinin anghartty. Astana Mәskeuding qorghanys-ónerkәsip keshenine auaday qajet tauarlargha qoljetimdilikti birtindep shekteuge dayyn ekenin kórsetip otyr», — dep tújyrymdaghan Kiyev tarapy.

Ukraina syrtqy barlau qyzmetining payymdauynsha, Qazaqstan osylaysha Batys elderi men Resey arasynda tepe-tendik saqtay otyryp, orystardyng sanksiyany ainalyp ótu tәsilderin barynsha taryltugha kirisken.

Abai.kz