Búrynghy Preziydent Ákimshiligi basshysynyng orynbasary Erbolat Dosaev «Samúryq-Qazyna» últtyq әl-auqat qory diyrektorlar kenesining qúramynan shygharyldy. Búl turaly Qarjylyq eseptilik depozitariyining saytynda jariyalanghan mәlimetke sәikes belgili boldy.

Qújatqa sәikes, qordyng basqaru organynyng qúramyn ózgertu turaly sheshimdi 2026 jylghy 25 nauryzda jalghyz aksioner qabyldady.

Osyghan baylanysty Erbolat Dosaev diyrektorlar kenesining qúramynan shygharyldy.

Qazirgi uaqytta qordyng diyrektorlar kenesining qúramyna alty adam kiredi. Olar: Oljas Bektenov, Bolat Jәmishev, Luka Sutera, Vong Hen Fayn, Núrlan Jaqypov jәne Múhammed Jәmil әl Ramahiy.

Eske sala keteyik, Erbolat Dosaev 2025 jyldyng jeltoqsanynda atalghan qordyng diyrektorlar kenesining mýshesi bolyp taghayyndalghan edi.

25 nauryzda Memleket basshysy Qasym-Jomart Toqaev Erbolat Dosaevty Preziydent Ákimshiligi basshysynyng orynbasary qyzmetinen bosatty. Búl lauazymgha ol 2025 jylghy 19 qyrkýiekte taghayyndalghan bolatyn.

Búghan deyin ol 2022 jylghy qantardan bastap Almaty qalasynyng әkimi qyzmetin atqardy. 2019–2022 jyldary Qazaqstan Últtyq bankining tóraghasy boldy. Al 2017–2019 jyldary Premier-Ministrding orynbasary qyzmetin atqardy.

Sonday-aq әr jyldary últtyq ekonomika ministri (2014–2016), Ekonomika jәne budjettik josparlau ministri (2013–2014), Ekonomikalyq damu jәne sauda ministri (2012–2013), Densaulyq saqtau ministri (2004–2006), Qarjy ministri (2003–2004) qyzmetterin atqardy.

2016–2017 jyldary «Bәiterek» últtyq basqarushy holdingin basqardy. Sonymen qatar 2001–2002 jyldary Tabighy monopoliyalardy retteu jәne bәsekelestikti qorghau agenttigining tóraghasy boldy.

Abai.kz