Qazaqstanda 330 milliardan astam sifrlyq tenge ainalymgha shyqty. Búl sifrlyq tengeler memlekettik satyp alular kezinde, auyl sharuashylyghy salasynda subsidiya beru barysynda jәne taghy basqa birqatar pilotyq joba ayasynda qoldanylghan. Sifrlyq tengeni engizudegi janashyldyqtar jayynda QR Últtyq banki Aqparat jәne kommunikasiyalar departamentining diyrektory Asan Ahmetjan “24KZ” telearnasyndaghy “TÝIIN” baghdarlamasyna bergen súhbatynda aitty.

“Osy kýnge deyin naryqqa, ekonomikamyzgha ainalymgha shyqqan sifrlyq tengening kólemin aitar bolsaq, 330 milliardan astam sifrlyq tenge ainalymgha shyqty. Sifrlyq tenge búl - birinshiden, memleket tarapynan bólinetin qarajattyng maqsatty júmsaluyn jýzege asyrugha zor mýmkindikter beredi. Taghy bir artyqshylyghy - birqatar qúqyqbúzushylyqtardy, alayaqtyq әreketterding aldyn alugha mýmkindik beredi”, - dedi Asan Ahmetjan.

Baghdarlama qonaghy sifrlyq tenge qoldanylghan naqty jobalardy mysalgha keltirdi. Dostyq-Moyynty temir jolynyng qúrylysy, Aqmola oblysynda diqandargha subsiyadiya bólu barysynda sifrlyq tenge qoldanylghan. Sifrlyq tengening basty artyqshylyghy - onyng qay maqsatqa júmsalatynyn baghdarlamalaugha bolady.

“Sifrlyq tengeni baghdarlamalaghan kezde, mysaly, jol qúrylysyna bólingen qarajatty merdiger kompaniya osy joldy salugha qajetti materialdardy, qyzmetterdi satyp alugha, basqa da shyghyndaryna júmsay alady. Biraq, odan tys paydalanugha, shetelge audarugha mýmkindik bolmaydy. Sol siyaqty, diqandardyng qyzmetinde de. Mysaly ol subsidiya tynaytqysh satyp alugha bólindi me, ol aqshany tek qana tynaytqysh satyp alugha júmsay alady. Subsidiyany alyp ózine jana kólik satyp ala almaydy, pәter satyp ala almaydy degen siyaqty mehanizmderi bar”, - dedi Últtyq bank ókili.

BAGhDARLAMANYNG TOLYQ NÚSQASY:

https://youtu.be/MAps7nctT7I?si=8yGt2I6hBEmdQlp4

Abai.kz