Balqashta Balkhash Tour Fest-2026 festivali men Halyqaralyq volontyorler jylyna oray úiymdastyrylghan Halyqaralyq eriktiler forumy ótude. 

Balqash kólining jaghalauyndaghy auqymdy is-shara Qazaqstan, Týrkiya, Ýndistan, Ázerbayjan, Qyrghyzstan, Týrikmenstan jәne Ózbekstannan kelgen jastardyng basyn qosty.

Kól jaghalauynda Balqash ónirining biregey tabighatyn beyneleytin jana kórneki nysan – «Balqash jolbarystary» payda boldy. Mýsindik kompozisiya bir kezderi Balqash manyn mekendegen Túran jolbarysyn eske salady.

Jyrtqyshtyng populyasiyasyn qayta qalpyna keltiru maqsatynda halyqaralyq baghdarlama shamamen on jyldan beri jýzege asyrylyp keledi.

Forum qatysushylarymen Qaraghandy oblysynyng әkimi Ermaghanbet Bólekpaev kezdesip, beyresmy jaghdayda pikir almasty.

– Búl halyqaralyq forum yntymaqtastyqty nyghaytugha, túraqty damugha jәne býkil әlem ýshin qúndy sanalatyn tabighy múrany saqtaugha degen ortaq ústanymymyzdy aiqyn kórsetedi. Kezdesuding manyzyn «Taza Qazaqstan» jalpyúlttyq bastamasymen sabaqtastyghy odan әri arttyra týsedi. Qasym-Jomart Toqaev birneshe ret atap ótkendey, «Taza Qazaqstan» – búl aumaqtardy bir rettik tazalau nauqany emes, qorshaghan ortagha, qoghamdyq kenistikterge jәne tughan jerge janashyrlyqpen qaraugha negizdelgen jana mәdeniyet pen ómir saltyn qalyptastyrugha baghyttalghan bastama. Qaraghandy oblysy búl baghdarlamagha belsendi qatysuda. Býgingi kýnge deyin 113 mynnan astam jas pen volontyordi qamtyghan 176 ekologiyalyq aksiya úiymdastyryldy, – dedi ónir basshysy.

Forum baghdarlamasy mazmúndy әri auqymdy. Ekologiyalyq bastamalardan bólek, pikirtalastar men tanymdyq interaktivti is-sharalar úiymdastyrylady.

Qatysushylar qorshaghan ortany qorghau jәne túraqty damu salasyndaghy bilgen-týigenderimen, tyng iydeyalarymen jәne ýzdik tәjiriybelerimen bólisedi.

– Bizding elimizde volonterlik qozghalys jaqsy damyghan. Qazaqstanda ótip jatqan halyqaralyq forumgha alghash ret qatysyp otyrmyz. Óz tәjiriybemizben bólisip, ózge elderding ozyq tәjiriybesin ýirengimiz keledi. Múnda kóptegen jana dýniyelermen tanystyq. Ásirese Týrkiyadan kelgen eriktilerding tagham qaldyqtaryn kәdege jaratugha baghyttalghan jobasy qyzyghushylyq tudyrdy. Múnday kezdesulerding paydasy zor ekeni sózsiz, – deydi Qyrghyzstan delegasiyasynyng jetekshisi Namyzbek Nurdóólót.

«Taza Qazaqstan» últtyq jobasy ayasynda eriktiler ekologiyalyq aksiyalar ótkizip jatyr. Al erteng olar Tour Fest festivali ótip jatqan Balqash kólining jaghajay aumaghyn tazalap, retke keltiredi.

Abai.kz