Qazaqstan Respublikasy Preziydenti janyndaghy Ortalyq kommunikasiyalar qyzmeti alanynda «Jyldyng 10 oqyrmany» respublikalyq jobasyna arnalghan brifing ótti.

Brifingke QR Mәdeniyet jәne aqparat ministrligi Arhiyv, qújattama jәne kitap isi komiytetining tóraghasy Ayzada Qúrmanova, «Kitap oqityn últ – Chitaishaya nasiya» qoghamdyq qorynyng tóraghasy Baqytjan Túrlybekov, Qazaqstan Jazushylar odaghynyng basqarma tóraghasy әri komissiya tóraghasy Mereke Qúlkenov, Qúryltay deputattary Janarbek Áshimjan men Sergey Ponomarev, Kreativti industriyalardy damytu qorynyng basqarma tóraghasy Erlan Kanalimov jәne Abay atyndaghy Qaraghandy oblystyq balalar kitaphanasynyng oqyrmandargha qyzmet kórsetu bólimining jetekshisi Marina Podgaynova qatysty.

«Jyldyng 10 oqyrmany» jobasy 1 qyrkýiekte kitap oqu marafonymen bastaldy. Joba halyqtyng kitap oqugha degen qyzyghushylyghyn arttyryp, belsendi oqyrman qataryn anyqtaudy kózdeydi.

Byltyr marafon ýsh ónirde pilottyq formatta ótkizilip, oghan 190 myngha juyq adam qatysty. Biyl joba elimizding barlyq ónirin qamtyp otyr.

Qatysushylar jeti sanat boyynsha baq synaydy. Jobagha mektep oqushylary, kolledjding bilim alushylary, joghary oqu oryndarynyng studentteri, pedagogter, ýsh buyn ókilderi bar otbasylar, memlekettik qyzmetshiler jәne ózge de azamattar qatysa alady.

Sayasatkerler men ziyaly qauym ókilderi ýshin «Parasat» jeke baghyty qarastyrylghan. Marafongha qatysu tegin әri erikti negizde jýrgiziledi.

Qatysushylar ýshin otandyq jәne әlem әdebiyetining 345 shygharmasynan túratyn kitaptar tizimi әzirlendi. Ár qatysushy óz sanaty boyynsha 15 kitap oquy tiyis.

Marafon 2027 jyldyng nauryzyna deyin jalghasyp, 195 audan men 87 qalany qamtidy. Oblystyq irikteu qorytyndysynda 4 myngha juyq jýldeger anyqtalady. Al 20 ónirden 200 qatysushy respublikalyq finalgha joldama alady.
Finalda qatysushylar әngimelesuden ótip, kópshilik aldynda sóz sóileydi. Osy kezende olardyng oqyghan shygharmalardy qanshalyqty mengergeni jәne әdeby tuyndylardy talday bilui baghalanady.

Joba qorytyndysynda komissiya elimizding 10 ýzdik oqyrmanyn anyqtaydy. Olardyng әrqaysysyna «Jyl oqyrmany» ataghy berilip, 10 mln tenge kóleminde aqshalay syilyq tabystalady.

Marapattau rәsimi 23 sәuir – Últtyq kitap kýni Respublikalyq oqyrmandar forumy ayasynda ótedi.

Abai.kz