Enbek jәne halyqty әleumettik qorghau ministri Asqarbek Ertaev әleumettik qoldaudy bólu kezinde kiristermen qatar shyghystar da eskeriletinin aitty.

Qúryltay otyrysynda enbek jәne halyqty әleumettik qorghau ministri Asqarbek Ertaev deputat Nataliya Ramazanovanyng Sifrlyq otbasy kartasyn qalyptastyru tetigi turaly qoyghan saualyna jauap bere otyryp, otbasy sanatyn (A, V, S, D jәne E) aiqyndau kezinde býkil otbasy men ýy sharuashylyghyna qatysty derekter jiyntyghy negizge alynatynyn atap ótti.

«Múnda jalaqy nemese mýlik siyaqty tek bir faktor eskerilmeydi. Otbasynyng sifrlyq kartasy memlekettik derekqorlardan ýy sharuashylyghy turaly segiz negizgi baghyt boyynsha 50-den astam kórsetkishke qatysty mәlimet jinaydy. Olardyng qatarynda júmyspen qamtu, kirister, jyljymaly jәne jyljymaytyn mýlik, nesiyelik jýkteme, bilim beru jәne basqa da mәlimetter bar. Ýy sharuashylyghynyng materialdyq jәne әleumettik jaghdayy turaly jalpy mәlimetter negizinde onyng sanaty aiqyndalady», - dep týsindirdi Asqarbek Ertaev.

2027 jylghy 1 qantardan bastap Qazaqstanda әleumettik qoldaudyng jekelegen sharalaryn taghayyndau tәrtibin ózgertu josparlanyp otyr. Tólemderge qúqyqty aiqyndau kezinde otbasynyng әl-auqat dengeyi eskeriledi. Ál-auqaty joghary jәne auqatty otbasylargha jatatyn «A» jәne «V» sanatyndaghy otbasylar múnday qoldau sharalaryna ýmitker bola almaydy.

Sonymen qatar ministr kiristermen qatar shyghystar da eskeriletinin atap ótti. 2027 jylghy 1 qantardan bastap ekinshi dengeyli bankter alushynyng jәne onyng otbasy mýshelerining kelisimimen bank shottary men depozitteri turaly mәlimetterdi úsynady. Jýie ýy sharuashylyghynyng qarjylyq jaghdayyndaghy ózgeristerge jedel den qoyady.

«30 derekqormen yqpaldastyrylghan mәlimetter kýn sayyn janartylyp otyrady, al otbasynyng sanaty ay sayyn aiqyndalady. Mәselen, qazan aiynda “V” sanatynda bolghan otbasy belgili bir tәuekelderge baylanysty jeltoqsan aiynda “S” sanatyna auyssa, oghan memlekettik qoldau sharalary birden, proaktivti týrde taghayyndalady», - dep týiindedi sózin Asqarbek Ertaev.

Abai.kz