Elordada ótip jatqan jýzuden World Aquatics 2026 Álem kubogining finaldyq kezenine qatysushylar Astananyng kórikti jerlerin aralap, qalanyng turistik nysandarymen tanysty. Sportshylar «Bәiterek» monumentin, Tәuelsizdik alanyn, Últtyq muzey jәne erekshe sәuletimen tanymal «Han Shatyr» sauda-oyyn-sauyq ortalyghyn tamashalady.

Biyl Qazaqstanda alghash ret úiymdastyrylyp otyrghan World Aquatics Álem kubogining finaldyq kezenine әlemning 39 elinen sportshylar qatysuda. Sheteldik sportshylardyn, jattyqtyrushylar men jankýierlerding kelui oqighalyq turizmning damuyna serpin berip, qonaqýilerge, kólik, ekskursiya jәne basqa da qyzmet týrlerine súranysty arttyrady.

Sheteldik qonaqtar Astananyng zamanauy sәuletine, qalanyng kórki men abattandyryluyna, qazaqstandyqtardyng qonaqjaylyghyna jәne elimizding bay mәdeny múrasyna erekshe tәnti boldy.

Sonymen qatar sportshylar Qazaqstandy әlemge tanytugha óz ýlesin qosyp keledi. Olar әleumettik jelilerde elimizden alghan әserimen bólisip, sapary turaly jaqyndaryna әngimeleydi. Osylaysha Qazaqstannyng turistik mýmkindikterin halyqaralyq auditoriyagha keninen tanytugha yqpal etedi.

Ayta keteyik, 2026 jyldyng basynda Turizm jәne sport ministrligi alghash ret ónirlerge turister tartugha jәne oqighalyq turizmdi damytugha baghyttalghan iri is-sharalardyng kýntizbesin bekitti. Kýntizbe ayasyndaghy júmystar, aqparattyq sýiemeldeu jәne ónirlermen birlesken is-qimyl is-sharalargha kelushiler sanynyng artuyna yqpal etti.

Atalghan júmystyng ong nәtiyjelerin eskere otyryp, Ministrlik turistik is-sharalar kýntizbesin Qazaqstanda ótetin iri halyqaralyq sport jarystarynyng kestesimen ýilestiru mәselesin qarastyryp jatyr.

Búl bastama sporttyq jarystardy mәdeny jәne turistik is-sharalarmen úshtastyrugha mýmkindik beredi. Nәtiyjesinde sportshylar men sheteldik qonaqtar jarystargha qatysyp, sporttyq bәsekelerdi tamashalap qana qoymay, elimizdegi mәdeny is-sharalargha qatysugha, últtyq dәstýrlerimizben tanysugha jәne Qazaqstannyng kórikti jerlerin aralaugha mýmkindik alady.

Atap aitqanda, 2027 jyly Qazaqstanda sporttyng alty týrinen әlem chempionatyn ótkizu josparlanghan. Astanada ýstel tenniysi men dzudodan, al Almatyda stend atudan әlem chempionattary ótedi. Sonday-aq Astanada qazaq kýresinen, boks pen taekvondodan әlem chempionattaryn ótkizu kózdelgen. Búdan bólek, elimizde UEFA Kongresi ótedi. Búl da halyqaralyq dengeydegi manyzdy oqighalardyng biri bolmaq.

Álemdik dengeydegi sporttyq jarystardy ótkizu elimizde sporttyng damuyna, Qazaqstannyng turistik tartymdylyghyn arttyrugha, halyqaralyq bedelin nyghaytugha jәne qyzmet kórsetu salasynyng órkendeuine de yqpal etedi.

Abai.kz