Qazaqstan BÚÚ Qauipsizdik Kenesinde Tayau Shyghystaghy jaghdaygha qatysty ústanymyn bildirdi.

Qazaqstannyng BÚÚ janyndaghy Túraqty ókili Qayrat Omarov BÚÚ Qauipsizdik Kenesining Tayau Shyghystaghy jaghdaygha, sonyng ishinde Palestina mәselesine arnalghan ashyq pikirtalasynda sóz sóiledi.

Q. Omarov Qazaqstannyng ústanymy sayasiy-diplomatiyalyq retteudi qoldaugha, jaghdaydyng odan әri shiyelenisuine jol bermeuge jәne «eki memleket» sheshimin iske asyrugha negizdelgenin atap ótti. Sonymen qatar ol Niu-York deklarasiyasynyng manyzdylyghyn, beybit túrghyndardy qorghaudy, gumanitarlyq kómekti kedergisiz jetkizudi jәne BÚÚ-nyn, sonyng ishinde BÚÚ-nyng Tayau Shyghystaghy palestinalyq bosqyndargha kómek kórsetu jәne júmystardy úiymdastyru agenttigining (BÚTShBA) ortalyq rólimen Gaza sektoryn qalpyna keltiruding manyzyn basa aitty.

Qazaqstan Gazany túraqtandyru men qalpyna keltiruge, sonyng ishinde azyq-týlik qauipsizdigi men sifrlandyru salalarynda, shtab-pәteri Astanada ornalasqan Azyq-týlik qauipsizdigi jónindegi islam úiymynyng әleuetin paydalana otyryp, praktikalyq ýles qosugha dayyn ekenin rastady.

Búdan bólek, Qazaqstannyng beybitshilik prosesin qoldaudyng qosymsha platformasy retinde Avraam kelisimderine qosylu niyegi bar ekeni atap ótildi.

Qorytyndylay kele, Qazaqstan barlyq taraptardy barynsha ústamdylyq tanytugha, dialog pen diplomatiyagha basymdyq beruge shaqyrdy jәne Tayau Shyghystaghy beybitshilik pen túraqtylyqty qoldau jolynda syndarly ózara is-qimyldy jalghastyrugha dayyn ekenin rastady.

Abai.kz