Jetisu oblysyndaghy «Altynemel» memlekettik últtyq tabighy parkinde ótken «Altynemel – qúlandar mekeni» turistik jәne mәdeni-ekologiyalyq festivaline mynnan astam adam jinaldy.

Qatysushylar qatarynda Úlybritaniya, Ýndistan, Fransiya, Reseyden, sonyng ishinde Yakutiyadan qonaqtar, sonday-aq Astana, Almaty, Taldyqorghan qalalary men Almaty oblysynyng túrghyndary bar. Biyl festivali alghash ret respublikalyq dengeyde úiymdastyryldy. Festivali ayasynda sporttyq jýgiru jarystary, etnomәdeny qoyylymdar, ejelgi petroglifterge ekskursiyalar ótkizilip, qúlandardy tabighy mekeninde tamashalau mýmkindigi jasaldy. Býginde tabighy parktegi qúlandar sany 3500 bastan asqan.

Festivalige oblys әkimining orynbasary Marlen Kólbaev, QR Turizm jәne sport ministrligining ókilderi, travel-blogerler, influnserler, jalpy ekologiyalyq turizmge qyzyghushylar qatysty. Úiymdastyrushylar - «Altynemel» memlekettik últtyq tabighy parki, oblystyq turizm basqarmasy, «Vizit Zhetysu» turistik aqparattyq ortalyghy.

Úiymdastyrushylardyng aituynsha, festivaliding maqsaty – ónirding turistik әleuetin nasihattau.

- Búl festivali – Turizm jәne sport ministrligining iri mәdeniy-turistik is-sharalar kýntizbesine engizilgen ýsh sharanyng biri. Onyng auqymy jyl sayyn keneyip keledi. Negizgi maqsaty – kelushilerdi últtyq parkting biregey tabighy jәne tarihiy-mәdeny múrasymen tanystyru, siyrek kezdesetin januarlardy qorghaugha nazar audaru jәne tabighatty ayalaudyng manyzyn nasihattau. Jalpy, oblys әkimi Beybit Isabaevtyng basshylyghymen ónirde turizmdi damytugha qajetti sharalar qabyldanyp, turistik infraqúrylymdy jetildiruge erekshe kónil bólinude. Sonyng nәtiyjesinde Jetisu oblysyna jyl sayyn 2 milionday turist keledi, – dedi Marlen Kólbaev.

Biyl festivali Sholaq taularynyng bókterinde 5 jәne 10 shaqyrymdyq eko-jaryspen bastaldy. Jarysqa qatysushylar belsendi demalys pen ekologiyalyq mәdeniyetti úshtastyra otyryp, tau landshaftary ayasynda jýgirdi. Jarys jenimpazdary arnayy medalidarmen marapattaldy.

Osy kýni últtyq parktegi vizit ortalyq alanynda dalalyq ruhtaghy mәdeny sharalar kórermen nazaryna úsynyldy. Atap aitqanda, keushiler festivali sahnasynan «Qylysh ainaldyru», «Aybalta shouyn» tamashalap, kóshpelilerding jauyngerlik dәstýri kópshilikke pash etildi. Sol siyaqty ónerpazdar últtyq aspaptarda óner kórsetti.

Festivali qonaqtary Sholaq taularyndaghy ejelgi petroglifterge ekskursiyagha baryp, myndaghan jyl búryn jartastargha qashalghan, Jetisudyng kóne tarihynan syr shertetin suretter men tanbalardy kórdi.

Sol siyaqty viziyt-ortalyq alanynda petroglifter men kóne týrki jazuyna jәne dәstýrli qolónerge arnalghan sheberlik sabaqtary, balalargha arnalghan oiyndar men kvestter ótkizilip, qolóner búiymdarynyng jәrmenkesi úiymdastyryldy.

Sóitip, festivali tabighatpen birge tynystay otyryp, últtyq mәdeniyetti tanugha, tughan ólkening tarihyn sezinuge mýmkindik beretin mәdeniy-tanymdyq alangha ainalady.

Kelgen qonaqtar is-shara turaly oi-pikirlerin bildirdi.

- «Altynemel» últtyq parkine viziyt-ortalyq ashylghanda birinshi ret kelgenmin. Býgin ekinshi mәrte kelip otyrmyn. Osy festivaliding ótetini turaly Instagram әleumettik jelisinen kórip, kýieuim ekeuimiz Almatydan arnayy keldik. Tanerteng 5 shaqyrymdyq krosqa qatystyq. Marshrut óte qyzyq boldy. Ózim jartasqa órmeleumen ainalysamyn, sondyqtan sporttyq sharagha qatysu asa qiyndyq tughyzghan joq. Býgingi festivalida etnikalyq atmosfera bar, ejelgi tarih turaly san qily fantaziyagha berildik, kóne kóshpeli halyqtardyng tynysyn sezindik. Sondyqtan búl sapar maghan erekshe әser etti, - deydi almatylyq Dariya Nikishina.

- Turistik kompaniya ókilimin. Últtyq parkke alghash ret kelip otyrmyn. Ózimiz turistik salada jýrgennen keyin Qazaqstannyng tabighaty men tarihyn ýilestirgen osynday kórnekti jerlerin nasihattaugha atsalysayyq degen oiymyz bar, onyng ýstine festivalidi tamashalasaq, qúlandardy kórsek dep keldik. Ózim SMM mamanymyn, menimen birge dronmen týsirilim jasaushy azamat birge keldi, biz beynejazbalar týsirip, osy parkting mýmkindikterin barynsha keng taratsaq deymiz, - deydi Gýldana Qarshigina.

Kelushilerding ishinde sheteldik azamattar da bar.

- Qazaqstangha búl ekinshi ret keluim. Meni búl elding kórkem tabighaty, últtyq mәdeniyeti qyzyqtyrady. Túrghyndarynyng qonaqjaylyghy erekshe. Áleumettik jelidegi jazbalarym arqyly óz oqyrmandaryma Qazaqstannyng keremetteri turaly mol mәlimet berip otyramyn, - deydi úlybritaniyalyq Djorj Kuper.

Últtyq park mamandary bir kezderi sany kýrt azayyp, Qazaqstannyng Qyzyl kitabyna engizilgen qúlandardyng býginde «Altynemelde» arnayy baghdarlama negizinde sany kóbeytilip, ol parkting tabighy simvoldarynyng birine ainalghanyn aitady.

- Býgingi festivaligha kelushilerge qúlandardy tabighy ortada tamashalaugha mýmkindik jasalyp otyr. Bir atap óterligi, 1982 jyly nebәri 32 qúlan bolsa, biyl olardyng sany 3 571 basqa jetti. Búl – tabighatty qorghau júmystarynyng naqty nәtiyjesi jәne siyrek kezdesetin januarlar populyasiyasyn qalpyna keltiruding jarqyn ýlgisi, – deydi «Altynemel» memlekettik últtyq tabighy parkining diyrektory Quat Baytúrbaev.

Jalpy, ónirde turizm salasyn damytu 5 destinasiyagha negizdelgen, sonyng biri – últtyq parkter. Byltyr «Altynemel» memlekettik últtyq tabighy parkine 32 myng adam kelse, sonyng 11 myny – sheteldikter.

Abai.kz