Reseyge júmys isteuge baryp, Ukrainadaghy soghysqa tap bolghan qazaqstandyqtar elge oraldy. Advokat Meyirman Shekeev olardyng tughan jerine aman-esen jetkenin habarlady.

Advokat әleumettik jelidegi jazbasynda azamattardyng elge oraluyna atsalysqan Memleket basshysy Qasym-Jomart Toqaevqa, Syrtqy ister ministrligining ókilderine jәne kómektesken barsha azamatqa alghys bildirdi.

«Búl — jay ghana qaytu emes. Búl — ata-ananyng kóz jasy, otbasynyng ýmiti, balanyn, Qazaqstan azamattarynyng elge oraluy. Osy balalardyng әrqaysysy býgin óz jerinde, óz elinde, óz ata-anasynyng janynda. Allagha sansyz shýkir», — dep jazdy Meyirman Shekeev.

Ol sonday-aq qazaqstandyqtardy Mәskeu әuejayynan kýtip alyp, shygharyp salugha kómektesken azamattargha da rizashylyghyn bildirdi.

Advokat qúzyrly organdardan azamattar elge oralyp, es jighansha olargha tynyshtyq berudi súrady.

Eske sala keteyik, qazan aiynyng basynda Ukrainadaghy soghysqa tap bolghan qazaqstandyqtardyng analary men tuystary Astanagha kelip, Qazaqstannyng Syrtqy ister ministrliginen kómek súraghan bolatyn.

Jaqyndarynyng aituynsha, jigitter Reseyge kýzet agenttikterine júmysqa ornalasu ýshin barghan. Alayda olargha enbek shartynyng ornyna basqa qújattargha qol qoydyrghan boluy mýmkin. Sonyng saldarynan qazaqstandyqtar kelisimshart boyynsha әskery qyzmetshilerge ainalyp, soghysqa jiberilgen.

Búghan deyin Meyirman Shekeev azamattardyng әskery mindettemelerden bosatylghanyn jәne olardyng Qazaqstangha oraluyna zang jýzinde eshqanday kedergi joq ekenin mәlimdegen edi.

Abai.kz