Qazaqstan Aziya damu bankinen (ADB) 3,4 mlrd qytay yuani kóleminde qaryz tartpaq. Qarjy ministri Mәdy Tәkiyev ne sebepti qaryz alu ýshin Qytay valutasy tandalghanyn týsindirdi.

Qazaqstan men Aziya damu banki arasyndaghy qaryz turaly kelisimge 11 qyrkýiekte qol qoyylghan. Qújatqa sәikes, qaryz kólemi – 3 mlrd 411 mln 350 myng yuani.

Qarajat 15 jyl merzimge beriledi. Onyng ishinde ýsh jyldyq jenildik kezeni qarastyrylghan. Búl uaqytta Qazaqstan negizgi qaryzdy qaytarmay, tek payyzyn tóleydi. Al paydalanylmaghan qaryz qarajatyn rezervte ústaghany ýshin alynatyn komissiya mólsheri 0,15%-dy qúraydy.

Mәdy Tәkiyev Qúryltay otyrysynda qaryzgha alynghan aqsha kólik infraqúrylymyn damytugha, sonday-aq ónerkәsip pen bilim salasyna baghyttalatynyn aitty. Aziya damu banki qaryz qarajatynyng qalay júmsalatynyn qadaghalaydy jәne qajet bolghan jaghdayda audit jýrgizuge de qúqyly.

Kelisimdi ratifikasiyalau turaly zang jobasyn talqylau kezinde deputat Yuriy Ly qaryz alu ýshin nelikten qytay yuani tandalghanyn súrady. Búghan deyin Aziya damu banki Qazaqstangha japon iyenasymen qaryz bergen edi.

Ministrding aituynsha, Qarjy ministrligi әlemdik qarjy naryghyndaghy jaghdaydy baqylap, qaryz tartu sharttaryn taldaydy. Onyng sózinshe, qytay yuanining baghamy túraqty:

— Japon iyenasymen qaryz tartqan kezde payyzdyq mólsherlemeler basqasha boldy. Alayda ekinshi jartyjyldyqta Japoniyanyng ishki naryghyndaghy jaghday ózgerip, mólsherlemeler sәl kóterildi. Sondyqtan qazir yuanimen qaryz tartu tiyimdi baghyttardyng biri sanalady. Payyzdyq mólsherlemeler túraqty, al bagham pariytetimen erekshelenedi, — dedi Mәdy Tәkiyev.

Abai.kz