Almaty qalasynyng Almaly audandyq sotynda Sanjar Boqaevqa qatysty qylmystyq is boyynsha sot otyrystary jalghasyp jatyr. Kezekti otyrysta sot jayau jýrginshiler ótkelderin jóndeumen ainalysqan merdiger úiymnyng diyrektoryn, Baum toghayyndaghy inssenirovkagha dayyndyqqa qatysty kuәgerdi, sonday-aq alayaqtyq epizody boyynsha kompaniyanyng búrynghy menedjerin tyndady.

«IZI Company KZ» JShS diyrektorynyng sottaghy jauaby Almatydaghy jayau jýrginshiler ótkelderin jóndeu júmystaryna qatysty jalghan beynematerialdyng jariyalanuy qanday saldargha әkelip soqanyn kórsetti. Kuәgerding aituynsha, 2025 jyldyng shildesinde onyng kompaniyasy 12 firma qatysqan ashyq konkursta jeniske jetken. Nәtiyjesinde Bostandyq audanyndaghy 10 nysandy kýrdeli jóndeuden ótkizu ýshin jalpy somasy shamamen 953 million tengeni qúraytyn kelisimsharttar jasalghan.

Memlekettik satyp alu turaly aqparat ashyq bolghanyna qaramastan, Boqaev ózining viydeosynda bir milliard tengege juyq qarajat nebәri eki ótkeldi jóndeuge bólingenin mәlimdegen. Sotta jauap bergen merdiger kompaniyanyng basshysy búl jariyalanymnyng kәsiporyn júmysyna tiygizgen keri әserin algha tartty.

«Boqaevtyng jalghan viydeosy kompaniyanyng júmysyna keri әser etip, qúrylys toqtap, týrli tekseruler bastaldy. Shyn mәninde bes jerasty jәne bes jerýsti ótkeli bolghanyna qaramastan, atalghan viydeoda Boqaev qarajat bir ghana jerasty ótkeline bólingenin aitty», – dedi ol.

Kuәgerding sózinshe, jariyalanymnan keyin tuyndaghan qoghamdyq rezonans memlekettik sәulet-qúrylys baqylauy basqarmasy men tehnikalyq qadaghalau organdary tarapynan kóptegen tekseruding jýrgiziluine sebep bolghan. Júmystardyng mәjbýrli týrde toqtatyluyna baylanysty kompaniyany liysenziyasynan aiyru mәselesi de qarastyrylghan.

Sonyng saldarynan jóndeu júmystaryn ayaqtaudyng bastapqy merzimi – 2025 jylghy 31 jeltoqsan keyinge shegerilip, nysandardy tapsyru uaqyty 2026 jyldyng nauryzyna auystyrylghan. Júmystardyng keshigui tólemderding uaqytynda jýrgizilmeuine baylanysty tapsyrys berushimen arada sot daularynyng tuyndauyna әkelgen.

JShS diyrektory jóndeu qúnynyng jasyryn týrde qymbattaghany turaly qauesetti de joqqa shyghardy. Onyng aituynsha, kelisimsharttardyng bastapqy somalary ózgergen joq, olargha qosymsha kelisimder arqyly týzetuler de engizilmegen.

Sonday-aq, kuәger jóndeu júmystarynyng tehnikalyq túrghydan qajetti bolghanyn týsindirdi. Eski qaptama bólshektelgennen keyin júmysshylar ótkel konstruksiyalaryndaghy jasyryn aqaular men armaturanyng tot basqanyn anyqtaghan. Búl kemshilikter jayau jýrginshilerding qauipsizdigine tikeley qater tóndirgen.

Sot otyrysynda Boqaevtyng Baum toghayyndaghy aghashtardy kesuge dayyndyq barysyna qatysty da jana derekter aityldy. Aydanghaly esimdi kuәgerding mәlimdeuinshe, ol 2025 jylghy 24 qazanda «Uspeh» lombardynan qúny 20 myng tenge bolatyn benzinmin júmys isteytin ara satyp alynghan. Dәl osy qúral keyin toghaydaghy aghashtardy kesu ýshin paydalanylghan.

Búdan bólek, alayaqtyq epizody boyynsha sot otyrysyna mәjbýrli týrde jetkizilgen Kalenderova esimdi kuәger de jauap berdi. Ol 2018 jyly Júldyz Artyqbaevanyng jetekshiligimen «We Can» JShS-de menedjer bolyp júmys istegenin týsindirdi. Onyng mindetine «Europa–Qytay» gazben jýretin tehnika halyqaralyq avtosheruge qatysushylardyng túruy men tamaqtanuyn úiymdastyru kirgen.

Abai.kz