Boqaevtyng avtosheruine bólingen milliondar qayda ketti? Sotta bank kóshirmeleri zertteldi
Almaty qalasynyng Almaly audandyq sotynda Sanjar Boqaevtyng isi boyynsha sot prosesinde qarjylyq qújattardy zertteu bastaldy. Eki kompaniyanyng bank kóshirmelerin taldau nәtiyjesinde sot halyqaralyq avtosheruge júmsalghan milliondaghan tengening qalay bólingeni jәne qanday jolmen qolma-qol aqshagha ainaldyrylghany kórsetildi.
Basty nazar Sanjar Boqaevtyng jiyenining baqylauyndaghy «BM Trust» JShS-ning bank shottaryna audaryldy. Qújattargha sәikes, kompaniya kәsipodaqtan 27,2 million tenge kóleminde qarajat alghan. Onyng ýstine alghashqy audarymdar kelisimshartqa qol qoyylghan kýni-aq bastalghan. Memlekettik aiyptaushy 2018 jyldyng shilde-qarasha ailary aralyghynda atalghan kompaniyanyng shottarynan «ózge shyghyndar» degen negizben 10 million tengeden astam qarajat qolma-qol aqshagha audarylghanyna mәn berdi.
Búdan bólek, qarajattyng avtosheruge esh qatysy joq buhgalterlik qyzmetter men ýi-jaylardy jalgha alugha júmsalghany anyqtaldy. Búl qarjylyq derekter búghan deyingi sot otyrystarynda aitylghan kuәgerlerding sózderimen de úshtasady. Atap aitqanda, «SelinSeliMash» kompaniyasynyng zangeri dәl osy kezende «BM Trust» JShS-ning elordadan audany 671 sharshy metr bolatyn jihaz sehyna arnalghan ghimaratty jalgha alghanyn rastaghan edi. Onyng aituynsha, búl seh shyn mәninde Sanjar Boqaevtyng ózine tiyesili bolghan.
BM Trust bank kóshirmelerindegi kózge týsetin jayttardyng biri – MLS Group kompaniyasyna 7,6 million jәne 12,3 million tenge kóleminde jasalghan audarymdar. Búl tranzaksiyalar aldynghy sot otyrystarynda aitylghan kuәgerding sózderin qújat jýzinde rastady. Eske sala keteyik, búghan deyin MLS Group basshysy Súltanov sotta avtosheru turaly qanday da bir uәde etilgen derekti filimning kompaniya tarapynan mýlde týsirilmegenin mәlimdegen edi. Onyng aituynsha, kompaniyagha týsken milliondaghan tenge qolma-qol aqshagha ainaldyrylyp, Sanjar Boqaevtyng jeke ózine tabystalghan. Endi búl mәlimdemeler resmy bank operasiyalarynyng qújattarymen de rastalyp otyr.
BM Trust kompaniyasynan qarajat audarylghan ózge de alushylardyng qatarynda «Motiv Akmola» JShS men «Indigo» JK bar. Jauap alu barysynda olardyng avtosherudi úiymdastyrugha eshqanday qatysy joq ekeni taghy da rastaldy.
Al Júldyz Artyqbaeva basqarghan «We Can» JShS-nen, yaghny kompaniyanyng bank kóshirmelerinen mýlde basqa kórinis bayqaldy. Qújattar kompaniyanyng naqty sharuashylyq qyzmetpen ainalysqanyn kórsetti. Atap aitqanda, ol avtosheruge qatysushylardyng qonaqýilerde túruy men tamaqtanuyn, poligrafiyalyq ónimderge, kólik qyzmetteri men konsertterdi úiymdastyrugha milliondaghan tenge audarghan.
Búl qarjylyq qújattar búghan deyin sotqa jetkizilgen Qyzylordadaghy Sultan Plaza jәne Týrkistandaghy «Hanaka» qonaqýilerining basshylary bergen jauaptarmen tolyq sәikes keldi. Olar kórsetilgen qyzmetterding aqysyn dәl osy «We Can» JShS tólegenin rastaghan bolatyn.
Eki seriktestikting bank kóshirmelerin salystyra otyryp, memlekettik aiyptau tarapy tergeu núsqasynyng qisynyn bylay týiindedi: halyqaralyq avtosheru is jýzinde naqty qyzmetterge aqy tólegen «We Can» JShS-ning kýshimen úiymdastyrylghan. Al Boqaevtyng tuysynyng baqylauyndaghy BM Trust kompaniyasyna (qújattarda Qalmenovtyng da aty atalady) audarylghan qarajat maqsatsyz paydalanylyp, qolma-qol aqshagha ainaldyrylghan.
Qarjylyq zanbúzushylyqtar audit qorytyndysymen de rastalady. Sot otyrysynda revizordyng qorytyndysy jariya etildi. Onda avtosheru ayasynda jasalghan eki kelisimshart boyynsha kórsetilgen qyzmetterding qúny 30 million tengege artyq baghalanghany anyqtalghan. Boljamgha say qorghau tarapy búl esepteuding әdistemesimen kelispeytinin mәlimdedi.
Avtosheruge qatysty epizodtan bólek, qújattardy zertteu barysynda aiyptalushynyng basqa da auqymdy jobalargha qatysy turaly derekter belgili boldy. Mәselen, prokuror «QazTransGaz» kompaniyasy ýshin bes saghattyq korporativtik is-shara ótkizuge arnalghan qúny 57 million tengeden asatyn kelisimshartty maqúldaugha Boqaevtyng qatysqanyna nazar audardy.
Osylaysha, Boqaevtyng iri qarjy aghyndarynyng bólinuin jeke ózi baqylap, milliondaghan tengelik kelisimsharttar jasasu kezinde jauapty túlgha retinde әreket etkeni aityldy.
Abai.kz