Sәrsenbi, 18 Qarasha 2026
Áne, kórding be? 111 0 pikir 18 Qarasha, 2026 saghat 14:57

Árbir 100 barreli múnaydyng 88-i Qazaqstanda óndiriledi...

Suret: JY arqyly jasalghan.

Keyde kýndelikti qymbatshylyq, qoghamdyq dau men túrmystyq mәselelerding arasynda óz elimizding ekonomikalyq auqymyn bayqamay qalamyz. Qiyndyqtarymyz bar, ony eshkim joqqa shygharmaydy. Biraq Qazaqstannyng ónirdegi salmaghyn da ornymen baghalay biluimiz kerek.

Italiyanyng iri energetikalyq kompaniyasy Eni әlemdik energetikanyng ahualyn taldaytyn World Energy Review 2026 esebin jariyalady. Biyl 25 jyldyghyn atap ótken osy sholuda Qazaqstangha qatysty nazar audararlyq sandar bar.

Sonyng eng salmaqtysy mynada. Ortalyq Aziyadaghy múnay óndirisining shamamen 88 payyzy bizding ýlesimizde. Ónirdegi bes memleket óndiretin әrbir jýz barreliding seksen segizi Qazaqstannan shyghady. Búl jay ghana birinshi oryn emes, óndiris auqymy jaghynan ýlken basymdyq.

Eseptegi әdisteme boyynsha, gaz súiyqtyqtaryn qosa eseptegende, 2025 jyly Qazaqstannyng tәuliktik múnay óndirisi 2,098 million barrelige jetken. Bir jyldaghy ósim 11,8 payyz, al on jyldaghy ósim 24 payyzgha juyq. Múnday kólem Qazaqstannyng әlemdik energiya naryghyndaghy ornyn da aiqyndaydy.

Múnay degende búl ken ornyndaghy únghyma ghana emes. Onyng ainalasynda kólik, qúrylys, servistik kompaniyalar, injenerlik qyzmet, myndaghan júmys orny bar. Eksporttan týsken valutanyng tenge baghamyna, budjetke, Últtyq qorgha yqpaly bar. Sondyqtan óndiristing osynday auqymy tútas ekonomikanyng mýmkindigine әser etedi.

Eseptegi taghy bir qyzyq kórsetkish jel energetikasyna qatysty. Eni salystyrmaly derek keltirgen ónir elderining arasynda Qazaqstannyng jel elektr stansiyalarynyng belgilengen quaty 1 909 MVt, Ózbekstanda 1 652 MVt bolghan. Múnda sóz óndirilgen elektr kólemi turaly emes, ornatylghan quat turaly bolyp otyr. Dәstýrli energetikadaghy tәjiriybemizben qatar, jana baghyttaghy óndiristik negizimiz de qalyptasyp kele jatqanyn osydan kóruge bolady.

Qazir Qazaqstannyng qolynda kelesi damu kezenin qarjylandyratyn eleuli mýmkindik bar. Energetikadan týsetin tabysty óndeu ónerkәsibine, senimdi elektr jelilerine, bilimge jәne tehnologiyagha ainaldyra alsaq, býgingi basymdyghymyz úzaq merzimdi nәtiyjege júmys isteydi. Sondyqtan elimizding әleuetin baghalaghanda jetistikti kóre bilu manyzdy. Odan keyin sol jetistikke say talap qoya alamyz.

Aybar Oljaev

Abai.kz

0 pikir