Býgin halyqaralyq studentter kýni eken ghoy. Qútty bolsyn! Studenttik shaqtaghy qyzyqtar esime týsip otyr...
Qazir bar ma, joq pa, bilmeymin, bizding kezimizde jataqhanada «qazan úrlau» degen «dәstýr» boldy. Ortaq kuhnyada tamaq istep jatyp, dәl pisetin kezde «5-10 minut túra túrsynshy» dep bólmesine ketetin talay qyz san soghyp qalatyn. Sony, әriyne, aiqay-shu bolady. Keyde «adres» boyynsha izdep kelip, tauyp alatyndar da, taba almay syrtynnan qarghap-silep jýretinder de bar. Tauyp alsa, «úrylardyn» jaghdayy qiyn, tamaqqa qosa «anau-mynau» alyp, as iyelerin kýtuge tura keledi. Yaghny úrlyqtyng sony veshirge úlasady. Ondayda qyzdardyng keterde: «Anda-sanda óstip tamaq úrlap, bizdi shaqyryp túrsandarshy...» dep kýletini bar...
Izindi bildirmey ketetin sәtter bolady. Al bilip qoyyp, syrtynnan sileytetinderding qybyn tabu qiyn. Olardyng qabaghy qatu bolady. Amandaspaydy. Endi taghy bir problema bar — qazandy aparyp beru. Múndayda aldyn ala «elshi» jiberiledi. Ol — úrlyqqa qatyspaghan, taza adam boluy shart. Kórgisi kelmeytinder «elshi» arqyly: «Qazandy alghan ornyna qoysyn, sol jerden alamyz...» — dep sәlem aityp jiberedi. Búl — eshqanday kelissózge oryn joq degen belgi. Qazanyn alghan jerine aparyp tastaudan basqa amal joq. Al endi «elshige» sәl kýle qarasa, keshke baryndy kiyip, qazangha qosa... tortyndy alyp, sol bólmege qaray ayandaysyn. Áueli qabaghy ashylmay otyrghan qyzdar tortty kórgesin sәl kýlimdey bastaydy. Birazdan song keshegi oqigha kýlkining «obiektisine» ainalady. Osynday «sapardan» song keyde keshegi «úry» men «jәbirlenushinin» arasy jaqyndap ketetini, tipti órt sezimge úlasatyny da bar... 
«Qazan úrlau» operasiyasy onay emes. Oghan da ep kerek. Áueli toghyz qabattyng әrqaysynyng ashanalaryna «barlaushylar» jiberiledi. Olardyng mindeti — qayda, qanday qazan búrqyldap jatqanyn anyqtau. «Nysan» naqtylanghasyn, qazan úrlaugha eng syralghy eki «úry» jiberiledi. Taghy eki adam olardyng «qauipsizdigin» qamtamasyz etedi. Yaghni, әlgiler qazandy alyp, zyp bergende, jaryqty sóndirip tastap, joldaghy esikterding bәrining ashyq boluyn qadaghalauy kerek. Bir qabattan ekinshi qabatqa jýgirip bara jatqan «úrynyn» aldynan eshkim shyghyp qalmauy qajet. Al basqalar búl kezde nan turap, shay qoyyp, kýtip otyrady. «Úrylar» kirgen zamatta esik qúlyptalyp, u-shu basylghansha tipti jaryq ta sóndirilip tastalady. «Eshkim joq». Ay, odan keyin jegen tamaqtan tәtti as joq-au ómirde...
«Operasiyanyn» bәri sәtti ayaqtala bermeydi. Mysaly, bir kýni 17 jataqhananyng 702 bólmesinde ash qasqyrday úlyp otyrghan bizge 2 qabattyng ashanasynda qazan qaynap jatyr degen habar týsti. Eki «úry» pisip qaldy-au degen mezgilde qazandy kóterip, 7 qabatqa qústay úshsyn. Jaryq ta sóndirildi, adam kóp jýrmeytin ekinshi baspaldaqtyng boyynda da eshkim bolghan joq, bir sózben aitqanda, «operasiya» sәtti ayaqtaldy. Tek... qazannyng qaqpaghyn ashqan Baqyttyng jan dauysy shyqty. Qazangha ýnilgen biz de osharylyp túryp qaldyq. Bizding manadan beri et dep kýtip otyrghanymyz... qyzdardyng shashqa taghatyn bigudii bolyp shyqty...
Qayran, dәuren...

Abai.kz