Alash arystarynyng asyl sózi taghy bir janghyrmaq! 
23 mausym kýni Astana qalasyndaghy Últtyq kitaphanada «Alash aitqan asyl sóz» atty kitaptyng túsaukeseri (11:00-de) ótedi. Jana kitap Qazaq eli Tәuelsizdigining 25 jәne Alashorda Ýkimetining Ýkimetining basshysy Álihan Bókeyhannyng 150 jyldyghyna oray jaryqqa shyghyp otyr. Sonday-aq, 1916 jylghy Últ-azattyq kóterilisining 100 jyldyghyn da qaperden shygharghanymyz joq. Jinaqqa últ kósemi Álihan Bókeyhannan bastap Smaghúl Sәduaqasúlyna deyingi 25 Alash arystarynyng oi-tolghamdary men qanatty sózderin toptastyryp berip otyrmyz. Osy rette 25 Alash arystaryn iriktep, olardyng qanatty sózderin jariyalauymyzdyng tegin emestigin aita ketken jón. Óitkeni, biyl Tәuelsizdigimizding 25 jyldyghy, osyghan oray oqyrman qauymgha 25 Alash arysynyng qanatty sózderin syy retinde tartu etudi aldymyzgha maqsat etip qoydyq.

Búl bastamany jobanyng avtory retinde 2 jyl búryn Shymkentte qyzmette jýrgende qolgha alghan edim. Alash arystarynyng tom-tom enbekterin aqtaryp, inju-marjan sózderdi iriktegen jurnalist Serik Joldasbai men tarihshy Erkin Erlanúlyna myng alghys! Sebebi atalghan azamattar bir jyl boyy Alash arystarynyng sózin jinaqtaumen ainalysty. Sondyqtan da Alash arystarynyng últ, din, til, bilim, mәdeniyet, óner syndy taqyryptaghy taghylymy mol, ghibratty sózderi oqyrman qauymdy bey-jay qaldyrmaydy degen senimdemin. Sonday-aq kitaptyng jaryq kóruine qoldau kórsetken Beken Qonys pen Erkebulan Kurmangaliyevke de alghysymyz sheksiz. 
Negizi biz kóp jaghdayda oiymyzdy dәl jetkizu ýshin ózge júrttyng oishyldary men sayasatkerlerining qanatty sózderin tilge tiyek etemiz. Ókinishke qaray, óz qayratkerlerimizding qanatty sózderin qaperden shygharyp alyp jatamyz. Áytpese Álihan Bókeyhan aitqan qanatty sózder Atatýrik pen Djordj Vashingtonnan esh kem emes. Aytalyq, Vashington: «Elim maghan ne beredi dep emes, men elime ne beremin» dep oilauymyz kerek?» dese, Álihan Bókeyhan: «Tiri bolsam, han balasynda qazaqtyng haqysy bar edi, qazaqqa qyzmet qylmay qoymaymyn» deydi. Ýndestik bar ma? Bar. Jalpy kitapty paraqtap qarap shyqsanyz, «Apyray, ә» degizetin qanatty sózder óte kóp. Múny kitapqa pikir jazghan belgili alashtanushy – ghalym Túrsyn Júrtbay da aityp otyr. Mine, osynday qúndy kitapty oqimyn deseniz, Almaty qalasyndaghy «El shejiresi» baspasyna habarlasynyz. (Abay danghyly 143, kabiynetter: 403, 413. tel; 394-42-04, 394-42-91) Sonday-aq, Shymkentte Beken Qonysovtan, Astanada Serik Joldasbaydan «Alash aitqan asyl sóz» kitabyn satyp aluynyzgha bolady. 
Al, Astanalyq aghayyndy «Alash aitqan asyl sóz» atty kitaptyng túsaukeserine shaqyramyz. Túsaukeser 23 kýni saghat 11:00 –de Últtyq kitaphanada ótedi. Eger oqyrman tarapynan qyzyghushylyq bolyp jatsa, atalmysh kitaptyng túsaukeserin Alashtyng astanasy atanghan Semeyden bastap basqa qalalarda da ótkizuge mýmkindik bar.

abai.kz