Qazaqstan syrtqy ister ministrining orynbasary Erjan Ashyqbaev 22 qantarda Astanada jurnalisterge Qazaqstan Minskide ótetin kelissózding manyzdylyghyna «kýmәn keltirmeytinin» jәne Belarusi astanasynda qol qoyylghan beybit kelissózdi «qúrmetteytinin» aitty.

«Biz Minsk prosesine kiyligip otyrghan joqpyz. Biraq, Qazaqstan mәselening sheshimin tabuda qoldau kórsetuge ýnemi dayyn» dedi Ashyqbaev. Ol búghan qosa Astana janjaldasushy taraptar súraghanday bolsa, kelissóz ótkizuge alang úsynugha barlyq kýshin sarp etetinin aitty.

Belarusi syrtqy ister ministri Vladimir Makey qantardyng 19-ynda kelissózderdi jana oryngha auystyrghannan ózgeris bolmaytynyn aitqan. "Eger tabysqa jetedi degen nyq senim bolsa, onda Ukraina boyynsha kelissózderdi tipti Antarktidagha auystyrugha bolady", - degen Makey. Onyng mәlimdeuinshe, Belarusi ózgelermen salystyrghanda "bitimger atanugha tyrashtanbaydy".

Al Kremli 2015 jyly jasalghan Minsk kelisimderining talaptaryn oryndaubeyildilik Ukrainadaghy janjaldy retteu jónindegi kelissóz ótetinorynnan da manyzdy ekenin mәlimdegen.

Qazaqstan preziydenti Núrsúltan Nazarbaev ótken aptada AQSh-qa sapary barysynda Aq ýide preziydent Donalid Tramppen kezdesuinde Ukraina taqyrybyn talqylaghandaryn, Tramp ol kelissózderdi basqa jerge auystyrudy úsynghany turaly aitqan bolatyn.

Minskide 2014 jyldan beri Ukrainadaghy janjaldy retteuge baghyttalghan beybit kelissózding birneshe kezeni ótken. Minskide 2014 jyly qyrkýiekte jәne 2015 jyly aqpanda Donbastaghy qaqtyghysty toqtatu turaly kelisim jasalghanyna qaramastan, janjal әli kýnge tolyq rettelmey otyr.

2014 jyly kóktemde Ukrainanyng shyghysynda ýkimet әskeri men Resey qoldaytyn separatister arasynda qaruly janjal bastalghaly beri 10 mynnan asa adam qúrban bolghan.

Abai.kz